TAB MATYÈ ENSKRIPSYON POU OTÒN VAKSEN DAT ENPÒTAN ORÈ LEKÒL DOSYE ELÈV SWEN SANTE PWOGRAM `ED POU ETID INIVÈSITÈ KOMISYON KONSÈY (M-DCPS) PWOSEDI NAN KA IJANS ZÒN RESTRIKSYON VITÈS SANT ENFÒMASYON POU SITWAYEN RÈGLEMAN NAN ABIMAN ELÈV YO ABSANS ELÈV DYALÒG ANT PARAN, ELÈV AK PWOFESÈ PATISIPASYON SITWAYEN YO EDE PITIT OU REYISI SÈVIS TRANSPÒTASYON BIWO REJYON YO SIVEYANS ANVAN, APRE LEKÒL KONDISYON POU GRADYE MANJE GRATIS E BON MACHE PWOGRAM 'MAGNET’ KLAS 'PREKINDERGARTEN' EGZAMEN OFISYÈL KÒD KONDUIT POU ELÈV ORYANTASYON NOUVO PWOFESÈ LEKÒL 'CHARTER' PWOGRAM LEKTI ENTÈVANSYON KONT WOUL LEKÒL KOMINOTÈ LIY POU REPÒTE KRIM 1-888-432-2424 ’DIAL-A-TEACHER’ KLAS EDIKASYON ADILT E PWOFESYONÈL SÈVIS SANTE TOTAL PWOGRAM MATEMATIK AK SYANS SÈVIS KONPREYANSIF POU ELÈV KANPAY UNITED WAY 2001 ENFÒMASYON DISPONIB SOU ENTÈNÈT AKADEMI KI VIZE ENDISTRI

Retounen nan Premye paj

KONTAKTE: Carline M. Faustin
305-995-2192

26 jiyè 2001


Lekòl Leta Miami-Dade County ap ouvri pòt li lendi 27 out pou kòmanse ane eskolè 2001-2002 la.

Paran ki pa sèten ki lekòl pitit yo prale dwe telefone "Division of Attendance Services, School Boundaries Department" Divizyon pou Sèvis Prezans nan Lekòl, Depatman Limit Zòn Lekòl nan nimewo 305-883-5651.

Byenke pa gen dat limit pou enskripsyon, yo ankouraje elèv yo enskri bonè pou evite reta nan pwosesis la, konsa y ap ka rantre lekòl depi jou ouvèti lekòl la.

Elèv k ap rantre nan klas "prekindergarten" dwe gen katran 1ye septanm osnon anvan 1ye septanm 2001.

Elèv k ap rantre nan "kindergarten" dwe gen senkan anvan osnon 1ye septanm. 2001.

Pou rantre nan premye ane (1st grade) elèv la dwe gen sizan anvan osnon 1ye septanm 2001, e fò li pase klas "kindergarten" nan.

Elèv ki fèk ap rantre nan sistèm lekòl leta Miami-Dade la dwe prezante dokiman sa yo: prèv laj, prèv dènye egzamen fizik ki enkli tès tibèkiloz (ki enkli analiz tès la ak swit e tretman apwopriye si tretman te nesesè) e yon sètifika vaksinasyon; epi de prèv adrès aktyèl sou fòm resi lwaye, deklarasyon ajans koutye osnon avoka ki konfime adrès la, e resi depo kouran, telefòn. Si paran an oubyen gadyen an pap ka bay prèv adrès li, y ap refere li nan biwo rejyon zòn nan. Epitou yo mande pou li ranpli yon fòm ki rele "Disclosure" devwale lè li ap fè Enskripsyon."

Elèv k ap sot nan lòt distri eskolè dwe prezante dènye kanè yo osnon lòt dosye dènye lekòl yo te ye a.

Elèv etranje yo ki enkli rezidan pèmanan ap suiv menm pwosedi ki pou natifnatal yo. Elèv k ap antre nan sistèm nan premye fwa, kit se elèv etranje, kit se elèv ki sot nan lòt eta, gen dwa enskri nan lekòl yo.

Pwojeksyon sou enskripsyon yo jou ouvèti a pa disponib, kwak yo espere enskripsyon pou ane eskolè jadendanfan pou rive 12 ane ap rive lan 370.500 nan mitan oktòb 2001 lan. Ane pase enskripsyon nan premye jou a te 306.223; chif dènye jou a te 358.511.

01-J0221/CF

Anlè

KONTAKTE: Carline M. Faustin
305-995-2192

26 jiyè 2001


Timoun ki prepare pou antre nan jadendanfan jisrive 12 ane eskolè pou ane lekòl 2001-2002 bezwen pou yo pran vaksen apwopriye oubyen yo pap kab antre nan lekòl .

Pwogram vaksen lekòl eta a mande pou tout elèv k ap antre nan setyèm ane eskolè resevwa yon dezyèm dòz vaksen pou sawonpyon, vaksen epatit B ki yon seri (twa dòz). Obligasyon sa aplike to pou timoun ki double klas 7yèm jiska 11yèm ane eskolè.

