Nan yon efò pou amelyore
eksperyans “My School Online (MSO)”, (Lekòl Mwen Sou Entènèt), e resevwa kòmantè
konsènan patfòm K12 la, “Miami-Dade County Public Schools (M-DCPS)” (Lekòl Leta
Miami-Dade County) devlope yon sondaj pou paran elèv klas matènèl jiska 5èm
ane eskolè.
Nou mande paran pou yo antre
sou Pòtal Paran an, nan dadeschools.net/parents pou ranpli sondaj la, ann
Anglè, Espayòl oubyen Kreyòl. Sondaj la pa gen yon dat final, men nou mande paran pou yo
patisipe pi vit posib.
Difikilte
teknik ki te pote anpil fristrasyon pou elèv, paran, pwofesè ak administratè yo
pandan premye semèn lekòl la te fè Distri a chwazi pou li separe platfòm klas
matènèl jiska klas 5èm ane eskolè a ak platfòm klas 6-12èm
ane eskolè a, omwen pou kounye a. Distri a ak K12, vandè yon antite endepandan,
ap evalye aktivman pwoblèm platfòm nan, nan konsantre sou pàn ki pa t gen rapò
ak pwoblèm koneksyon jeneralize entènèt ki te twouble aprantisaj a distans pandan
premye semèn lekòl la. K12 detèmine pou l fè yon seri tès sou amelyorasyon
platfòm nan pandan tout semèn nan, e M-DCPS ap kontwole pwogrè yo deprè jiska
11 septanm.
Angajman elèv ak pwofesè sou
K12 la te vin amelyore nan fen premye semèn nan pou klas matènèl jiska 5 èm
ane eskolè, men te toujou gen pwoblèm koneksyon kèk kote. Sondaj sa a, ki
pral plis mezire eksperyans paran apre yo fin itilize K12, pral ede M-DCPS ak
K12 ogmante amelyorasyon pèfòmans sistèm nan. Nou bay pwofesè yo tou yon lyen
sou entènèt pou yo pataje kòmantè dirèkteman sou platfòm nan.
Nou poko pran oubyen anonse okenn
desizyon konsènan tranzisyon nan Etap II ak retou fizik nan bilding lekòl yo. Pou
kounye a, ansèyman ak aprantisaj nan M-DCPS rete sou entènèt. Distri a ap
kontinye eksplore yon retou lekòl an plizyè etap, ki ap bay elèv ki pi vilnerab
yo priyorite, ki gen ladan sa yo ki gen andikap. Nou poko deside yon dat egzak
pou retou nan lekòl. Kondisyon sante kominotè ak kritè pwoteksyon ki te deja
etabli, baze sou konsèy ekspè medikal yo, se faktè ki pral detèmine yon dat reouvèti
pou M-DCPS.
Pou dènye enfòmasyon yo, silvouplè
telechaje aplikasyon mobil Dadeschools la sou aparèy iPhone oubyen Android ou.
Suiv nou sou Twitter nan @mdcps ak @miamisup,
sou Instagram nan @miamischools
ak @miamisup, e sou Facebook nan MiamiSchools
ak AlbertoCarvalho
# # #
20-DGD/030/NZ/SD/CM