Retounen nan Premye paj
KONTAKTE: Carline Faustin
305-995-2192
26 jiyè 2000
"Family Rights and Privacy Act" ki vle di Lwa sou Dwa Fanmi ak Vi
Prive ansanm ak seksyon 228.093, Lwa Eta Florid, pwoteje ekzaktitid
ak sekrè dosye lekòl elèv yo e garanti dwa paran
osnon gadyen yon timoun pou l wè enfòmasyon ki lan
dosye lekòl timoun nan.
Daprè lwa a, yo pa gen dwa livre dosye yon timoun bay okenn
moun san konsantman paran an, gadyen an oubyen timoun nan ki elijib
nan sans sa a, sof nan ka eksepsyon ki mansyone yo. Eksepsyon sa yo
enkli ofisyèl lekòl yo ki gen yon enterè lejitim
nan zafè edikasyon. Eksepsyon yo enkli tou ka kote tribinal
voye manda konparisyon oswa pase lòd pou envestige dosye yon
elèv. Pou asire respè lalwa, sistèm lekòl
la pibliye enfòmasyon detaye ki di ki fason pou kenbe dosye
elèv yo e nan ki kondisyon pou livre yo. Enfòmasyon sa
yo nan Student Educational Records Manual la, School Board Rule
6GX13-5B-1.07.
Lekòl yo dwe chak ane avèti paran yo alekri, gadyen
timoun yo oubyen elèv ki elijib yo sou dwa yo pou yo enspekte
e revize dosye elèv yo gen lan lekòl yo. Elèv ki
gen mwens pase 18 an, e ki vle wè dosye lekòl yo, dwe
gen pèmisyon yon paran oubyen gadyen. Dwa paran yo vin
transfere bay timoun yo lè timoun yo gen 18 an oubyen
lè timoun yo nan yon enstitisyon kote y ap fè etid
pòssegondè yo.
Elèv yo dwe kontakte biwo enskripsyon lekòl yo, si yo
vle voye relvenòt yo bay inivèsite yo oubyen
sèvis ki bay bousdetid.
00-J0153CF
KONTAKTE: Carline Faustin
305-995-2192
26 jiyè 2000
Lekòl Leta Miami-Dade County fè diferan kalite
tès pou evalye sante elèv yo, sou sipèvizyon
pèsonèl lekòl la oubyen pèsonèl ki
bay swen sante.
Yo fè tès je chak ane pou elèv nan klas
matènèl, jadendanfan, premye ane, katriyèm ane
lekòl, nouvo elèv nan Florid ki nan rès nivo ane
lekòl elemantè, setyèm ane e dizyèm ane.
Yo fè tès pou zòrèy/tande chak ane pou
elèv nan klas matènèl, jadendanfan, premye ane,
dezyèm ane, katriyèm ane, nouvo elèv nan Florid
ki nan rès nivo ane nan lekòl elemantè, nan
setyèm ane, e dizyèm ane. Paran elèv ki pa pase
nenpòt nan tès yo oubyen ki sanble li ka gen yon
pwoblèm vizyon osnon yon pwoblèm tande, n ap konseye l
pou al chèche swen medikal kay doktè yo.
Chak ane yo fè tès eskolyoz pou elèv ki lan
7yèm ane lekòl. Yo fè tès pou elèv
10yèm ane lekòl pou wè si yo pa gen tansyon.
Lè elèv yo gen maladi alontèm oubyen maladi
kwonik oubyen andikap ki mande pou yo pran medikaman,
pèsonèl lekòl la kab ede elèv yo, pou yo
pran medikaman an alè, sitou lè moman pou timoun nan
pran medikaman an pa kab ajiste pou l koresponn ak lè timoun
nan lakay li.
Yon paran oubyen gadyen dwe siyen yon fòm konsantman epi yon
doktè lisansye dwe siyen yon plan tretman ekri ki esplike
nesesite medikaman an. Fòk yo ranpli fòm otorizasyon sa
yo sèlman yon fwa pandan ane eskolè a. Lè gen
yon chanjman medikaman, paran an osnon gadyen an ak doktè a
dwe bay yon nouvo fòm otorizasyon yo.
Direktè a ap sere medikaman an yon kote anba kle. Pou plis
enfòmasyon, kontakte Wilma Steiner, R.N., ki se
sipèvizè pwogram sante nan sistèm lekòl
la, lan 305-995-1235.
00-J0154RL
KONTAKTE: Carline Faustin
305-995-2192
26 jiyè 2000
Elèv segondè yo ak paran yo pi enfòme pase anvan
sou opòtinite pou fè etid inivèsitè grasa
Pwogram Èd Pou Etid Inivèsitè (College
Assistance Program /CAP) Lekòl Leta Miami-Dade County a.
"CAP" ofri sèvis an plen-tan nan 29 (30 an 2000-2001)
lekòl segondè e sèvis an demi-tan nan twa
lekòl "magnet" (leman) e nèf sant edikasyon
altènatif.
Konseye "CAP," nan chak lekòl segondè fè
randevou pou konferans endividyèl ak elèv nan
11zyèm ak 12zyèm ane eskolè pou diskite plan yo
aprè yo fini lekòl segondè. Konseye "CAP" yo ede
elèv yo tou nan ranpli aplikasyon pou egzamen pou yo antre nan
kolèj. Pou enskripsyon nan enstitisyon apre lekòl
segondè, èd finansyèl, bousdetid. Yo pa inyore
lòt elèv ki nan lekòl segondè yo. Konseye
"CAP' yo visite klas elèv nan nevyèm ane ak
dizyèm ane lekòl pou ankouraje yo kòmanse
pansede kolèj.
"CAP" fè atelye pou enfòme paran yo sou bousdetid, e yo
patwone an kolaborasyon M-DCPS e National Association for College
Admission Counseling yon ekspozisyon kolèj anyèl.
Randevou ekspozisyon pou ane 2000 la ap prezante plis pase 150
kolèj e inivèsite atravè peyi a e yo va anonse
date evenman sa an otòn nan.
College Assistance Program of Dade County Inc., yon
òganizasyon 501(c)(3) ki pap chèche pwofi, bay
apeprè $ 425.000 pou ede elèv ki prepare pou yo antre
nan inivèsite pou ane 1998-99 la. Chak prentan
sipèentandan lekòl yo fè "Scholarship Saturday,
ki yon seri evenman espòtif kominotè pou ede jwenn fon
pou CAP ki gen ladann jwèt "softball", domino, boling, e
kous/mache 5k. Yo fè CAP kado tout lajan yo antre nan evenman
yo.
Pou plis enfòmasyon, elèv yo dwe kontakte konseye "CAP"
ki nan lekòl yo a osnon rele biwo distri a pou "College
Assistance Program," la, nan 305-995-1743.
00-J0155CF
KONTAKTE: Carline Faustin
305-995-2192
26 jiyè 2000
Komisyon Konsèy Lekòl Leta Miami-Dade County
egzèse otorite legal li genyen sou sistèm lekòl
la, an konfòmite ak lwa Florid e ki detèmine regleman
yo. Chak manm eli ofisyèl yo nan nèf (9) manm
konsèy reprezante yon distri anpatikilye nan county an.
Komisyon Konsèy Lekòl yo, anjeneral, fè reyinyon
yon fwa pa mwa lè mèkredi a 1:00 nan aprèmidi,
lan premye etaj la lan oditoryòm Bilding Administrasyon
Konsèy Lekòl yo ki sitiye lan 1450 N.E. 2yèm
Avni, Dat yo apwouve a afiche nan Citizen Information Center e sou
sit Lekòl Leta Miami-Dade County sou Entenè
http://dcps.dade.k12.fl.us/. Piblik la kapab patisipe lan reyinyon yo
e li pase lan televizyon sou WLRN, kanal 17 ak lan radyo sou WLRN,
bann FM 91.3.
Sitwayen ki enterese kapab adrese konsèy la sou sijè ki
enskri lan ajanda a. Pou yo fè sa, yo dwe fè yon demann
ekri bay "Citizen Information Center" vè 4:30 nan
aprèmidi lan lendi anvan reyinyon an. Sitwayen yo ka adrese
komisyon konsèy la sou sijè ki pa lan ajanda a,
sèlman pandan odyans piblik yo ki fèt nan konklizyon
reyinyon regilyè. Delè ak pwosedi pou enskri pou
patisipe lan yon odyans piblik se menm ak sa nou fèk sot dekri
la a pou reyinyon regilyè yo. Nenpòt moun lan piblik la
ki gen pou pale e ki bezwen sèvis yon entèprèt
panyòl osnon kreyòl, lè l ap pale devan
Konsèy la, dwe fè demann nan nan menm lèt li
mande pou l pale a.
Gen fòm yo lan tout biwo rejyon yo ak lan "Citizen Information
Center," Sal 158, ki lan Bilding Administrasyon Konsèy
Lekòl yo. Nimewo faks la se 305-995-1151.
Biwo Manm Komisyon Konsèy Lekòl yo sitiye lan Bilding
Administrasyon Konsèy Lekòl yo (School Board
Administration Building). Yo kab kontakte manm Konsèy
Lekòl yo lan 305-995-1334.
