M-DCPS DEPASE NÒT MWAYÈN ETA A AK LÒT GWO DISTRI NAN EGZAMEN LEKTI AK MATEMATIK FCAT PRENTAN 2014
 

MIAMI – Ogmantasyon elèv lekòl elemantè ak mwayen “Miami-Dade County Public Schools (M-DCPS)” (Lekòl Leta Miami-Dade County) montre nan evalyasyon Lekti ak Matematik FCAT Prentan 2014 la sipase pa kamarad yo atravè eta a ak nan lòt gwo distri.  “The Florida Department of Education (FLDOE)” (Depatman Edikasyon Florid) pibliye rezilta “Florida Comprehensive Assessment Test (FCAT) 2.0”  (Evalyasyon Konpreyansif Florid) Prentan 2014 la nan Lekti, Matematik, ak Syans.

Non sèlman ogmantasyon elèv M-DCPS yo depase pèfòmans kamarad yo nan Lekti atravè eta a nan lekòl elemantè ak lekòl mwayen; nòt pousantaj wo (Nivo 3 oubyen pi wo) satisfè oubyen depase tou pa elèv atravè eta a nan 4yèm rive 8yèm ane eskolè. Echèl mwayèn nòt Lekti elèv M-DCPS yo amelyore nan 3yèm rive 6yèm Ane Eskolè soti 2013 a 2014, e pousantaj nòt nan Nivo 3 oubyen pi wo ogmante nan 3yèm, 4yèm, 5yèm, 6yèm, ak 8yèm ane eskolè.

Nan Matematik, pousantaj elèv M-DCPS ki fè nòt wo (Nivo 3 oubyen pi wo) depase pa elèv atravè eta a nan 3yèm rive 5yèm ane eskolè.  Pousantaj nòt elèv M-DCPS yo ogmante nan Matematik oubyen li rete estab nan 3yèm rive 7yèm Ane Eskolè.  Echèl mwayèn nòt la nan Matematik pou elèv 8yèm Ane Eskolè rete estab, menmlè pousantaj nòt Nivo 3 oubyen pi wo desann tou piti, akòz yon inisyativ atravè eta a ki mande pou elèv ki ap pèfòme wo yo enskri nan Aljèb 1 olye kou matematik tradisyonèl uityèm ane eskolè a.

Nan syans, pèfòmans elèv M-DCPS nan 5yèm ane eskolè rete estab, pandan pousantaj elèv ki fè nòt nan Nivo 3 oubyen pi wo nan 8yèm Ane Eskolè ogmante.

Sipèentandan Lekòl yo Alberto M. Carvalho di, "Amelyorasyon sa yo rive fèt patyèlman akòz devouman ak travay di pwofesè ak administratè yo, menmjan ak estrateji e resous adisyonèl yo fè pou ede elèv yo avanse ladrès akademik yo. Malgre rezilta konvenkan sa yo, nou konsantre sou kontinye amelyore menmjan ak elimine eka ki egziste yo."

Rapò konplè Distri, Eta, ak rezime lekòl yo disponib nan paj Entènèt FLDOE nan http://fcat.fldoe.org/mediapacket/2014/default.asp.

###

14-JS/092/DL/SD  

Retounen sou Nòt pou Laprès