Lwa Federal mande pou Lekòl Leta Miami-Dade County pibliye enfòmasyon ki nan lis anba a. DEPATMAN MANJE AK NITRISYON Yo voye bwochi aplikasyon pou manje bay tou fanmi yo. Pou aplike pou manje Gratis oubyen nan Pri Redui, paran oubyen gadyen dwe aplike elektwonikman nan http://nutrition.dadeschools.net. Fanmi yo ka ranpli aplikasyon sou papye e voye l tounen nan lekòl kote pitit yo a ki pi jèn nan ale. Ranpli yon aplikasyon sèlman pou chak kay. Aplikasyon yo disponib nan direksyon chak lekòl ann Espayòl, Anglè ak Kreyòl. Yo ap itilize enfòmasyon ou bay nan aplikasyon an nan bi pou detèmine elijibilite e yo ka verifye yo nenpòt lè pandan ane lekòl la. Ou ka soumèt aplikasyon nenpòt lè pandan ane a. Yo ap itilize kritè kantite moun ki nan kay la ak revni yo pou detèmine elijibilite. Nou ap jwenn kritè sa yo nan dezyèm paj dokiman sa a. Timoun ki soti nan fanmi ki gen revni nan nivo a oubyen pi ba nivo yo montre a, ka elijib pou Manje Gratis oubyen nan Pri Redui. Yo pa ka apwouve yon aplikasyon amwenske li gen tout enfòmasyon elijibilite yo konplè. Yon fwa li apwouve, benefis manje yo bon pou tout yon ane. Ou pa bezwen avize distri a chanjman nan revni w ak kantite moun ki nan kay la. Yo mande pou kay ki resevwa ‘‘SNAP (Supplemental Nutrition Assistance Program)’’ (Pwogram Asistans Nitrisyon Siplemantè) oubyen ‘‘TANF (Temporary Assistance to Needy Families)’’ (Asistans Tanporè pou Fanmi ki nan Bezwen) pou yo mete nimewo dosye aktyèl la nan aplikasyon an. Sote seksyon 2, 4, 6 ak 7 nan aplikasyon an. Yo ap pwolonje benefis manje gratis bay tout timoun ki nan kay la lè yo mete nimewo SNAP/TANF nan aplikasyon an. Timoun leta ap okipe ap resevwa benefis manje gratis kèlkeswa revni pèsonèl timoun nan oubyen revni kay kote yo abite a e yo ka mete yo kòm yon manm fanmi timoun leta ap okipe si fanmi timoun leta ap okipe a chwazi aplike pou benefis tou. Si fanmi timoun leta ap okipe a pa elijib pou manje gratis oubyen nan pri redui, sa pap anpeche yon timoun leta ap okipe resevwa benefis manje gratis. Kay ki gen timoun yo konsidere kòm migran, sanzabri, oubyen ki sove kite kay yo ta dwe kontakte lyezon distri a, nan 305-995-7318 pou kondisyon konfimasyon Sanzabri/Sove Kite Kay oubyen 305-258-4115 pou konfimasyon kondisyon Migran. Nan bi pou yo ka detèmine kantite moun ki nan kay la, yo konsidere manm fanmi ki ale nan sèvis militè kòm moun fè ki pati kay la. Fanmi yo dwe mete non moun ki ale nan sèvis militè yo nan aplikasyon yo. Yo dwe rapòte sèlman pòsyon revni moun ki nan sèvis militè a ki disponib pou yo oubyen nan non yo pou fanmi an. Adisyonèlman, ou pa dwe mete ladan kòm revni lajan pou lojman ki se pati Inisyativ Privatizasyon Lojman Militè. Tout lòt kay dwe bay enfòmasyon ki ap suiv la nan aplikasyon an:
Si w pa elijib kounye a men vin gen yon rediksyon nan revni kay la, ou pèdi travay, kantite fanmi an ogmante, oubyen ou vin elijib pou benefis SNAP, TANF oubyen FDPIR, ou ka ranpli yon aplikasyon lè sa a. Chanjman sa yo ka fè elèv la kalifye pou manje nan pri redui oubyen gratis si revni kay la tonbe nan oubyen pi ba nivo yo montre anba a. Elèv yo ka peye davans pou repa midi sou Entènèt nan www.PayPams.com oubyen nan kafeterya lekòl la ak chèk oubyen kach. Yo ap voye enfòmasyon sou ‘‘PayPams’’ nan kay la ansanm ak bwochi aplikasyon manje a. Yo sèvi tout elèv Lekòl Leta Miami-Dade County dejene san peye chak jou. Pri repa midi lekòl elemantè se $2.25. Lekòl mwayen ak lekòl segondè se $2.50. Pri redui Repa midi se 40 santim. Anba atik règ manje Gratis e nan Pri-Redui a Direktè Administratif oubyen moun li deziye pral revize aplikasyon yo e detèmine elijibilite. Si yon paran oubyen gadyen pa satisfè ak desizyon ofisyèl la, li ka diskite desizyon an ak anplwaye nan Biwo Distri a nan (786) 275-0400 Ekstansyon 5000 sou yon baz enfòmèl. Si paran an vle fè yon apèl fòmèl, li ka fè yon demand swa oralman oubyen alekri bay Direktè Fonksyònman an nan (786) 275-0426. GID ELIJIBILITE REVNI FLORID
Pou detèmine revni anyèl:
Sonje: Ou dwe repòte montan total revni anvan taks, sekirite sosyal, benefis sante, peman inyon, oubyen lòt dediksyon anvan taks. Si w vle pote yon plent Dwa Sivil pou diskriminasyon, ranpli Fòm “USDA Program Discrimination Complaint” (Pwogram Plent Diskriminasyon USDA) w ap jwenn sou Entènèt nan http://www.ascr.usda.gov/complaint_filing_cust.html, oubyen nan nenpòt biwo USDA, oubyen telefone (866) 632-9992 pou mande fòm nan. Ou ka ekri tou yon lèt ki gen tout enfòmasyon yo mande nan fòm nan. Voye fòm plent ou ranpli a oubyen lèt la pa lapòs nan U.S. Department of Agriculture, Director, Office of Adjudication, 1400 Independence Avenue, S.W., Washington, D.C. 20250-9410, pa faks (202) 690-7442 oubyen lèt elektwonik nan program.intake@usda.gov. Moun ki soud, ki pa tande byen oubyen ki gen andikap pou pale ka kontakte USDA atravè Sèvis Transmisyon Federal nan (800) 877-8339; oubyen (800) 845-6136 (ann Espayòl). USDA se yon founisè e anplwayè ki bay tout moun opònite egal ego.” Rev. 8.24.15
### 15-DGD/032/SD
|