Manm Komisyon Konsèy Lekòl Leta Miami-Dade County yo:
00-J0156CF
KONTAKTE: Carline Faustin
305-995-2192
26 jiyè 2000
Elèv yo dwe gen nan dosye lekòl yo enfòmasyon ki
di kiyès pou yo kontakte nan ka ijans. Sa va
pèmèt yo avèti rapidman paran yo osnon
lòt endividi yo te deziye sou kat ijans lan pou lè gen
yon ijans konsènan pitit yo.
Paran yo dwe founi enfòmasyon sa yo sou kat dosye elèv
la depi premye fwa yo t ap enskri timoun yo nan yon lekòl leta
nan Miami-Dade; ansuit fò yo mete enfòmasyon yo ajou
chak ane. Sepandan, li enpòtan pou paran yo met
enfòmasyon yo ajou diran ane eskolè a si ta vin gen
chanjman non, telefòn oubyen adrès.
Lè yon elèv gen yon ijans nan lekòl li osnon
pandan yon aktivite lekòl la te otorize, responsab yo nan
lekòl la dwe avèti youn nan paran yo imedyatman. Si ni
manman ni papa pa la, yo dwe rele yon fanmi oubyen yon zanmi ki gen
non li mansyone sou kat ijans lan. Si yo pa jwenn ni zanmi, ni fanmi
epi maladi oubyen blesi timoun nan grav, yo dwe rele ekip
sèvis sekouris ak/oubyen lapolis.
00-J0157CF
KONTAKTE: Carline Faustin
305-995-2192
26 jiyè 2000
Gen yon limit vitès 15 mil alè pou tout
motoris/chofè k ap kondi bò lekòl leta yo nan
jou lekòl yo e nan lè ki fikse nan tablo siy yo.
Lè pou kondi a 15 mil alè a depann de lekòl yo.
Chak lekòl gen dwa gen yon lè lejèman diferan
pou aplikasyon restriksyon vitès la.
Pou sekirite timoun yo li enpòtan pou chofè yo li
avèk prekosyon tablo limit vitès yo lè y ap pase
nan zòn lekòl yo. Epi se yon vyolasyon règleman
trafik la pou depase limit vitès yo enpoze nan zòn
lekòl yo.
Timoun yo, bòkote pa yo, dwe veye machin k ap vini.
00-J0158CF
KONTAKTE: Carline Faustin
305-995-2192
26 jiyè 2000
Sant Enfòmasyon (Citizen Information Center), ki fè
pati sistèm Lekòl Leta Miami-Dade County a, la pou
reponn tout moun ki gen keksyon sou sistèm lekòl
la.
Li tabli kò l nan sal 158 Bilding Administrasyon Konsèy
Lekòl la ki nan 1450 N.E. Second Ave. Sant lan founi piblik la
dokiman, enfòmasyon jeneral ak ajanda pou reyinyon
Konsèy Lekòl la.
Sant lan gen yon estaf disponib pou reponn keksyon ann anglè
ak an panyòl. Y ap refere moun, ki bezwen enfòmasyon an
kreyòl, bay lòt manm pèsonèl la ki pale
kreyòl. Yo kapab kontakte Sant lan nan 305-995-1128 oubyen
vizite l lendi jiska vandredi depi 8:00 dimaten jiska 4:30 nan
aprèmidi.
Sit Lekòl Leta Miami-Dade County sou Entènèt,
http://www..dade.k12.fl.us/, epitou li ofri yon varyete
enfònmasyon sou sistèm lekòl la.
00-J0159CF
KONTAKTE: Carline Faustin
305-995-2192
26 jiyè 2000
Lekòl Leta Miami-Dade County gen yon lis règleman sou
abiman elèv. L ap veye aplikasyon règleman sa yo
seryezman.
Lis règleman sa yo la pou anpeche aparans yon elèv
kreye yon pwoblèm pou sante, sekirite, pwòpte
lòt elèv oubyen yon pwoblèm pou anviwonman kote
lòt timoun ap aprann. Règleman yo se pa pou kontwole
longè cheve osnon kalite rad timoun yo mete.
Yo ka pran sanksyon kont elèv ki vyole règleman yo
sèlman aprè yo te ba yo yon chans pou korije vyolasyon
an e apre yon konferans paran-pwofesè.
Gen kèk lekòl ki resevwa apwobasyon Konsèy
Lekòl la pou adopte kèk règleman sou abiman ki
pi estrik ki entèdi moun vin lekòl ak rad tankou mayo,
chemizèt, kòsaj san bretèl, chapo, ti filang
rad, sapat jezikri e rad ki gen mesaj k ap fè piblisite pou
tabak, alkòl, pònografi, dwòg, oubyen
sèks.
Genyen tou plizyè lekòl ki adopte inifòm pou
ankouraje elèv yo amelyore abitid etid yo e idantifye yo plis
ak lekòl yo. Paran ki bezwen plis enfòmasyon sou
règleman abiman lekòl la dwe kontakte direktè
lekòl pitit yo a.
00-J0160CF
KONTAKTE: Carline Faustin
305-995-2192
26 jiyè 2000
Elèv segondè (Middle School ak High School) ki gen 10
oubyen plis pase 10 absans san eskiz nan yon kou anyèl oubyen
plis absans san eskiz nan yon trimes espesifye pandan ane
eskolè a kouri ris pou yo wè administrasyon
lekòl la kenbe nòt final yo malgre yo pase.
Administrasyon an ap kenbe nòt yo pandan komite ki okipe
zafè prezans elèv la ap revize tout absans yo.
Se sèlman absans ki gen eskiz ki akseptab. Maladi, randevou
doktè, lanmò nan fanmi an, obsèvans yon
fèt relijye oubyen yon evenman lekòl la patwone e
apwouve l davans se sèl rezon valab pou yon elèv pa vin
lekòl. Yo ankouraje paran yo pou yo rele lekòl la
lè yo konnen yon elèv ap absan.
Elèv ki gen eskiz pou yo absan ap gen opòtinite pou
fè travay yo te manke yo nan yon tan rezonab; elèv ki
absan san eskiz ap pran yon nòt "F" pou travay yo te manke
yo.
Epitou, yo ap remèt Depatman Lisans Machine nan Florid dosye
prezans lekòl pou elèv laj apwopriye ki gen abitid
fè woul (15 absans oubyen plis absans san eskiz nan yon
kalandriye pou 90 jou) kote yo ap mete yon bar sou non yo, pou yo pa
ka aplike pou lisans kondui. Si yon elèv ki abitye fè
woul deja genyen yon lisans kondui, yo kab revoke lisans la. Yo ap
avize moun sa a pa lapòs e tou pwosesis kòman pou li
kab genyen lisans li ankò.
00-J0161CF
KONTAKTE: Carline Faustin
305-995-2192
26 jiyè 2000
Kenbe yon relasyon dirèk ak pwofesè yon timoun
enpòtan anpil pou ede e amelyore edikasyon elèv la depi
jadendanfan jiska finisman etid segondè l.
Paran yo dwe rankontre pwofesè pitit yo bonè nan
kòmansman ane eskolè a, se kenbe kontak ak
pwofesè yo diran tout ane eskolè a. Konferans paran ak
pwofesè se meyè fason pou yon paran ret enfòme
sou pwogrè yon timoun oubyen diskite sou nenpòt
pwoblèm ki kab genyen.
Yo kab fasilman fikse yon konferans avèk èd direksyon
an. Nan lekòl segondè yo, yo kab kontakte konseye a pou
asistans ak konferans. Pou paran ki pa kab al nan lekòl pitit
yo, voye yon nòt bay pwofesè timoun nan pou fikse yon
randevou pou pale ak pwofesè a pa telefòn se yon
lòt chwa.
00-J0162CF
KONTAKTE: Carline Faustin
305-995-2192
26 jiyè 2000
Kòmanse sou paran yo, biznis yo, lidè kominotè
yo, gouvènman lokal, elèv kolèj ak elèv
inivèsite, rive sou tigranmoun, patisipasyon sitwayen lan
Lekòl Leta Miami-Dade County ofri tout moun yon
opòtinite pou ede ofri elèv yo fè yon bèl
eksperyans lekòl ki pi satisfezan.
Plis pase 30.000 sitwayen ak moun ki nan konpayi k ap fè
volontè, konsakre ant inètan ak dezèdtan pa
semèn pou anseye elèv, ede lan pwomnad lekòl yo
òganize epi patisipe lan lòt aktivite lekòl yo
fè. Nou ankouraje tigranmoun yo espesyalman pou yo pataje tan
yo ak tijèn yo.
Volontè yo ofri sèvis yo lan plis pase 30 domèn
ki genyen ladan moun elèv kab pwofite de eksperyans yo e
elèv ka pran leson sou matyè yo, depi sou matematik,
lekti, rive sou òdinatè (computer). Pou timoun ki
bezwen yon zanmi granmoun, volontè "Listener" yo vin
enpòtan anpil. Lan pwosesis la, yo ede tijèn yo devlope
imajinasyon ak kreyativite yo, epi yo ede elèv yo devlope
amoupwòp yo. Yo ofri pwogram sa a an espanyòl (Oyentes)
tou. Yo pran pati nan pwogram Sipò pou Timoun ki ede yo gradye
soti nan lekòl segondè e jenn bous pou kolèj.