Tout timoun ki ap antre nan jadendanfan, jisrive twazyèm ane eskolè dwe pran yon seri vaksen epatit B anplisde vaksen sa yo te deja mande pou yo pran pou dipterya, koklich, tetanòs, polyo, sawonpyon, malmounton, e "rubella".

Tout timoun k ap antre, ki nan oubyen k ap transfere nan klas matènèl e jadendanfan nan Florid yo mande pou yo pran vaksen "Varicella" (lawoujòl) oubyen yo dwe dokimante istwa maladi "varicella (lawoujòl) sou fòm DH 680 an.

Timoun kab ale lekòl si yo nan pwosesis pou yo pran seri epatit B e yo genyen yon fòm medikal tanporè ki eskize yo ki klase nan dosye lekòl la. Se sèl Sètifika Depatman Sante pou Vaksen, fòm DOH 680, yo kab aksepte kòm verifikasyon yo anrèg pou vaksen.

Nou ankouraje paran pou kontakte doktè yo pou mete yon randevou pou timoun ki afekte daprè demand pou vaksen lekòl. Pifò vaksen yo mande yo kouvri anba regleman asirans sante.

Timoun paran yo pa ka peye pou vaksen yo kab resevwa vaksen anba pwogram "Vaccines For Children," ki ofri vaksen gratis pou 4.000 moun apwosimativman ki ofri swen sante prive nan prèske 1.850 sant nan Florid. Adisyonèlman yo ofri vaksen yo gratis nan tout sant depatman sante nan county an.

Pou plis enfòmasyon, kontakte Biwo Pwogram Vaksen Espesyal nan Depatman pou Sante nan 305 376-1976.

01-J0228/CF

Anlè

KONTAKTE: Carline M. Faustin
305-995-2192

26 Jiyè 2001


Dat sa yo se dat enpòtan nan ane eskolè 2001-2002 la:

KONJE Lendi 3 septanm - Fèt Travay Lendi 12 novanm - Fèt Veteran Jedi 22 novanm - Fèt Aksyon de Gras (Thanksgiving) Lendi 21 janvye - Obsèvasyon Fèt Dtè. Martin Luther King Lendi 18 fevriye - Jou Pou Fèt Tout Prezidan Lendi 27 me - Obsèvasyon Souvni Moun ki Mouri lan Lagè (Memorial Day)	JOU POU PWOFESÈ FÈ PLANIFIKASYON Jedi 23 out Vandredi 24 out Madi 18 septanm Jedi 27 septanm Vandredi 19 oktòb Vandredi 2 novanm Vandredi 25 janvye Vandredi 29 mas Jedi 13 jen Vandredi 14 jen Vandredi 5 jiyè
JOU VAKANS Vandredi 23 novanm - jou aprè Aksyon de Gras Lendi 24 desanm jiska madi 4 - janvye - Vakans Ivè Lendi 1 avril jiska vandredi 5 - avril - Vakans Prentan Jedi 4 jiyè	DAT Y AP BAY KANÈ* 13 novanm 2001 5 fevriye 2002 9 avril 2002 25 jen 2002 27 out 2002

*Y ap bay kanè nan dat sa yo oubyen aprè dat sa yo (Gen kèk lekòl ki ka bay kanè pi bonè).

01-J0225/CF

Anlè 

KONTAKTE: Carline M. Faustin
305-995-2192

26 jiyè 2001


Pou prèske tout elèv, klòch lekòl yo pral sonnen menm lè diran ane eskolè 2001-2002 la, menm jan sa te fèt pou ane eskolè ki sot pase a.

Elèv matènèl jadendanfan yo (prekindergarten, kindergarten) ak elèv premyè ane yo (1st grade) ap vin lekòl 8:30 dimaten pou 2 zè nan aprèmidi. Elèv klas sa yo, dezyèm ane jiska sizyèm ane (Grades 2-6), ap gen klas de 8:30 dimaten jiska 3:00 nan aprèmidi. Lè mèkredi tout elèv primè yo ap lage a 2è nan aprèmidi.

Orè nan "middle school" yo pou klas sizyèm ane jiska nevyèm ane (Grades 6-9) ap 9:00 dimaten pou 3:40 nan aprèmidi. Lekòl segondè nevyèm ane jiska douzyèm ane (Grades 9-12) ap 7:30 dimaten jiska 2:30 nan aprèmidi.

Kèk lekòl primè, segondè "middle ak senior high school," menmjan ak kèk klas jadendanfan jisrive 8yèm espesyal e kèk sant edikasyon altènatif ap fonksyone sou orè endividyèl pa yo. Paran yo dwe telefone lekòl pitit yo pou yo konn orè yo.

01-J0223/CF

Anlè

KONTAKTE: Carline M. Faustin
305-995-2192

26 jiyè 2001


"Family Rights and Privacy Act" ki vle di Lwa sou Dwa Fanmi ak Vi Prive ansanm ak seksyon 228.093, Lwa Eta Florid, pwoteje ekzaktitid ak sekrè dosye lekòl elèv yo e garanti dwa paran osnon gadyen yon timoun pou l wè enfòmasyon ki lan dosye lekòl timoun nan.

