YO CHWAZI TWA ELÈV M-DCPS POU PÈFÒME NAN ANSANM DJAZ LEKÒL SEGONDÈ "GRAMMY" 22 fevriye 2002 Twa elèv Lekòl Leta Miami-Dade County pami 34 manmfè pati Ansanm Jaz Lekòl Segondè "GRAMMY" 2002, ki ap fèt nan Los Angeles, 19 jiska 28 fevriye pou konbine ak 44yèm Prim GRAMMY Anyèl yo. Jesse Boykins III, yon chantè tenò, ak Brandon Madden, yon chantè bas, se elèv ki nan dènye ane nan Lekòl American Senior High School. Fabian Almazan, yon "percussionist" pèkisyonis, se yon elèv nan dènye ane li nan New World School of the Arts. Pwogram Ansanm Djaz Lekòl Segondè "GRAMMY" an idtantifye, chwazi e ofri prim pou akonplisman talan elèv mizisyen nan lekòl segondè. Pandan vwayaj eksitan kote tout frè yo peye, elèv ki soti atravè tout North America pral pèfòme pou nominasyon "GRAMMY" yo, y ap patisipe nan klas mastè, y ap pèfòme nan klib djaz renome e patisipe nan 44yèm Prim GRAMMY Anyèl. Kòm pati pwogram edikasyon eksitan sa yo, plizyè elèv yo ap elijib pou resevwa bous pou kolèj. Fondasyon ® GRAMMY an, yon branch ki pa la pou pwofi nan Akademi Rekòd la, pote atansyon nasyonal sou sijè enpòtan tankou valè mizik e edikasyon ar e prezève repitasyon kilti ki richi pou jenarasyon k ap vini yo. Atravè efò nan tout peyi, Fondasyon an trase anpil chemen nan ouvri nouvo opòtinite pou edikasyon elèv. Pou plis enfòmasyon, kontakte Shenita Hunt, pwofesè mizik nan lekòl American Senior High, 305-557-3770, oubyen Denis Prime nan New World School of the Arts, 305-237-3135. ### 02-AMC203/CF Retournen sou Spanish & Creole Releases