Pou plis enfòmasyon sou pwogram volontè ki resevwa prim
nan Lekòl Leta Miami-Dade County silvouplè rele
(305-995-1215).
Gen yon branch "Parent-Teacher Association/PTA" (Asosyasyon Paran ak
Pwofesè) lan prèske chak lekòl leta lan
Miami-Dade. Ak plis pase 53.000 manm, Konsèy PTA/PTSA Dade
County a se twazyèm pi gwo asanble PTA lan peyi a. PTA a, ki
patisipe lan plizyè aktivite lekòl yo, ede anpil. Nou
ankouraje paran yo pou yo fè yo manm PTA a. Pou yo patisipe,
paran yo ka telefone lekòl pitit yo oswa biwo PTA/PTSA a lan
305-995-1102.
Konsèy Konsiltatif Distri a ak "Feeder Pattern" yo ofri
sitwayen yo yon opòtinite pou yo patisipe lan fòmasyon
pwogram ak pwosedi lekòl yo. Pou w patisipe, kontakte "Office
of Parent Participation" lan 305-995-1367.
Daprè plan Florid la sistèm eta a met sou pye pou pote
amelyorasyon nan zafè lekòl ak edikasyon, "Educational
Excellence School Advisory Councils (EESACs)" ki vle di Asanble
Konsèy Edikasyonèl Lekòl Ekselan te tabli lan
tout lekòl. Chak EESACs, ki konpoze de paran, elèv,
administratè, reprezantan biznis/kominotè, te patisipe
aktivman nan devlopman e siveye p lan anyèl pou Amelyorasyon
Lekòl la (School Improvement Plan). Yo ankouraje tout sitwayen
pou yo kontakte lekòl yo pou y aprann plis de EESACs.
Pwogram "Dade Partners," yo selebre nasyonalman, gen plis pase 3.000
biznis, òganizasyon sivik ak manm kominotè ki "adopte"
lekòl ki lan katye yo. "Dade Partners" travay ansanm pou
amelyore pwogrè elèv yo e anrichi pwogram
edikasyonèl yo. Kèk nan òganizasyon "Dade
Partners" yo sèvi lan tout Dade la kòm patnè
tout distri eskolè a. Pou enfòmasyon sou "Dade
Partners" rele 305-995-1215.
"Intergenerational Program," ki se Pwogram Tèt ansanm ant
Diferan Jenerasyon, ofri tigranmoun yo opòtinite pou yo travay
endividyèlman ak yon elèv. Atravè pwogram
"Senior Mentor" la endividi ki depase laj 50 tan mache an pè
ak yon timoun. Yon "Senior Mentor" travay ak yon elèv pou sis
a dis semèn sou pwojè ki baze nan enterè yo
pataje.
Pou plis enfòmasyon sou patisipasyon sitwayen nan lekòl
leta yo, rele lekòl ki lan zòn ou an oubyen "Bureau of
Community Services" lan 305-995-1215.
00-J0163CF
KONTAKTE: Carline Faustin
305-995-2192
26 jiyè 2000
Lekòl Leta Miami-Dade County ap ouvri pòt li lendi 28
out pou kòmanse ane eskolè 2000-01 la.
Paran ki pa sèten ki lekòl pitit yo prale dwe telefone
D"Division of Attendance Services, School Boundaries Department"
Divizyon pou Sèvis Prezans nan Lekòl, Depatman Limit
Zòn Lekòl nan nimewo 305-883-5651.
Byenke pa gen dat limit pou enskripsyon, yo ankouraje elèv yo
enskri bonè pou evite reta nan pwosesis la, konsa y ap ka
rantre lekòl depi jou ouvèti lekòl la.
Elèv k ap rantre nan klas "prekindergarten" dwe gen katran 1ye
septanm osnon anvan 1ye septanm 2000.
Elèv k ap rantre nan "kindergarten" dwe gen senkan anvan osnon
1ye septanm. 2000.
Pou rantre nan premye ane (1st grade) elèv la dwe gen sizan
anvan osnon 1ye septanm 2000, e fò li pase klas "kindergarten"
nan.
Elèv ki fèk ap rantre nan sistèm lekòl
leta Miami-Dade la dwe prezante dokiman sa yo: prèv laj,
prèv dènye egzamen fizik ki enkli tès
tibèkiloz (ki enkli analiz tès la ak swit e tretman
apwopriye si tretman te nesesè) e yon sètifika
vaksinasyon; epi de prèv adrès aktyèl sou
fòm resi lwaye, deklarasyon ajans koutye osnon avoka ki
konfime adrès la, e resi depo kouran, telefòn. Si paran
an oubyen gadyen an pap ka bay prèv adrès li, y ap
refere li nan biwo rejyon zòn nan. Epitou yo mande pou li
ranpli yon fòm ki rele "Disclosure" devwale lè li ap
fè Enskripsyon."
Elèv k ap sot nan lòt distri eskolè dwe prezante
dènye kanè yo osnon lòt dosye dènye
lekòl yo te ye a.
Elèv etranje yo ki enkli rezidan pèmanan ap suiv menm
pwosedi ki pou natifnatal yo. Elèv k ap antre nan
sistèm nan premye fwa, kit se elèv etranje, kit se
elèv ki sot nan lòt eta, gen dwa enskri nan
lekòl yo.
Pwojeksyon sou enskripsyon yo jou ouvèti a pa disponib, kwak
yo espere enskripsyon pou ane eskolè jadendanfan pou rive 12
ane ap rive lan 361.000 nan mitan oktòb 1999 lan. Ane pase
enskripsyon nan premye jou a te 308.249; chif dènye jou a te
351.568.
00-J0164CF
KONTAKTE: Carline Faustin
305-995-2192
26 jiyè 2000
Patisipasyon paran se yon eleman enpòtan lan pwogrè
oswa siksè timoun yo lan lekòl. Lekòl Leta
Miami-Dade County sijere plizyè fason paran yo ka jwe yon
wòl aktif lan edikasyon pitit yo.
Lè timoun yo nan laj adolesans yo, paran yo dwe genyen
kominikasyon onèt avè yo. Timoun yo dwe yon
patnè total lè y ap pale ak paran oswa pwofesè
yo, lan yon desizyon akademik ki gen pou pran konsènan avni
yo.
Sistèm lekòl Miami-Dade la gen yon Pwogram Edikasyon
Paran (Parent Education Program) pou ede paran yo aprann sèvi
ak anviwonman lakay yo pou ranfòse sa timoun yo aprann lan
klas.
Pwogram nan fè anpil atelye ak reyinyon edikatif lan
nenpòt lekòl primè ki lan Miami-Dade sou demand
direktè lekòl la, soudirektè a oswa lòt
administratè lekòl la. Nimewo Pwogram Edikasyon Paran
an se 305-995-7646.
Atelye edikatif yo enkli yon sesyon sou teknik pou yon timoun etidye
e fè devwa li epi li anseye paran yo tou ki jan pou yo
ankouraje bon abitid etidye kay pitit yo. Atelye/reyinyon yo
fèt ann anglè, an panyòl e an kreyòl pou
montre paran yo ki jan pou yo kominike regilyèman ak
pwofesè pitit yo. Yon lòt atelye anseye paran yo ki jan
pou yo fè fas ak pwoblèm konpòtman tijèn
yo.
Pwofesè yo tou ka planifye e fikse reyinyon oswa atelye
edikatif pou paran elèv prekindègadenn ak pou paran
elèv ki gen diferan andikap.
Materyèl enstriksyon ak kalandriye aktivite yo disponib lan
reyinyon oswa atelye yo.
Lòt konsèy itil pou paran yo:
Onz lekòl leta ap teste yon nouvo konsèp ki ap bay
paran yo yon plas sou kanpous la kote yo kab rele
chè-mèt chè-mètrès e ki ap vin
fè yo patisipe plis nan edikasyon pitit yo. Se yon bous ki
soti nan Washington Mutual ki fonde li, sant resous paran yo genyen
ladan òdinatè e kote ki konfòtab pou ankouraje
paran pou pase plis tan nan lekòl la.
Enpe nan sant yo genyen ladan yon chanm pou egzamen medikal gratis,
radyografi pou dan e konsèy pou sante mantal pou paran. Yo
ofri tou literati, tep videyo epi atelye. Yo panse ouvè pou
otòn nan, sant resous pou paran ki ap nan lekòl sa yo:
Lekòl elemantè Arcola Lake, Broadmor, Van E. Blanton,
Ben Franklin, Lakeview, Miami Park, West Little River, ak Westview;
lekòl segondè (middle) Westview ak Madison;
lekòl segondè Miami Central Senior High School.
00-J0165CF
KONTAKTE: Carline Faustin
305-995-2192
26 jiyè 2000
Pou prèske tout elèv, klòch lekòl yo pral
sonnen menm lè diran ane eskolè 2000-2001 la, menm jan
sa te fèt pou ane eskolè ki sot pase a.
Elèv matènèl jadendanfan yo (prekindergarten,
kindergarten) ak elèv premyè ane yo (1st grade) ap vin
lekòl 8:30 dimaten pou 2 zè nan aprèmidi.
Elèv klas sa yo, dezyèm ane jiska sizyèm ane
(Grades 2-6), ap gen klas de 8:30 dimaten jiska 3:00 nan
aprèmidi. Lè mèkredi tout elèv
primè yo ap lage a dezè nan aprèmidi.
