“Miami-Dade County Public Schools (M-DCPS)”(Lekòl Leta Miami-Dade County) ap fè evènman espesyal atravè distri lekòl la pou lanse pwojè bon lekòl ki se rezilta apwobasyon eksepsyonèl votè yo pou Bon Obligasyon Jeneral $1.2 milya dola a. Yo ap sèvi avèk bon an pou modènize e konstrui bilding lekòl atravè distri a, ogmante kapasite elèv, mete plis sekirite nan etablisman yo, e ofri modènizasyon teknoloji nan tout lekòl.  Modènizasyon ak nouvo bilding pou andwa lekòl yo deja nan pwosesis planifikasyon, an preparasyon pou konstriksyon.  Yo enstale nouvo enfrastrikti sanfil, ki prepare chemen pou lekòl yo antre nan epòk dijital la.

Yo komisyone Wolfberg Alvarez & Partners, Inc. pou pwojè Lekòl Segondè Hialeah Senior, yo valorize a $15 milyon. Posibilite travay yo gen ladan, men ki pa limite a, renovasyon kanpous la; pentire eksteryè a; amelyorasyon sistèm sekirite alam/siveyans; ranplasman atè a; ranplasman klimatizè ak reparasyon/ranplasman chofaj la; reparasyon/ranplasman elektrik ak ekleraj; pwoteksyon sou mi eksteryè yo, ak reparasyon/ranplasman pòt ak fenèt enteryè e eksteryè yo.