Daprè lwa a, yo pa gen dwa livre dosye yon timoun bay okenn moun san konsantman paran an, gadyen an oubyen timoun nan ki elijib nan sans sa a, sof nan ka eksepsyon ki mansyone nan lwa anwo yo. Eksepsyon sa yo enkli ofisyèl lekòl yo ki gen yon enterè lejitim nan zafè edikasyon. Eksepsyon yo enkli tou ka kote tribinal voye manda konparisyon oswa pase lòd pou envestige dosye yon elèv. Pou asire respè lalwa, sistèm lekòl la pibliye enfòmasyon detaye ki di ki fason pou kenbe dosye elèv yo e nan ki kondisyon pou livre yo. Enfòmasyon sa yo nan Student Educational Records Manual la, School Board Rule 6GX13-5B-1.07.

Ckak lekòl yo dwe anyèlman avèti alekri paran yo, gadyen timoun yo oubyen elèv ki elijib yo sou dwa yo pou yo enspekte e revize dosye elèv yo. Elèv ki gen mwens pase 18 an, e ki vle wè dosye lekòl yo, dwe gen pèmisyon yon paran oubyen gadyen. Dwa paran yo vin transfere bay timoun yo lè timoun yo gen 18 an oubyen lè timoun yo nan yon enstitisyon kote y ap fè etid pòssegondè yo.

Elèv yo dwe kontakte biwo enskripsyon lekòl yo, si yo vle voye relvenòt yo bay inivèsite yo oubyen sèvis ki bay bousdetid.

01-J0211/CF

Anlè

KONTAKTE: Carline M. Faustin
305-995-2192

26 jiyè 2001


Lekòl Leta Miami-Dade County fè diferan kalite tès pou evalye sante elèv yo, sou sipèvizyon pèsonèl lekòl la oubyen pèsonèl ki bay swen sante.

Yo fè tès je chak ane pou elèv nan klas matènèl, jadendanfan, premye ane, katriyèm ane lekòl, nouvo elèv nan Florid ki nan rès nivo ane lekòl elemantè, setyèm ane e dizyèm ane. Yo fè tès pou zòrèy/tande chak ane pou elèv nan klas matènèl, jadendanfan, premye ane, dezyèm ane, katriyèm ane, nouvo elèv nan Florid ki nan rès nivo ane nan lekòl elemantè, nan setyèm ane, e dizyèm ane. Paran elèv ki pa pase nenpòt nan tès yo oubyen ki sanble li ka gen yon pwoblèm vizyon osnon yon pwoblèm tande, n ap konseye l pou al chèche swen medikal kay doktè yo.

Chak ane yo fè tès eskolyoz pou elèv ki lan 7yèm ane lekòl. Yo fè tès pou elèv 10yèm ane lekòl pou wè si yo pa gen tansyon.

Lè elèv yo gen maladi alontèm oubyen maladi kwonik oubyen andikap ki mande pou yo pran medikaman, pèsonèl lekòl la kab ede elèv yo, pou yo pran medikaman an alè, sitou lè moman pou timoun nan pran medikaman an pa kab ajiste pou l koresponn ak lè timoun nan lakay li.

Yon paran oubyen gadyen dwe siyen yon fòm konsantman epi yon doktè lisansye dwe siyen yon plan tretman ekri ki esplike nesesite medikaman an. Fòk yo ranpli fòm otorizasyon sa yo sèlman yon fwa pandan ane eskolè a. Lè gen yon chanjman medikaman, paran an osnon gadyen an ak doktè a dwe bay yon nouvo fòm otorizasyon yo.

Direktè a ap sere medikaman an yon kote anba kle. Pou plis enfòmasyon, kontakte Wilma Steiner, R.N., ki se sipèvizè pwogram sante nan sistèm lekòl la, lan 305-995-1235.

01-J0212/CF

Anlè

KONTAKTE: Carline M. Faustin
305-995-2192

26 jiyè 2001


Elèv segondè yo ak paran yo pi enfòme pase anvan sou opòtinite pou fè etid inivèsitè grasa Pwogram Èd Pou Etid Inivèsitè (College Assistance Program /CAP) Lekòl Leta Miami-Dade County a.

Nan chak lekòl konseye "CAP" yo ede elèv yo nan ranpli aplikasyon pou egzamen pou yo antre nan kolèj. Pou enskripsyon nan enstitisyon apre lekòl segondè, èd finansyèl, bousdetid.

"CAP" fè atelye pou enfòme paran yo èd sou finansyèl ak bousdetid. M-DCPS e National Association for College Admission Counseling patwone an kolaborasyon yon ekspozisyon kolèj anyèl ki ap prezante plis pase 150 kolèj e inivèsite atravè peyi a e yo planifye li pou dimanch 10 mas 2002.