Orè nan "middle school" yo pou klas sizyèm ane jiska
nevyèm ane (Grades 6-9) ap 9:00 dimaten pou 3:40 nan
aprèmidi. Lekòl segondè nevyèm ane jiska
douzyèm ane (Grades 9-12) ap 7:30 dimaten jiska 2:30 nan
aprèmidi.
Kèk lekòl primè, segondè "middle ak
senior high school," kèk sant espesyal e kèk sant
edikasyon altènatif ap fonksyone sou orè
endividyèl pa yo. Paran yo dwe telefone lekòl pitit yo
pou yo konn orè yo.
00-J0166CF
KONTAKTE: Carline Faustin
305-995-2192
26 jiyè 2000
Lekòl Leta Miami-Dade County ap bay transpòtasyon pou
plis pase 70,000 elèv pa jou pou ane eskolè sa a. L ap
itilize 1,700 otobis sou anviwon 1,550 wout bis lekòl yo pase.
Yo bay sèvis transpòtasyon an pou elèv ki abite
lan yon distans de demil (2 miles) osnon plis de lekòl yo e
pou elèv edikasyon eksepsyonèl yo.
Anvan lekòl ouvri 28 out, paran tout elèv ki kalifye
pou transpòtasyon ap resevwa yon kat sant odinatè
sistèm lekòl la. Kat la ap di ki kote pou elèv
la tann otobis la, ki lè otobis la ap pase pran l e ki
lè l ap depoze l.
Paran ki bezwen konnen si pitit yo kalifye pou jwenn
transpòtasyon dwe kontakte lekòl pitit yo a pou
enfòmasyon.
Elèv ak paran ki gen keksyon sou zafè
transpòtasyon an kab telefone sèvis
transpòtasyon sistèm lekòl la nan nimewo
305-995-7555, depi 23 out jiska8 septanm, ant 7:00 dimaten e 5:00 nan
aprèmidi.
00-J0167CF
KONTAKTE: Carline Faustin
305-995-2192
26 jiyè 2000
Dat sa yo se dat enpòtan nan ane eskolè 2000-2001
la:
KONJE |
JOU POU PWOFESÈ FÈ PLANIFIKASYON |
JOU VAKANS |
DAT Y AP BAY KANÈ* |
00-J0168CF
KONTAKTE: Carline Faustin
305-995-2192
26 jiyè 2000
Lè paran yo gen keksyon ak plent sou lekòl pitit yo ki
pa rezoud nan lekòl yo, paran yo kab pote pwoblèm sa yo
devan direktè rejyon lekòl pitit yo a. Si paran yo pa
satisfè ak rezilta a, yo kab pote desizyon an ankò
devan sipèentandan rejyon an.
Akozde dimansyon li, distri eskolè Miami-Dade County a
sibdivize an sis (6) rejyon: Rejyon I a VI. Chak rejyon gen yon
sipèentandan alatèt li ak yon estaf ki reskonsab pou
founi sipò ak asistans pou paran, elèv ak
pèsonèl lekòl yo.
Keksyon konsènan limitasyon zòn lekòl, regleman
sou prezans ak transfè ap jwenn repons yo nan biwo rejyon yo.
Men adrès ak telefòn biwo rejyon yo:
Rejyon I |
Rejyon II |
Rejyon III |
Rejyon IV |
Rejyon V |
Rejyon VI |
Chak biwo rejyon sipèvize "senior high school" ak pwòp lekòl "feeder pattern" yo. Men lis "high school" yo ak nan rejyon yo ye:
Rejyon I |
Rejyon II |
Rejyon III |
Rejyon IV |
Rejyon V |
Rejyon VI |
00-J0169CF
KONTAKTE: Carline Faustin
305-995-2192
26 jiyè 2000
Ane sa a 202 lekòl primè leta nan Miami-Dade Count y ap
ofri pwogram etid siveye apre lekòl nan jou lekòl yo.
Ap gen pwogram etid siveye anvan lekòl nan 115 lekòl
primè.
Pwogram apre lekòl yo fèt osito lekòl lage jiska
6 zè diswa. Pwogram anvan lekòl yo kòmanse
apeprè inèdtan anvan klas.
Nan pwogram apre lekòl yo, yo bay timoun yo yon ti bagay pou
yo pase nan bouch yo, tan pou yo fè devwa yo epi tan pou
rekreyasyon ak aktivite. Pwogram anvan lekòl yo ofri timoun yo
aktivite trankil ki sou siveyans.
Anmwayèn, pri pwogram etid siveye apre lekòl se $30 pa
semèn e pwogram etid siveye anvan lekòl koute $15 pa
semèn.
Se youn nan kat ajans nou pral site la yo ki ofri piblik la chak
pwogram sa yo: lekòl kominotè "Miami-Dade County Public
Schools" yo, "YMCA," "YWCA" oubyen "Family Christian Association of
America" (FCAA).
Paran ki enterese dwe kontakte direksyon lekòl pitit yo pou yo
konnen ki pwogram yo ofri. Ou ka gen plis enfòmasyon lè
w rele "Office of School Age ChildCare Programs" ki fè pati
sistèm lekòl leta a nan 305-995-1899.
Pou plis enfòmasyon toujou ou kab rele "YMCA" lan
305-357-4000, eks.126, ekstansyon 26, "YWCA" lan -305-377-9922 ak
"Family Christian Association of America" lan 305-493-9113.
00-J0170CF
KONTAKTE: Carline Faustin
305-995-2192
26 jiyè 2000
Pou ane eskolè 2000-01 la Lekòl Leta Miami-Dade County
egzije pou yon timoun gradye lan lekòl segondè (high
school), li dwe pran vennkat (24) kredi anyèl depi 9yèm
jiska 12yèm ane (Grade 9-12).
Egzijans pou elèv ki nan 9yèm ak 10yèm ane
eskolè genyen ladan katran anglè/redaksyon (Language
arts), twazan matematik, twazan syans, twazan syans sosyal, yon
semès bònmanyè (life-management skills), yon ane
pou edikasyon fizik (espò), yon semès atizay pratik,
yon semès "performing fine arts" epi 8.5 kredi elèv la
ka chwazi pran limenm. Pou elèv ki nan 11yèm ak 12
yèm ane eskolè egzijans la genyen ladan katran
anglè/redaksyon (Language arts), twazan matematik, twazan
syans, twazan syans sosyal, yon semès bònmanyè
(life-management skills), yon ane espò, yon semès
atizay pratik, yon semès "performing fine arts" epi nèf
kredi elèv la ka chwazi pran limenm.
Chak elèv dwe fè yon pwojè kominotè anvan
l gradye.
Pou yon elèv "high school" elijib pou resevwa diplòm
regilye a, li dwe demontre li gen konesans debaz sou odinatè e
pase egzamen "High School Competency Test" la (HSCT) oubyen resevwa
nòt ki kalifye sou FCAT SSS pou 10yèm ane eskolè
pou li pa bezwen pran egzamen HSCT a.
Elèv yo tou dwe kenbe yon mwayèn total ki pa pi ba pase
2.0 sou yon nechèl 4.0.
Pou plis enfòmasyon sou kondisyon oswa egzijans pou yon
elèv gradye e kou espesifye ki obligatwa, elèv yo dwe
kontakte konseye lekòl yo.
00-J0171CF
KONTAKTE: Carline Faustin
305-995-2192
26 jiyè 2000
Lekòl Leta Miami-Dade County konfòme l ak plan
gouvènman federal la nan zafè ofri manje gratis e
bonmache pou timoun ki gen difikilte pou peye manje yo sèvi
nan pwogram "National School Lunch and School Breakfast" yo.
Chak lekòl ansanm ak "Department of Food and Nutrition"
sistèm lekòl la gen kopi plan pwogram manje yo piblik
la kab wè. Lekòl Leta Miami-Dade County ap kontinye
règleman gouvènman federal la ki pèmèt yo
apwouve elèv sètifika dirèk. Dispozisyon an di
ke elèv fanmi yo resevwa koupon manje (food stamps) epi/oubyen
asistans tanporè pou fanmi ki nan bezwen e ki gen yon nimewo
sekirite sosyal lan dosye lekòl yo kab kalifye pou
sètifikasyon dirèk. Elèv, yo apwouve pa
sètifikasyon dirèk, pa oblije gen yon aplikasyon lan
dosye yo.
Lekòl yo voye fòm aplikasyon kay tout moun ak yon
lèt bay paran yo oubyen gadyen timoun yo. Pou aplike pou manje
gratis oubyen bon mache, paran elèv ki pat jwenn apwobasyon
pou sètifikasyon dirèk dwe ranpli aplikasyon yo e
retounen yo bay lekòl la. Gen kopi adisyonèl nan
direksyon tout lekòl yo.
Timoun k ap viv nan yon fanmi ki gen yon salè ki piti pase
kritè salè ki fikse a osnon ki egal kritè
salè a kapab kalifye pou manje gratis oubyen manje pou pri
redui. Manje midi koute 40 santim pa jou, kidonk, $2 pa semèn;
manje maten koute 30 santim pa jou osnon $1.50 pa semèn.
