EVÈNMAN MARATON POU EDE NÈF LEKÒL M-DCPS

Y ap fè yon resepsyon maraton pou ede nèf Lekòl Leta Miami-Dade County madi 24 mas nan Doubletree Grand Hotel ki nan 1717 N. Bayshore Drive, kòmanse 6:30 - 8:30 diswa.  Yo pwograme pou se Sipèentandan Lekòl yo Alberto M. Carvalho ki oratè prensipal la.  Evènman an pral gen ladan yon vant ozanchè silansye ki ap gen ladan vant siyati yon kantite limite nounous atis selèb Brezilyen Romero Britto kreye.  Tout resèt la pral jwenn “Foundation for New Education Initiatives, Inc.,” (Fondasyon pou Nouvo Inisyativ Lekòl) ki pral ede Lekòl Leta Miami-Dade County.  Se Doubletree Grand Hotel Biscayne Bay, the Double Grand Lounge, ak Tony Chan’s Water Club ki ap patwone evènman an.

Nèf lekòl yo fè pati inisyativ Akademi Siksè Sipèentandan an, ki se yon inisyativ ki fèt pou ogmante siksè elèv yo e bay elèv yo zouti akademik yo bezwen pou yo reyisi nan salklas.  Lekòl ki ap patisipe yo gen ladan lekòl elemantè Holmes ak Liberty City, lekòl segondè Homestead, Miami Carol City, Miami Central, Miami Edison, Miami Norland, North Miami, ak Corporate Academy South.

Pou plis enfòmasyon oubyen pou w ka fè donasyon monetè, kontakte Helen Reyes nan 305-995-1367.

###

   09-JJS/416/VVL/SD

Retounen sou Nòt pou Laprès