College Assistance Program of Dade County Inc., yon òganizasyon 501(c)(3) ki pap chèche pwofi, bay milye de dola pou ede elèv ki prepare pou yo antre nan inivèsite pou ane 2000-2001 nan. Chak prentan sipèentandan lekòl yo fè "Scholarship Saturday, ki yon seri evenman espòtif kominotè pou ede jwenn fon pou CAP ki gen ladann jwèt "softball", domino, boling, e kous/mache 5k. Yo fè CAP kado tout lajan yo antre nan evenman yo.

Pou plis enfòmasyon, elèv yo dwe kontakte konseye "CAP" ki nan Depatman Sèvi Elèv osnon rele biwo distri a pou "College Assistance Program la, nan 305-995-1743.

01-J0213/CF

Anlè

KONTAKTE: Carline M. Faustin
305-995-2192

26 jiyè 2001


Komisyon Konsèy Lekòl Leta Miami-Dade County egzèse otorite legal li genyen sou sistèm lekòl la, an konfòmite ak lwa Florid e ki detèmine regleman yo. Chak manm eli ofisyèl yo nan nèf (9) manm konsèy reprezante yon distri anpatikilye nan county an.

Komisyon Konsèy Lekòl yo, anjeneral, fè reyinyon yon fwa pa mwa lè mèkredi a 1:00 nan aprèmidi, lan premye etaj la lan oditoryòm Bilding Administrasyon Konsèy Lekòl yo ki sitiye lan 1450 N.E. 2yèm Avni, Dat yo apwouve a afiche nan Citizen Information Center e sou sit Lekòl Leta Miami-Dade County sou Entenè http://dcps.dade.k12.fl.us/. Piblik la kapab patisipe lan reyinyon yo e li pase lan televizyon sou WLRN, kanal 17 ak lan radyo sou WLRN, bann FM 91.3.

Sitwayen ki enterese kapab adrese konsèy la sou sijè ki enskri lan ajanda a. Pou yo fè sa, yo dwe fè yon demann ekri bay "Citizen Information Center" vè 4:30 nan aprèmidi lan lendi anvan reyinyon an. Sitwayen yo ka adrese komisyon konsèy la sou sijè ki pa lan ajanda a, sèlman pandan odyans piblik yo ki fèt nan konklizyon reyinyon regilyè. Delè ak pwosedi pou enskri pou patisipe lan yon odyans piblik se menm ak sa nou fèk sot dekri la a pou reyinyon regilyè yo. Nenpòt moun lan piblik la ki gen pou pale e ki bezwen sèvis yon entèprèt panyòl osnon kreyòl, lè l ap pale devan Konsèy la, dwe fè demann nan nan menm lèt li mande pou l pale a.

Gen fòm yo lan tout biwo rejyon yo ak lan "Citizen Information Center," Sal 158, ki lan Bilding Administrasyon Konsèy Lekòl yo. Nimewo faks la se 305-995-1151.

Biwo Manm Komisyon Konsèy Lekòl yo sitiye lan Bilding Administrasyon Konsèy Lekòl yo (School Board Administration Building). Yo kab kontakte manm Konsèy Lekòl yo lan 305-995-1334.

Manm Komisyon Konsèy Lekòl Leta Miami-Dade County yo:

• Chèpèsonn Perla Tabares Hantman (Distri 4)
• Vis Chèpèsonn Dr. Micheal M. Krop (Distri 3)
• Frank J. Cobo (Distri 7)
• Dr. Robert B. Ingram (Distri 1)
• Betsy H. Kaplan (Distri 9)
• Frank J. Bolaños (Distri 5)
• Dr. Marta Pérez (Distri 8)
• Manty Sabatés Morse (Distri 6)
• Dtè. Solomon C. Stinson (Distri 2)
  
  
• Evan B. Rosen, Konsèy Elèv

01-J0243/CF

Anlè

KONTAKTE: Carline M. Faustin
305-995-2192

26 jiyè 2001


Elèv yo dwe gen nan dosye lekòl yo enfòmasyon pou asire yo avèti rapidman paran yo osnon lòt endividi yo te deziye sou kat ijans lan pou lè gen yon ijans konsènan pitit yo.

Paran yo dwe founi enfòmasyon sa yo sou kat dosye elèv la depi premye fwa yo te ap enskri timoun yo nan yon lekòl leta nan Miami-Dade; ansuit fò yo mete enfòmasyon yo ajou chak ane. Sepandan, li enpòtan pou paran yo met enfòmasyon yo ajou diran ane eskolè a si ta vin gen chanjman non, telefòn oubyen adrès.

Lè yon elèv gen yon ijans nan lekòl li osnon pandan yon aktivite lekòl la te otorize, responsab yo nan lekòl la dwe avèti youn nan paran yo imedyatman. Si nou pa ka kontakte nenpòt paran yo, yo dwe rele yon fanmi oubyen yon zanmi ki gen non li mansyone sou kat ijans lan. Si yo pa jwenn ni zanmi, ni fanmi epi maladi oubyen blesi timoun nan grav, yo dwe rele ekip sèvis sekouris ak/oubyen lapolis.

01-J0214/CF 

Anlè

KONTAKTE: Carline M. Faustin
305-995-2192

26 Jiyè 2001


Gen yon limit vitès 15 mil alè pou tout motoris/chofè k ap kondi bò lekòl leta yo nan jou lekòl yo e nan lè ki fikse nan tablo siy yo.