Remak: Pri nòmal manje lekòl yo se $1.25 pou manje
midi, epi 60 santim pou manje maten nan lekòl primè
(Elementary schools). Nan lekòl segondè (Middle ak High
Schools) se $1.50 pou manje midi e 70 santim pou manje maten.
Pou plis enfòmasyon, rele "Department of Food and Nutrition"
sistèm lekòl la lan nimewo 305-995-3230.
00-J0172CF
KONTAKTE: Carline Faustin
305-995-2192
26 jiyè 2000
Lekòl Leta Miami-Dade County, ak 74 pwogram ki nan 65 andwa,
gen youn nan pwogram "magnet" (leman) ki pi gwo e pi enteresan nan
peyi a.
Pwogram "magnet" Miami-Dade yo jwenn anpil lwanj nan men
edikatè atravè tout peyi a epitou U.S. News & World
Report te ekri sou sa nan yon atik.
Yo rele pwogram nan "magnet" (leman) paske li atire elèv ki
sot toupatou nan tout kote pou yo vin fè etid nan domèn
espesyal, ki genyen ladan tèm Karyè e Pwofesyon,
Kominikasyon e "Humanities", Pwogram Don, Edikasyon
Entènasyonal, Matematik, Syans e Teknoloji, Montessori, e Ar
Teyatral ak Ar Vizyèl.
Men yon lis, nou tache ak fèy sa a, ki gen tout lekòl
ki ofri pwogram "magnet" yo ak adrès ak telefòn yo. Pou
w genyen plis enfòmasyon ou kab rele biwo pou chwa
lekòl nan 305-995-1922 oubyen ou kab vizite sit magnèt
sou Entenèt nan http://choice.dade.k12.fl.us.
Agriscience, Engineering & Environmental
Studies |
Legal & Public Affairs |
Aviation |
Maritime & Science Technology |
Business and Finance |
Medical Program |
Design & Architecture |
Science, Mathematics And Related Technology
(SMART) |
Teaching Profession |
Travel & Tourism |
Engineering |
Mechanical Engineering & Commercial
Architecture/Art |
Crestview Elementary |
Mays Middle |
Joella Good Elementary |
Pine Villa Elementary |
Avocado Elementary |
Naranja Elementary |
Air Base Elementary (French & Spanish) |
George W. Carver Middle School
(French/German/Spanish) |
Mathematics and Science |
Aviation and Travel & Tourism |
Perrine Elementary |
Norland Middle |
00-J0172CF
KONTAKTE: Carline Faustin
305-995-2192
26 jiyè 2000
Laplipa lekòl leta Miami-Dade County ap ofri pwogram
matènèl prekindergarten pou timoun katran
ki abite nan zòn lekòl yo, zòn patikilye
sistèm lekòl la fikse.
Timoun ki nan pwogram "prekindergarten" yo ap jwenn opòtinite
pou yo fè eksperyans pozitif k ap ranfòse pwosesis
aprann nan e k ap poze baz pou yon edikasyon dirab.
Pandan kèk pwogram "prekindergarten" deja ranpli oubyen
elèv sou lis datant, yon paran, ki enterese gen plis
enfòmasyon sou pwogram "prekindergarten" pou pitit li, kab
telefone lekòl leta ki nan zòn ni oubyen "Office of
Early Childhood Programs" (Biwo Pwogram pou Timoun Piti) nan
305-995-7632.
Pou yon timoun kalifye pou l antre nan yon lekòl leta li dwe
gen katran nan dat 1ye septanm 2000, osnon anvan dat la, e li dwe
satisfè kritè kalifikasyon pou yon pwogram done.
Kondisyon kalifikasyon yo disponib nan tout lekòl ki gen yon
pwogram "prekindergarten."
Lekòl Leta nan Miami-Dade yo ofri tou pwogram pou timoun ki
gen divès andikap. Paran timoun twa ak katran ki gen yon
andikap kab ranje yo pou yo fè evalye pitit yo gratis nan rele
305-274-3501 ki se nimewo "Child Find." Aprè konfimasyon
andikap ka yon timoun, ajans sistèm lekòl la
rekòmande pou yo plase timoun nan nan yon pwogram
"prekindergarten" ki apwopriye.
00-J0174CF
KONTAKTE: Carline Faustin
305-995-2192
26 jiyè 2000
Chak ane yo mezire siksè e pwogrè, elèv nan
Lekòl Leta Miami-Dade County avèk èd
plizyè egzamen ofisyèl distri, eta, e nasyonal.
An septanm 2000 elèv 2yèm jiska 11yèm ane
eskolè ap pran "Scholastic Reading Inventory (SRI), yon
egzamen ofisyèl ki bay chwa kòm repons e an me 2000
elèv nan 1mye jiska 11 ane eskolè ap pran li tou.
Egzamen SRI la mezire siksè elèv yo nan nivo lekti e li
ofri nòt "Lexile" ki ede pwofesè a chwazi materyo lekti
k apwopriye pou elèv yo.
Egzamen "Stanford achievement Test, Nevyè Edisyon (AT-9)," se
yon egzamen ki etabli siksè estanda nasyonal ki sèvi
pou konpare pèfòmans elèv lokal nan priyorite
etid espesifye ak pèfòmans elèv nan nasyon an.
An mas 2001 yo ap administre SAT -9 la bay elèv dezyèm
ane eskolè pou evalye nivo lekti yo e ladrès yo nan
matematik. anplisdesa an avril 2001, yo administre egzamen SAT-9
Syans bay elèv nan 5yèm, 7yèm ak 9yèm ane
eskolè.
An oktòb 2000 , yo ap evalye elèv uityèm ane
eskolè yo lan yon pwogram evalyasyon ki rele "EXPLORE."
"EXPLORE" evalye pwogrè akademik elèv yo lan
anglè, matematik, lekti ak syans/rezonnman syantifik epi li
ede elèv yo konprann diferan opòtinite yo genyen pou yo
chwazi diferan pwofesyon.
Evalyasyon travay elèv yo fèt daprè dispozisyon
"Florida Statewide Assessment Program" (Pwogram Evalyasyon lan Eta
Florid) ki genladann plizyè egzamen. Kòmanse pou
otòn 1999 la, y ap evalye tout elèv jadendanfan yo
pandan premye twa semèn lekòl yo. Pwofesè yo
pral sèvi ak enstriman ki pa fòmèl pou
obsèvasyon an k ap baze sou "Florida's Expectations for School
Readiness" sa yo atann de elèv ki prepare pou lekòl nan
Florid pou detèmine si elèv yo prepare pou
lekòl.
Yo ap bya konponan egzamen eta Florid la ki rele "Comprehensive
Assessment Test (FCAT), Sunshine State Standards (SSS)" la an janvye
2001.
Egzamen FCAT/SSS mezire siksè estanda ki rele "Sunshine State
Standards" nan lekti ak matematik nan nivo 3yèm jiska
10yèm ane eskolè. Yo mete posyon "FCAT Writing"
(Redaksyon), yon egzamen pèfòmans sou ladrè ekri
redaksyon , nan administre egzamen FCAT/SSS pou mwa janvye/fevriye
2001 ke yo bay elèv nan 4yèm, 8yèm ak
10yèm eskolè. Elèv nan nivo 3yèm ane
jiska 10yèm tou genyen pou prann yon konponan egzamen ki rele
Norm -Reference Test (NRT) pou FCAT nan mwa mas 2001 la ki ap ofri
nòt an "percentile" (yon mezi ki divize an nèf pati)
pou chak elèv. Nòt "percentile" sa a ap
pèmèt konparezon siksè elèv ak
pèfòmans nasyonal nan lekti ak matematik.
FCAT/SSS pou elèv 10yèm ane eskolè ap ranplase
egzamen ki rele High School Competency Test (HSCT) kòm yon
kritè pou resevwa yon diplòm regilye nan lekòl
segondè (senior High) kòmanse ak elèv ki te
antre nan 9yèm ane eskolè an otòn 1999 la.
Elèv ki te kòmanse 9yèm ane eskolè an
1999 kab satisfè kritè pou resevwa diplòm
regilye pou lekòl segondè lè yo pase toude
posyon HSCT a oubyen nan jwenn siksè nan reyisi nòt
nivo 3 sou FCAT/SSS nan lekti oubyen matematik pou yo kab kalifye pou
yo pa pran youn oubyen toude posyon HSCT a.
Yo ap toujou administre egzamen eta HSCT a an octòb 2000 la
bay nenpòt elèv 11yèm ane eskolè ki pat
resevwa nòt nan nivo 3 oubyen pi wo nan 10y`em ane
eskolè sou FCAT pou toude lekti ak matematik e nenpòt
elèv 12yèm ane eskolè ki pa ko prann oubyen pase
egzamen an. Egzamen HSCT a mezire konesans elèv yo nan
kominikasyon ak matematik e ki fason konesans sa yo ka aplike lan
reyalite lavi a. Tout elèv dwe pase toude pòsyon
egzamen "HSCT" a pou yo elijib pou yo resevwa yon diplòm high
regilye. Elèv ki pa pase ap genyen lòt opòtinite
pou yo pran tès la ankò.
Elèv ki nan lekòl segondè gen chwa pou yo pran
egzamen "Florida College Entry Level Placement Test ki pi koni nan
non College Placement Test (CPT), kolèj Egzamen CPT a mezire
konpetans debaz nan matematik e kominikasyon e li ofri
enfòmasyon pou ede elèv yo jwenn konsèy e nan
planifye karyè yo.
