|
“OEO” “M-DCPS” BAY 400 TI BIZNIS LOKAL SÈTIFIKA “Office of Economic Opportunity (OEO)” (Biwo Opòtinite Ekonomik) “Miami-Dade County Public School’s (M-DCPS)” (Lekòl Leta Miami-Dade County) anonse li resamman, pou premye fwa, bay 400 ti biznis lokal sètifika. Biwo a te kòmanse bay konpayi sètifika an avril 2013. Sipèentandan Lekòl yo Alberto M. Carvalho di, “Ti biznis se san k ap koule nan venn lavi nan kominote lokal nou an, … Mwen fyè dèske M-DCPS kontinye plase yon priyorite nan devlopman ekonomik e agrandi ti biznis nou yo.” OEO a ogmante efò ale jwenn ak teknik kominikasyon avèk òganizasyon kominotè, mèt biznis yo ak lòt gwoup sivik. Nan tèt ansanm ak Depatman Andwa ak Bizinis Distri a, OEO a lanse kreyasyon Plan Kontra Kat-Fwa nan Ane, yon nouvo inisyativ pou kenbe piblik la enfòme sou opòtinite kontra ki pral soti. Inisyativ sa a ankouraje moun ki enterese fè biznis ak M-DCPS. Anplisdesa, twa nouvo lyen estratejik ak Branch NAACP Miami-Dade, Inisyativ Fon Biznis Ispanik ak Sant Rezo Devlopman Ti Biznis, ogmante efò ale jwenn ak kominote a. Brian Williams, Ofisye Devlopman Ekonomik, di, “Jodi a reprezante yon gwo viktwa pou Lekòl Leta Miami-Dade County… Biwo nou an pran angajman pou bay konpayi lokal yo sètifika e pwomote vrè opòtinite kontra pou ede yo agrandi e elaji.” OEO pwomote devlopman ekonomik e agrandisman tout kalite ti biznis, biznis Minorite atravè pwogram ba yo sètifika, pwogram ale jwenn kominote a revize kontra, siveye akitivite yo. OEO ap lite pou asire ti Biznis, Biznis piti-piti ak biznis Minorite gen opòtinite maksimòm pou yo fè biznis ak Komisyon Konsèy Lekòl Miami-Dade County e ofri opòtinite egal-ego pou fè kontra ak tout segman nan kominote a. Pou plis enfòmasyon, silvouplè vizite oeo.dadeschools.net oubyen kontakte Brian Williams nan 305-995-1307.
### 14-JS/096/DF/CF
|