Lè pou kondi a 15 mil alè a depann de lekòl yo. Chak lekòl gen dwa gen yon lè lejèman diferan pou aplikasyon restriksyon vitès la.

Pou sekirite timoun yo li enpòtan pou chofè yo li avèk prekosyon tablo limit vitès yo lè y ap pase nan zòn lekòl yo. Epi se yon vyolasyon règleman trafik la pou depase limit vitès yo enpoze nan zòn lekòl yo.

Anplisdesa, timoun yo dwe okouran pou yo veye machin k ap vini.

01-J0215/CF

Anlè

KONTAKTE: Carline M. Faustin
305-995-2192

26 jiyè 2001


Sant Enfòmasyon (Citizen Information Center), ki fè pati sistèm Lekòl Leta Miami-Dade County a, la pou reponn tout moun ki gen keksyon sou sistèm lekòl la.

Li tabli kò l nan sal 158 Bilding Administrasyon Konsèy Lekòl la ki nan 1450 N.E. Second Ave. Sant lan founi piblik la dokiman, enfòmasyon jeneral ak ajanda pou reyinyon Konsèy Lekòl la.

Sitwayen yo kapab kontakte Sant lan nan 305-995-1128 oubyen vizite l lendi jiska vandredi depi 8:00 dimaten jiska 4:30 nan aprèmidi. Sit Lekòl Leta Miami-Dade County sou Entènèt, http://dcps.dade.k12.fl.us/, epitou li ofri yon varyete enfònmasyon sou sistèm lekòl la.

 01-J0216/CF

Anlè

KONTAKTE:  Carline M. Faustin
305-995-2192

26 jiyè 2001


Lekòl Leta Miami-Dade County gen yon lis règleman sou abiman elèv l ap veye aplikasyon règleman sa yo seryezman.

Lis règleman sa yo la pou anpeche aparans yon elèv kreye yon pwoblèm pou sante, sekirite, pwòpte lòt elèv oubyen yon pwoblèm pou anviwonman kote lòt timoun ap aprann. Règleman yo se pa pou kontwole longè cheve osnon kalite rad timoun yo mete.

Yo ka pran sanksyon kont elèv ki vyole règleman yo sèlman aprè yo te ba yo yon chans pou korije vyolasyon an e apre yon konferans paran-pwofesè.

Gen kèk lekòl ki resevwa apwobasyon Konsèy Lekòl la pou adopte kèk règleman sou abiman ki pi estrik ki entèdi moun vin lekòl ak rad tankou mayo, chemizèt, kòsaj san bretèl, chapo, ti filang rad, sapat jezikri e rad ki gen mesaj k ap fè piblisite pou tabak, alkòl, pònografi, dwòg, oubyen sèks.

Genyen tou plizyè lekòl ki adopte inifòm pou ankouraje elèv yo amelyore abitid etid yo e idantifye yo plis ak lekòl yo. Paran ki bezwen plis enfòmasyon sou règleman abiman lekòl la dwe kontakte direktè lekòl pitit yo a.

01-J0217/CF

Anlè

KONTAKTE: Carline M. Faustin
305-995-2192

26 jiyè 2001


Elèv segondè (Middle School ak High School) ki gen 10 oubyen plis pase 10 absans san eskiz nan yon kou anyèl oubyen plis absans san eskiz nan yon trimes espesifye pandan ane eskolè a kouri ris pou yo wè administrasyon lekòl la kenbe nòt final yo malgre yo pase. Administrasyon an ap kenbe nòt yo pandan komite ki okipe zafè prezans elèv la ap revize tout absans yo.

Se sèlman absans ki gen eskiz ki akseptab. Maladi, randevou doktè, lanmò nan fanmi an, obsèvans yon fèt relijye oubyen yon evenman lekòl la patwone e apwouve l davans se sèl rezon valab pou yon elèv pa vin lekòl. Yo ankouraje paran yo pou yo rele lekòl la lè yo konnen yon elèv ap absan.

Elèv ki gen eskiz pou yo absan ap gen opòtinite pou fè travay yo te manke yo nan yon tan rezonab; elèv ki absan san eskiz ap pran yon nòt "F" pou travay yo te manke yo.

Epitou, yo ap remèt Depatman Lisans Machine nan Florid dosye prezans lekòl pou elèv laj apwopriye ki gen abitid fè woul (15 absans oubyen plis absans san eskiz nan yon kalandriye pou 90 jou) kote yo ap mete yon bar sou non yo, pou yo pa ka aplike pou lisans kondui. Si yon elèv ki abitye fè woul deja genyen yon lisans kondui, yo kab revoke lisans la. Yo ap avize moun sa a pa lapòs e tou pwosesis kòman pou li kab genyen lisans li ankò.

01J0218CF

Anlè

KONTAKTE: Carline M. Faustin
305-995-2192

26 jiyè 2001


Kenbe yon relasyon dirèk ak pwofesè yon timoun enpòtan anpil pou ede e amelyore edikasyon elèv la depi jadendanfan jiska finisman etid segondè l.