Elèv yo gen dwa chwazi pou yo patisipe lan pwogram evalyasyon
nasyonal "College Board" ak "American College Testing Program" (ACT)
ap ofri. Elèv 10yèm ane eskolè ka chwazi pran
tès "PLAN" an novanm, 2000 lan, tès k ap ede yo
aprè etid edikasyonèl segondè yo, epi planifye
karyè yo. Y ap bay tès "Preliminary Scholastic Aptitude
Test (PSAT) an oktòb 2000.
Elèv 10yèm ak 11yèm ane eskolè kab pran
PSAT a kòm pratik anvan y al pran egzamen "Scholastic
Assessment Test" la (SAT). Li tou se egzamen ki detèmine si w
kalifye pou pwogram "National Merit Scholarship" la ki bay bous
detid. Yon elèv gen dwa, si l vle, chwazi pran tès
"SAT" a ak "ACT" a. Tès sa yo pèmèt elèv
antre lan inivèsite e elèv yo ka pran tès sa yo
pandan tout ane a daprè dat ki fikse yo. Elèv ki
resevwa nòt ki kalifye nan CPT, ACT oubyen SAT fè pati
kritè elijib pou diplòm ki endike prepare kolèj
eandosman so "Florida Gold Seal la.
Yon lòt tès elèv ka pran volontèman se
tès pou Elèv Avanse (Advanced Placement ) ki enskri pou
pran kou inivèsitè pandan yo lan dènye ane etid
segondè yo. Elèv ki fè bèl nòt lan
tès Plasman Elèv Avanse yo kapab resevwa kredi ak
plasman avanse lan inivèsite y ap pran kou a.
Yo fè elèv yo ak fanmi yo konnen rezilta tès yo
lan yon tan rezonab. Se lekòl elèv yo ki voye rezilta
tès distri a ak tès eta a lan adrès elèv
yo. Elèv k ap pran "SAT" oswa "ACT" a ka mande pou yo voye
nòt yo bay inivèsite yo chwazi yo. Paran, ki bezwen
èd pou yo entèprete nòt pitit yo fè, ka
kontakte pwofesè pitit yo oswa konseye lekòl yo pou
esplikasyon.
00-J0175CF
KONTAKTE: Carline Faustin
305-995-2192
26 jiyè 2000
Kòd Konduit pou Elèv Lekòl Leta Miami-Dade
County a vin pi fèm ak mezi sou zam mòtèl yo ta
jwenn nan lekòl. Sa ede genyen e kenbe yon atmosfè
sekirite lan lekòl yo kote travay edikasyon an ka fèt
pozitivman e san kè sote.
Yon konsiderasyon enpòtan lan aplikasyon Kòd Konduit
pou Elèv la se jwenn pi bon mezi disiplin ki kab pote
elèv la amelyore osnon chanje konpòtman li. Se
poutèt sa yo divize vyolasyon règleman Kòd
Konduit la an sis (6) gwoup ak yon latriye mezi administratif yo ka
rekòmande oswa egzije. Mezi sa yo depann de gravite zak
endisiplin nan.
Pwofesè, konseye epi administratè yo eseye anpil teknik
disiplin pwogresif oubyen teknik pou konseye e oryante anvan, pandan
epi aprè yo pran mezi disiplinè fòmèl.
Direktè a oswa pwofesè oswa toulède, sou baz
pouvwa yo konfye yo, gen otorite pou yo pran lòt mezi
disiplinè/sanksyon anplis, si nan opinyon yo, oswa nati move
konpòtman osnon move zak endisiplin nan mande sa.
Diferans lan laj ak matirite se kritè ki pèmèt
detèmine ki mezi disiplinè oswa sanksyon ki pou pran.
Sepandan, pwosedi yo ki lan Kòd la aplikab pou tout
elèv ki anba jiridiksyon Lekòl Leta Miami-Dade County.
Kòd la anvigè pandan lè regilyè
lekòl, pandan bis yo ap mennen elèv yo lekòl lan
yon evènman lekòl la ap fè, men ki pa limite lan
pwomnad ak lan aktivite espò lekòl la sèlman
kote se administratè lekòl ki konsène yo ki gen
jiridiksyon sou elèv yo.
Direktè yo gen otorite pou yo pran sanksyon kont yon
elèv ki gen move konpòtman andeyò lekòl
la depi zak elèv la gen yon move efè sou lòt
elèv oswa sou fonksyonman nòmal lekòl la. Kalite
vyolasyon yo enkli depi move konduit anjeneral k ap twouble
lòd rive sou agresyon ak yon zam mòtèl.
Lekòl Leta Miami-Dade County te revize Kòd la pou l te
egzije pou yo te met deyò lekòl la imedyatman yon
elèv ki vin ak revolvè, ki menase moun ak zam
mòtèl oubyen ki blese yon elèv oswa yon anplwaye
lekòl la. Li mande tou pou elèv endisipline sa a ta
resevwa pinisyon ki pi sevè lalwa pèmèt.
Kòd la prevwa ke posesyon yon zam afe sou pwopriyete
lekòl yo ka antrene pinisyon/sanksyon pou krim anplisde
sispansyon, ekspilsyon oswa lòt mezi disiplinè
lekòl ka pran.
Gen plizyè kalite mezi disiplinè yo ka pran kont yon
konpòtman endisipline. Mezi sa yo enkli retni, transfè
lan yon lekòl oswa yon pwogram espesyal, sispansyon,
ekspilsyon.
Pwogram "work back" la bay elèv yo rekòmande pou
ekspilsyon, yon chans pou yo travay pou yo retounen lan klas
regilyè pi bonè anvan ekspirasyon tan maksimòm
ekspilsyon an eta a fikse. Elèv yo dwe antre lan yon pwogram
altènatif, akimile kredi, genyen bon dosye prezans epi kondui
yo byen lan lekòl la. Pwogram "work back" la pa pou
elèv ki gen akizasyon gwo krim sou tèt yo tankou
agresyon ki fèt ak zam afe, zam mòtèl, ak
posesyon zam lan lekòl.
Kòd la pale sou dwa ak responsablite elèv ki gen pou
wè ak dwa pou elèv aprann; prezans; dosye elèv;
nòt; libète pou pale, pou eksprime w, pou reyini epi
pou fè jounal/piblikasyon. Li pale tou sou dwa paran yo ki dwe
asire yo pitit yo jwenn bon opòtinite pou edikasyon yo.
Elèv osnon paran ki gen pwoblèm pou yo entèprete
Kòd la dwe mande direktè lekòl la esplikasyon.
Anplis, si w pa jwenn satisfaksyon lan lekòl la, ou kab pale
ak biwo rejyon an epi lòt etap ankò se lan nivo distri
a.
00-J0176CF
KONTAKTE: Carline Faustin
305-995-2192
26 jiyè 2000
"Lafanmi" Lekòl Leta Miami-Dade County ap di plis pase 1.500
nouvo pwofesè nan Miami kòmannyo kontan wè yo e
l ap prepare yo pou yo fè yon tranzisyon dous, soti lan etid
inivèsitè tonbe lan ansèyman, pandan
semèn Oryantasyon pou Nouvo Pwofesè an. Akoz shif pou
nouvo pwofesè a si tèlman elve, premye twa jou
oryantasyon an, ki ap 17, 18 ak 19 out ap fèt nan de diferan
lokasyon Radison Mart Centre, 711 N.W. 72nd Ave. ak nan G. Holmes
Braddock Senior High School, nan 3601 S.W. 147 th Ave.
Dat 17 out la ap genyen ladan yon Repa Midi pou Nouvo Pwofesè,
a 12:30 nan paremidi, nan rdisson nan. Se plizyè biznis lokal
k ap patwone repa midi sa a. Kòm pati oryantasyon nan e nouvo
edikatè yo pral patisipe nan sesyon preparasyon entansif e y
ap ofri yo tan pou yo familyarize yo ak anbyans lekòl la e
salklas yo nan dat 22 ak 23 out.
Pou plis enfòmasyon, rele Stephen L. Wolfe, Pwofesè
Direktè Bureau of Community Services, nan 305-995-1215.
00-J0177CF
KONTAKTE: Carline Faustin
305-995-2192
26 jiyè 2000
Pandan ane eskolè1999-00 la, Komisyon Konsèy
Lekòl Leta Miami-Dade County, apwouve kontra pou kat
lekòl "charter" (an kontra) depli; twa prepare pou ouvè
an otòn sa a, youn prepare pou ouvè nan ane
lekòl 2001-2002: ASPIRA South Youth Leadership Academy, 14112
S.W. 288 St., Leisure City; Pinecrest Preparatory Academy, S.W. 124
Ave. and 40 St.; Rosa Parks Community School/Overtown, 900 N.W. 7
Ave. and 103 St., Hialeah Gardens Language Immersion Charter School,
N.W, 88 Ave., and 103 St., Hialeah Gardens (k ap ouvè an
otòn 2001 nan).
