Jodi a,
Pwogram ‘Florida Green Schools’ “Florida Department of Environmental
Protection’s (FDEP)” (Depatman Pwoteksyon Anviwònmantal Florid) te onore
“Maritime and Science Technology (MAST)” (Akademi Teknoloji Maritim ak Syans)
ak yon deziyasyon "Gold" (Lò) ak prim "Gold Apple" (Pòm Dò)
la.
MAST Akademi
se premye lekòl segondè nan Florid ki resevwa rekonesans sa a, grasa ‘Green
Champions’, ki se yon gwoup elèv, pwofesè, paran ak patnè kominotè angaje ki
reyini ansanm pou fè pati pa yo pou fè MAST Akademi vin tounen yon lekòl
“zero-waste and zero-net energy“ (ki pa gaspiye oswa konsome enèji renouvlab)
anvan ane 2030.
Atravè
yon sistèm deziyasyon kat (4) nivo, lekòl yo gen opòtinite pou yo reyalize
diferan nivo "Apple" (Pòm), kòmanse ak nivo Vèt la, answit Bwonz, Ajan,
e finalman Pòm Dò, ki se nivo deziyasyon ki pi wo a. Aktyèlman, gen sèlman kat (4)
lekòl nan eta a, pami yo gen twa (3) ki nan Lekòl Leta Miami-Dade County, ki te
resevwa rekonesans sa a.
Yo te
lanse Pwogram Deziyasyon Lekòl ki Sèvi ak Enèji Renouvlab Florid la an 2016, e se
yon inisyativ FDEP ki rekonèt lekòl K-12 ki volontèman pran angajman pou
konsève ak pwoteje resous natirèl Florid yo epi ki demontre yo ede amelyore anviwònman
an.
Pou
dènye enfòmasyon yo an Kreyòl, silvouplè branche sou Radyo Lekòl lendi -
vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM,
e 6è diswa sou RCH 23 1610AM.
Silvouplè
telechaje aplikasyon mobil Dadeschools la sou aparèy iPhone oubyen Android ou. Suiv nou sou Twitter
nan @mdcps ak @suptdotres, sou Instagram nan @miamischools e @suptdotres, sou Facebook nan MiamiSchools.
# # #
23-VSP/063/HD/RD/SD