Paran yo dwe rankontre pwofesè pitit yo bonè nan kòmansman ane eskolè a, se kenbe kontak ak pwofesè yo diran tout ane eskolè a. Konferans paran ak pwofesè se meyè fason pou yon paran ret enfòme sou pwogrè yon timoun oubyen diskite sou nenpòt pwoblèm ki kab genyen.

Yo kab fasilman fikse yon konferans avèk èd direksyon an. Nan lekòl segondè yo, yo kab kontakte konseye a pou asistans ak konferans. Pou paran ki pa kab al nan lekòl pitit yo, voye yon nòt bay pwofesè timoun nan pou fikse yon randevou pou pale ak pwofesè a pa telefòn se yon lòt chwa.

01-J0219/CF

Anlè

KONTAKTE: Carline M. Faustin
305-995-2192

26 jiyè 2001


Kòmanse sou paran yo, biznis yo, lidè kominotè yo, gouvènman lokal, elèv kolèj ak elèv inivèsite, rive sou tigranmoun, patisipasyon sitwayen lan Lekòl Leta Miami-Dade County ofri tout moun yon opòtinite pou ede ofri elèv yo fè yon bèl eksperyans lekòl ki pi satisfezan.

Sitwayen ak moun ki nan konpayi k ap fè volontè, konsakre ant inètan ak dezèdtan pa semèn pou anseye elèv, ede lan pwomnad lekòl yo òganize epi patisipe lan lòt aktivite lekòl yo fè. Nou ankouraje tigranmoun yo espesyalman pou yo pataje tan yo ak tijèn yo.

Volontè lekòl ofri sèvis yo lan plis pase 30 domèn ki genyen ladan moun elèv kab pwofite de eksperyans yo e elèv ka pran leson sou matyè yo, depi sou matematik, lekti, rive sou òdinatè (computer). Pou timoun ki bezwen yon zanmi granmoun, volontè "Listener" yo vin enpòtan anpil. Lan pwosesis la, yo ede tijèn yo devlope imajinasyon ak kreyativite yo, epi yo ede elèv yo devlope amoupwòp yo. Yo ofri pwogram sa a an espanyòl (Oyentes) tou. Yo pran pati nan pwogram Sipò pou Timoun ki ede yo gradye soti nan lekòl segondè e jenn bous pou kolèj. Pou plis enfòmasyon sou pwogram volontè ki resevwa prim nan Lekòl Leta Miami-Dade County silvouplè rele (305-995-1215).

Gen yon branch "Parent-Teacher Association/PTA" (Asosyasyon Paran ak Pwofesè) lan prèske chak lekòl leta lan Miami-Dade. Ak plis pase 53.000 manm, Konsèy PTA/PTSA Dade County a se twazyèm pi gwo asanble PTA lan peyi a. PTA a, ki patisipe lan plizyè aktivite lekòl yo, ede anpil. Nou ankouraje paran yo pou yo fè yo manm PTA a. Pou yo patisipe, paran yo ka telefone lekòl pitit yo oswa biwo PTA/PTSA a lan 305-995-1102.

"Educational Excellence School Advisory Councils " (Asanble Konsèy Edikasyonèl Lekòl Ekselan te) egzite nan chak lekòl letaMiami-Dade ofri paran akkominote a opòtinite pou travay ak anplwaye lekòl la pou fòme pwosedi epran desizyon soubijè. Pou yo patisipe lan Pou w patisipe, kontakte direktè(tris) lekòl la oubye rele Divizyon Dekalite pou amelyore Lekòl nan 305-995-2744.

Daprè plan Florid la sistèm eta a met sou pye pou pote amelyorasyon nan zafè lekòl ak edikasyon, "Educational Excellence School Advisory Councils (EESACs)" ki vle di Asanble Konsèy Edikasyonèl Lekòl Ekselan te tabli lan tout lekòl. Chak EESACs, ki konpoze de paran, elèv, administratè, reprezantan biznis/kominotè, te patisipe aktivman nan devlopman e siveye p lan anyèl pou Amelyorasyon Lekòl la (School Improvement Plan). Yo ankouraje tout sitwayen pou yo kontakte lekòl yo pou y aprann plis de EESACs.

Pwogram "Dade Partners," yo selebre nasyonalman, gen plis pase 3.000 biznis, òganizasyon sivik ak manm kominotè ki "adopte" lekòl ki lan katye yo. "Dade Partners" travay ansanm pou amelyore pwogrè elèv yo e anrichi pwogram edikasyonèl yo. Kèk nan òganizasyon "Dade Partners" yo sèvi lan tout Dade la kòm patnè tout distri eskolè a. Pou enfòmasyon sou "Dade Partners" rele 305-995-1215.

"Intergenerational Program," ki se Pwogram Tèt ansanm ant Diferan Jenerasyon, ofri tigranmoun yo opòtinite pou yo travay endividyèlman ak yon elèv. Atravè pwogram "Senior Mentor" la endividi ki depase laj 50 tan mache an pè ak yon timoun. Yon "Senior Mentor" travay ak yon elèv pou sis a dis semèn sou pwojè ki baze nan enterè yo pataje.