Lekòl Miami Shores Barry University/Connected Learning Center
Charter School te renouvle kontra li pou yon lòt 15 zan
ankò yo ap ogmante sou kapsite pou enskri 200 elèv
depli nan ane eskolè 6yèm jiska 8yèm ane pou ane
lekòl 2000-2001. Lekòl "Liberty City Charter School,
premye lekòl "charter" (an kontra) nan Florid ap rantre nan
senkyèm ane fonksyon pandan ane lekòl 2000-2001 e l ap
ogmante kapasite pou enskri 280 elèv depli nan ane
eskolè Jadendanfan jiska 6yèm ane.
Te genyen senk lekòl "Charter" ki te ouvè pandan
1999-2000 e yo ap rantre nan dezyèm ane depi y ap fonkyone
pandan ane sa a; ASPIRA Youth Leadership Center, nan 13300 Memorial
Highway, North Miami; Doral Academy, nan 7700 N.W. 98 St. Hialeah
Gaden,* Rosa Parks Community School, nan 255 N.E. 2 Dr., Homestead.,
Ryder Elementary Charter School, 8360 N.W. 33 St., ak Techworld
Public Charter School, nan 7630 Biscayne Blvd., Miami.
Senk lekòl "charter" louvri depi otòn pou tou ane
eskolè 1998-1999 la e yo pral rantre nan dezyèm ane
operasyon pandan ane skolè 2000-2001. Coral Reef Montessori
Charter School, nan 19000 S.W. 112 Ave., Miami; Florida International
Academy, nan 13250 N.W. 28 Ave., Opa-Locka. Mater Center School nan
7700 N.W .98 St., Hialeah Gardens; Spiral Tech Elementary Charter
School, nan 12400 S.W. 72 St., Miami; e Youth Co-op Charter School,
ki nan Hialeah Gardens tou, nan 12051 W. Okeechobee Rd., Hialeah
Gardens.
Lekòl an "charter' yo fè pati pwogram edikasyon leta
eta a e yo sou patwonay Komisyon Konsèy distri lokal la. Pou
plis enfòmasyon, rele sistèm lekòl Division of
Schools of Choice nan 305-995-1922.
* Ap tann apwoval Komisyon Kosèy Lekòl la pou modifye
lokasyon lekòl la ki espesifye nan akò kontra pou
Lekòl "Charter."
00-J0179CF
KONTAKTE: Carline Faustin
305-995-2192
26 jiyè 2000
Janvye 1998, Komisyon Konsèy Lekòl Miami-Dade County
pase youn nan pwogram lekti ak konpreyansyon nan peyi a pou
elèv jadendanfan rive sou 12yèm ane eskolè.
Se anplwaye ak asistans nan "Ad Hoc Reading Committee" Komite Pou
Amelyore Lekti ki te devlope l ey ap kontinye l pou otòn
nan.
Kritè pou estrateji pwogram nan genyen ladann konponan sa
yo:
Eleman kle pwogram nan se devlopman pwofesyonèl entansif
pou pwofesè yo nan tout nivo ak e yon apwoch estrikti
enstriksyon lekti. Yo ofri yon sèk sistematik sipò
konsamtre kote yon lidè nan lekti nan chak lekòl e
"feeder pattern"( lekòl nan menm katye) ak espesyalis
Edikasyonèl nan e yon anplwaye nan distri a senkwonize efektif
egzekisyon lpan an. Anplidesa, yo ap mete plis ranfòsman sou
lekti atravè tout materyèl nan kourikouloum k ap
remakab e espektasyon yo defini byen klèman nan tout nivo ane
eskolè.
Se yon lide ki sipòte pa yon gran varyete òganizasyon
kominotè, enstitisyon edikasyon ak ajans lokal, inisyatif
lekti a tou sipòte konsèp "Greater Miami Chamber of
Commerce" "Yon Kominote Yon Bi" kote misyon an se pou agrandi kad
devlopman ekonomi kominote a atravè preparasyon pou gen plis
travayè ki alfabetize. Sistèm lekòl la pwomote
inisyativ la atravè kanpay "JUST READ".
Pou Plis enfòmasyon kontakte Barbar Silver 305-995-1907
00-J0180CF
KONTAKTE: Carline Faustin
305-995-2192
26 jiyè 2000
Lekòl Leta Miami-Dade County (M-DCPS) e Biwo Avoka Eta
Miami-Dade County se patnè nan pwogram entèvansyon
inovatif pou woul (TIP).
TIP konsantre nan redui krim jivenil nan Miami-Dade County epitou
fè elèv yo ale lekòl nan yon baz ki konsistan.
TIP mete entèvansyon bonè ak pwosekitè ki
ranfòse lwa edikasyon nan Florid pafòs ansanm.
Entèvansyon bonè ede elimine movèz aksyon ki
asosye ak fè woul trè souvan e ki pwouve kriyèl
nan detèmine siksè nan pwogram nan.
Yo te lanse pwogram nan an 1994 kòm yon esè nan kat
lekòl elemantè. Ane pase yo te agrandi l nan tout
lekòl elemantè nan lekòl leta Miami-Dade County,
e nan 13 lekòl segondè (middle), yon lekòl
segondè (high school), e li genyen siksè nan redui woul
e vyolasyon kòd konduit M-DCPS, konsa tou li amelyore
siksè akademik, pami prèske 90 pousan timoun yo te vize
nan pwogram nan.
Paran e/oubyen gadyen elèv ki nan lekòl ki patisipe nan
TIP ap resevwa yon lèt an otòn nan pou avize
responsablite yo pou asire prezans pitit yo lekòl
regilyèman e obeyi lwa eta a. TIP se pigwo efò
kolaboratif Biwo Avoka Miami-Dade e M-DCPS te antreprann. E se li
sèl nan kalite sa a ki egziste nan Florid la.
Pou plis enfòmasyon, rele Depatman Pwogram Espesyal,
Telefòn pou Enfòmasyon pou Pwogrm Entèvasyon
Kont Woul, nan 305-995-2755.
00-J0181CF
KONTAKTE: Carline Faustin
305-995-2192
26 jiyè 2000
Lekòl Leta Miami-Dade County genyen 68 kote pou lekòl
kominotè ki ofri klas nan prèske tout sijè--
depi kòmanse nan yoga pou rive nan fèmanje pou rive nan
lang etranje e fotografi -- swa yo gratis oubyen yo nan yon pri moun
nan kab peye. Yo ofri pi fò kou nan apremidi oubyen nan nan
aswè.
Pliske 92.000 moun pran avantaj sou opòtinite
edikasyonèl sa a, e si yon gwoup vle aprann yon nouvo
ladrès, Lekòl Leta Miami-Dade County ap fè
aranjman pou yo genyen klas la nan lekòl ki nan katye a.
Lekòl kominotè ofri klas pou nan tout laj, nan tout
nivo ladrès, e moun kab pale tout lang. Ladrès travay
kab amelyore kay elèv ki enskri nan klas tape oubyen klas
òdinatè. Enpe nan kou yo kab menm sèvi pou kredi
kolèj. Pou plis enfòmasyon sou avantaj ki genyen nan
lekòl kominotè, rele "Bureau of Community Services",
nan 305-995-1242.
00-J0182CF
KONTAKTE: Carline Faustin
305-995-2192
26 jiyè 2000
Nan yon efò pou ede elèv Lekòl Leta Miami-Dade
County santi yo pi alèz nan repòte krim lekòl,
yo etabli liy telefòn pou repòte krim --1-888-432-2424.
Liy pou repòte krim sa a ouvè 24 sou 24 pou
pèmèt elèv yo repòte aktyèl krim
ki fèt oubyen krim ki antisipe sou lekòl anoniman.
Lè elèv yo rele liy gratis pou repòte krim, yon
anpwlaye byen prepare pou sa ap reponn pou ede yo e l ap dokimante
enfòmasyon yo repòte a pou asire lapolis lekòl
oubyen ajans ki ranfòse lalwa kab reponn byen vit. Elèv
yo kab rele nimewo gratis la nan nenpòt telefòn san yo
pap chaje yo.
Pou plis enfòmasyon silvouplè rele Depatman Polis
Lekòl Leta Miami-Dade County nan 305-757-0514.
00-J0183CF
KONTAKTE: Carline Faustin
305-995-2192
26 jiyè 2000
Pou jèn yo ak paran yo nan Lekòl Leta Miami-Dade
County, èd avèk devwa tou pre menm jan ak yon
telefòn, yon "mouse" konpitè, oubyen yon
televizyon.
"Dial-A-Teacher" nan nimewo 305-995-1600, ofri èd avèk
devwa pa telefòn nan men pwofesè ki sètifye
apati de 5:30 rive 8:30 diswa, lendi rive jedi. N ap jwenn èd
nan lang espayòl oubyen kreyòl.
Pou rantre an kominikasyon avèk "web site" "Dial-A-Teacher" a,
ale nan www.dial-a-teacher.com. Elèv ak paran ka voye devwa ak
kesyon yo mande souvan yo nan "database".
Pwogram Dial-A-Teacher pwodui tou yon pwogram televizyon
entè-aktif vivan de 5è a 6è diswa, lendi rive
jedi. Pwogram nan liste nan orè kab lokal televizyon.
Se "Office of Workforce Developement Education" an kolaborasyon
avèk "United Teacher of Dade" ki pwodui Pwogram
"Dial-A-Teacher". Pou plis enfòmasyon, kontakte John C. Moffi
nan 305-995-1822.