Pou plis enfòmasyon sou patisipasyon sitwayen nan lekòl leta yo, rele lekòl ki lan zòn ou an oubyen "Bureau of Community Services" lan 305-995-1215.

01-J0220/CF

Anlè

KONTAKTE: Carline M. Faustin
305-995-2192

26 jiyè 2001


Patisipasyon paran se yon eleman enpòtan lan pwogrè oswa siksè timoun yo lan lekòl. Lekòl Leta Miami-Dade County sijere plizyè fason paran yo ka jwe yon wòl aktif lan edikasyon pitit yo.

• Ede pitit ou devlope bon abitid etidye. Bay timoun nan yon bon kote ki byen klere ak yon biwo oubyen tab pou l fè devwa l chak aprèmidi osnon chak swa.
  
  
• Asire w pitit ou prepare emosyonèlman pou l etidye. Fò w disponib pou w ankouraje, asiste epi gide timoun nan lè sa nesesè, men fò w kite timoun nan tou eseye poukont li devwa ki difisil.
  
  
• Chèche konnen pwofesè pitit ou depi lan kòmansman ane eskolè a epi pale regilyèman ak pwofesè a sou travay ak pwogrè pitit ou. Pale ak pwofesè a sou pwoblèm pitit ou a epi travay an kolaborasyon avè l pou korije pwoblèm yo. Li enpòtan pou w revize kanè timoun nan resevwa pandan ane eskolè a.

Lè timoun yo nan laj adolesans yo, paran yo dwe genyen kominikasyon onèt avè yo. Timoun yo dwe yon patnè total lè y ap pale ak paran oswa pwofesè yo, lan yon desizyon akademik ki gen pou pran konsènan avni yo.

Sistèm lekòl Miami-Dade la gen yon Pwogram Edikasyon Paran (Parent Education Program) pou ede paran yo aprann sèvi ak anviwonman lakay yo pou ranfòse sa timoun yo aprann lan klas.

Pwogram nan fè anpil atelye ak reyinyon edikatif lan nenpòt lekòl primè ki lan Miami-Dade sou demand direktè lekòl la, soudirektè a oswa lòt administratè lekòl la. Nimewo Pwogram Edikasyon Paran an se 305-995-7645.

Atelye edikatif yo enkli yon sesyon sou teknik pou yon timoun etidye e fè devwa li epi li anseye paran yo tou ki jan pou yo ankouraje bon abitid etidye kay pitit yo. Atelye/reyinyon yo fèt ann anglè, an panyòl e an kreyòl pou montre paran yo ki jan pou yo kominike regilyèman ak pwofesè pitit yo. Yon lòt atelye anseye paran yo ki jan pou yo fè fas ak pwoblèm konpòtman tijèn yo.

Pwofesè yo tou ka planifye e fikse reyinyon oswa atelye edikatif pou paran elèv prekindègadenn ak pou paran elèv ki gen diferan andikap.

Materyèl enstriksyon ak kalandriye aktivite yo disponib lan reyinyon oswa atelye yo.

Lòt konsèy itil pou paran yo:

• Kòmanse ak sante pitit ou. Anvan ane eskolè a kòmanse mennen pitit ou kay doktè oswa lan klinik pou l fè yon konsiltasyon jeneral epi pran vaksen. Toulède bagay sa yo nesesè pou w enskri timoun nan nan yon lekòl.
  
  
• Asire w pitit ou byen repoze. Etabli bon prensip pwòpte, bon abitid pou l pran swen kò l.
  
  
• Montre timoun nan bon santiman ak bon atitid ou genyen anvè lekòl. Mennen pitit ou lekòl alè, abiye l daprè règleman sou abiman lekòl la genyen epi prokire l materyèl ki nesesè pou travay lekòl la. Di pitit ou orevwa yon fason pozitif chak maten lè l ap kite ou; glise yon bèl ti nòt ankourajman lan bwat li pote repa li.
  
  
• Si pitit ou pè lekòl, ede l konbat laperèz la lan pale avè l, lan ba l konfyans. Aprann timoun nan adrès ak nimewo telefòn ni. Aprann timoun nan pou l evite etranje, espesyalman si yon etranje ta vin apwoche l.
  
  
• Fè timoun nan pran plezi lakay li lan fè lekti. Li pou pitit ou e fè l li liv, revi, lèt, epi meni pou wou tou. Konsakre plis tan pou lekti pase televizyon, pase pwogram radyo ak sinema. Mennen pitit ou lan bibliyotèk souvan epi pran yon kat bibliyotèk pou li.
  
  
• Lakay ou chak jou fè pitit ou pale w de lekòl li. Eseye tabli relasyon ant sa timoun nan aprann lekòl la ak aktivite tankou kwit manje, achte manje.
  