00-J0184RL
KONTAKTE: Carline Faustin
305-995-2192
26 jiyè 2000
Timoun ki prepare pou antre nan jadendanfan e setyèm ane
eskolè pou ane lekòl 1999 -2000 bezwen pou yo pran
vaksen apwopriye oubyen yo pap kab antre nan lekòl.
Sa se katriyè m ane pwogram vaksen lekòl eta a mande
pou tout elèv k ap antre nan setyèm ane eskolè
resevwa yon dezyèm dòz vaksen pou sawonpyon, vaksen
epatit B ki yon seri (twa dòz), e yon vaksen boustè pou
tetanòs-dipterya anvan yo antre lekòl. Yo mande pou
elèv ki nan uityèm, nevyèm ak dizyèm ane
yo pran vaksen sa yo tou.
Tout timoun ki ap antre nan jadendanfan, premye ak dezyèm ane
eskolè dwe pran yon seri vaksen epatit B anplisde vaksen sa yo
te deja mande pou yo pran pou dipterya, koklich, tetanòs,
polyo, sawonpyon, malmounton, e "rubella".
Timoun kab ale lekòl si yo nan pwosesis pou yo pran seri
epatit B e yo genyen yon fòm medikal tanporè ki eskize
yo ki klase nan dosye lekòl la. Se sèl Sètifika
Depatman Sante pou Vaksen, fòm DOH 680, yo kab aksepte
kòm verifikasyon yo anrèg pou vaksen.
Nou ankouraje paran pou kontakte doktè prive yo pou mete yon
randevou pou timoun ki afekte daprè demand pou vaksen
lekòl. Pifò vaksen yo mande yo kouvri anba regleman
asirans sante.
Timoun paran yo pa ka peye pou vaksen yo kab resevwa vaksen anba
pwogram "Vaccines For Children," ki ofri vaksen gratis pou 4.000 moun
apwosimativman ki ofri swen sante prive nan prèske 1.850 sant
nan Florid. Adisyonèlman yo ofri vaksen yo gratis nan tout
sant depatman sante nan county an.
Pou plis enfòmasyon, kontakte Biwo Pwogram Vaksen Espesyal nan
Depatman pou Sante nan 305 376-1976 oubyen Lekòl Leta
Miami-Dade County Depatman Pwogram Sante Konpreyansif nan 305-895-
1235.
00-J0186CF
KONTAK: Carline Faustin
305-995-2192
26 jiyè 2000
Lekòl Leta Miami-Dade County ofri plis pase 100 pwogram nan
edikasyon adilt e pwofesyonèl. Plis pase 60,000 elèv
patisipe nan klas lajounen e le swa nan 27 lokasyon atravè
konte a.
Pwogram yo ofri yo genyen ladan agribiznis, biznis teknoloji, syans
fanmi e syans konsomatè, syans sante, pwomosyon, sèvis
piblik, edikasyon pwofesyonèl epi yon nouvo "Virtual School
District" Distri Lekòl Vityèl ki ofri edikasyon adilt
sou konpitè. Pwogram Alfabetizasyon Debaz pou Adilt ki ofri
enstriksyon ki chita sou evalyasyon endividyèl sou nivo
ladrès yo genyen ak abilite yo nan chak sijè. Klas
anglè pou moun ki pale lòt lang (ESOL) ede elèv
ak ladrès langaj enpòtan pou chak jou. Epitou,
elèv kab chwazi pou yo genyen diplòm "high school"
atravè pwogram pou fini lekòl segondè (high
school) epi kou preparasyon GED.
Klas yo ap kòmanse 28 out. Pou enfòmasyon sou kou yo,
kontakte "Ed Works" Edikasyon pou Travay nan nimewo 305-995-2500,
oubyen vizite paj "Edworks" la nan, www.edworks.org.
00-J0187/RL
KONTAK: Carline Faustin
305-995-2192
26 jiyè 2000
Yo deziye vensèt Lekòl Leta Miami-Dade kòm
lekòl sèvis total. Yo entegre edikasyon, medikal
e/oubyen sèvis sosyal e imen sou teren lekòl oubyen nan
lokasyon ki aksesib pou satisfè plizyè bezwen timoun ak
fanmi yo.
Inisyatif Komisyon Lekòl Sèvis Total Miami-Dade vize
pou ofri ensantif pou lekòl, distri lekòl e pou ajans
sèvis sante e imen eta a, lokal piblik e prive pou yo devlope
relasyon kolaboratif k ap amelyore aksè sèvis pou
timoun ak fanmi yo. Epitou, inisyatif la vize pou koòdone
sèvis yo ofri, elimine duplikasyon sèvis ki pa
nesesè atravè ajans yo, e sipòte
pèfòmans timoun yo nan lekòl.
Pou plis enfòmasyon, kontakte biwo Doktè Fred Rodgers,
Administratif Direktè pou Fonksyon Lekòl, nan
305-995-7656.
00-J0188/RL
KONTAK: Carline Faustin
305-995-2192
26 jiyè 2000
An mas 2000, Komisyon Lekòl Miami-Dade County pase yon plan
konpreyansif pou matematik ak syans pou motive elèv pou vin
enterese nan sijè sa yo e pou amelyore pèfòmans
akademik. Faz nouvo plan an ap dire plis pase twa zan kòmanse
otòn sa a e l ap bay elèv yo konesans sou matematik ak
syans ki nesesè pou siksè nan edikasyon apre
lekòl segondè e kòm anplwaye nan mache travay
la.
Devlopman plan an ak ogmantasyon sou demand akademik la vini nan
reponn yon pwojeksyon Miami-Dade Chamber of Commerce fè ki
prevwa 120,000 travay nan domèn matematik, syans ak teknoloji
ap rete ouvè paske anplwaye lekòl yo pa prepare.
Bi pwogram nan e demand lan genyen ladan konponan sa yo:
Sa ki kle pou siksè nouvo inisyatif la se yon apwòch
strikti pou amelyore kapasite pwofesè pou anseye matematik ak
syans pou transfòme pratik ansèyman pou vize sou yon
konsèp enfòmasyon e rezoud pwoblèm.
Depi 1994, sistèm lekòl la ap travay pou amelyore
siksè elèv nan syans ak matematik anba Pwogram Sistemik
Iben (USP) ki resevwa fon anba Fondasyon Syans Nasyonal, ki vize
ranfòsman kontni akademik e enstriktif e an menmtan reyisi nan
enskri nan kou pou fi kòm gason ak diferan etnisite e jwenn
rezilta nan pèfòmans. Yo konstamman ap enplemante yon
kourikouloum ki baze sou estanda pou satisfè bezwen
elèv yo e bi pwogram nan.
Pwogram nan ranfòse kontni akademik e amelyore enstriksyon.
Anplisdesa, li ogmante siksè elèv sou egzamen estanda
nan matematik, li ogmante enskripsyon nan nivo kou nan matematik e
syans, li ogmante nonb elèv ki gradye e li ogmante
patisipasyon paran ak patisipasyon kominote a.
Patnè kominotè yo, ki gen ladan inivèsite
lekòl yo, bibliyotèk, gouvènman minisipalite pou
ede konekte enstriksyon matematik ak syans nan sitiyasyon lavi
reyèl e karyè. Anplisdesa, yo ap deziye pwogram yo ak
University of Miami ak Florida International University pou pwodui
350 pwofesè matematik ak syans nan lekòl segondè
diran 5 kan k ap vini an.
An me yo te eli Sipèentandan Lekòl Roger C. Cuevas
kòm asistan chè "co-chairperson" pou Pwogram Sistemik
Iben Koralisyon Sipèentandan pou solidifye wòl
lidè distri yo nan amelyore edikasyon matematik ak syans.
Pou plis enfòmasyon, silvouplè rele Doktè Joseph
P. Burke, Direktè USI, Matematik ak Syans, nan
305-995-2341.
00-J0190/RL
KONTAK: Carline Faustin
305-995-2192
26 jiyè 2000
Lekòl Leta Miami-Dade County ofri elèv li yo ak fanmi
yo plizyè sèvis. Divizyon Sèvis Elèv mete
yon ekip pwofesyonèl ansanm pou adrese bezwen
pèsonèl, sosyal, edikasyonèl epi devlopman
karyè pou tout elèv ki enskri nan klas
pre-Matènèl jisrive nan edikasyon adilt. Konseye,
sikològ, travayè sosyal, pwogram Konsèy pou
Asistans Kolèj, espesyalis lè genyen yon kriz,
espesyalis pou plasman pwofesyonèl, espesyalis pou
entèvansyon kont elèv k ap fè woul,
konsèy espesyal "TRUST"(Konseye kont itilizasyon dwòg)
ap ofri konsèy akademik, evalyasyon konduit, planifikasyon
karyè apre lekòl segondè, manajman nan kriz,
konsèy, atelye pou paran, prevansyon ak entèvansyon
kont itilizasyon dwòg.
Bonjan bi pwogram nan se pou elèv yo gradye ak ladrès
nesesè pou yo kab dirije tèt yo, pran desizyon pou lavi
reyèl e kontribye ak siksè nan sosyete a.
Pou plis enfòmasyon, silvouplè rele Divizyon
Sèvis Elèv nan 305-995-7338 oubyen vizite paj "web"
nan, www.dade.k12.fl.us/stservices.
00-J0206/RL