  
• Enterese pitit ou lan aktivite kiltirèl nan fè l vizite atraksyon istorik epi galri ki ekspoze zèv atistik epi fè l al lan teyat, konferans, fim pou timoun yo pase lan bibliyotèk piblik. Fè l ale nan jaden zowolojik, "Seaquarium" epi lan plaj tou tounen yon eksperyans kote l ap aprann.
  
  
• Pwogram Edikasyon Paran an konn bay timoun ak paran ki vin nan atelye/reyinyon enfòmatif yo tikè gratis pou al lan aktivite kiltirèl sa yo oswa vizite sant atraksyon kiltirèl e istorik sa yo ki lan Miami-Dade.
  
  
• Patisipe lan aktivite ak lan reyinyon lekòl la ap fè. Yon bon fason ou ka fè sa se rantre lan Asosyasyon Paran ak Pwofesè ke ou konnen sou non (PTA) oswa "Educational Excellence School Advisory Council ki (EESAC)" Asanble Konsèy Edikasyonèl Lekòl Ekselan se yon bon fason pou fè sa. Ale lan gwo sware enfòmasyon ak kontak (Open House) lekòl yo fè pou paran yo chak ane lan kòmansman ane eskolè a.
  
  
• Sonje pitit ou se yon endividi ki gen talan ak enterè inik.

Dis lekòl leta ap teste yon nouvo konsèp ki ap bay paran yo yon plas sou kanpous la kote yo kab rele chè-mèt chè-mètrès e ki ap vin fè yo patisipe plis nan edikasyon pitit yo. Se yon bous ki soti nan Washington Mutual ki fonde li, sant resous paran yo genyen ladan liv pou fè literati, tep videyo, ak opòtinite tankou devlopman karyè, preparasyon pou dipòm lekòl segondèak , klas teknoloji òdinatè , planifye zafè finans e kòman pou rezoud konfli. San pou paran konfòtab e yo fèt yon fason pou paran fonksyoneak sipò anplwaye lekòl la pandan yo ap resevwa asistans teknik nan fon Edikasyon an. Enpe nan sant yo genyen ladan yon chanm pou egzamen medikal gratis, egzamen pou dan e konsèy pou sante mantal pou paran. Genyen senk Sant "Washington Mutual" Resous pou Paran ki ouvè pou prentan ak otòn ane 2000 nan. Yo se lekòl Miami Central High School, Madison ak Westview middle schools ak Broadmoor ak Benjamin Franklin elementary schools. Lekòl prensipal yo se William Turner Technical High School ak Van E. Blanton, Lakeview, Miami Park, ak Westview elementary yo chak ap patwone yon gran ouvèti pou otòn nan.

Pou plis enfòmasyon, kontakte madan Dannie Mcmillon 305-884-2172.

01-J0222/CF

Anlè

KONTAKTE: Carline M. Faustin
305-995-2192

26 jiyè 2001


Lekòl Leta Miami-Dade County ap bay transpòtasyon pou plis pase 70,000 elèv pa jou pou ane eskolè sa a. L ap itilize 1,700 otobis sou anviwon 1,500 wout bis lekòl yo pase. Yo bay sèvis transpòtasyon an pou elèv ki abite lan yon distans de demil (2 miles) osnon plis de lekòl yo e pou elèv edikasyon eksepsyonèl yo.

Anvan lekòl ouvri 27 out, paran tout elèv ki kalifye pou transpòtasyon ap resevwa yon kat sant odinatè sistèm lekòl la. Kat la ap di ki kote pou elèv la tann otobis la, ki lè otobis la ap pase pran l e ki lè l ap depoze l.

Paran ki bezwen konnen si pitit yo kalifye pou jwenn transpòtasyon dwe kontakte lekòl pitit yo a pou enfòmasyon.

Elèv ak paran ki gen keksyon sou zafè transpòtasyon an kab telefone sèvis transpòtasyon sistèm lekòl la nan nimewo 305-995-7555, depi 20 out jiska 7 septanm, ant 7:00 dimaten e 5:00 nan aprèmidi.

01-J0224/CF

Anlè

KONTAKTE: Carline M. Faustin
305-995-2192

26 jiyè 2001


Lè paran yo gen keksyon ak plent sou lekòl pitit yo ki pa rezoud nan lekòl yo, paran yo kab pote pwoblèm sa yo devan direktè rejyon lekòl pitit yo a. Si paran yo pa satisfè ak rezilta a, yo kab pote desizyon an ankò devan sipèentandan rejyon an.

Akozde dimansyon li, distri eskolè Miami-Dade County a sibdivize an sis (6) rejyon: Rejyon I a VI. Chak rejyon gen yon sipèentandan alatèt li ak yon estaf ki reskonsab pou founi sipò ak asistans pou paran, elèv ak pèsonèl lekòl yo.

Keksyon konsènan limitasyon zòn lekòl, regleman sou prezans ak transfè ap jwenn repons yo nan biwo rejyon yo. Men adrès ak telefòn biwo rejyon yo:

Rejyon I 733 East 57 Street Hialeah, FL 33013 305-687-6565 Sipèentandan Rejyon an: Henry Ferrer Direktè yo: Jack Gilbert, Olga Miyar, Jorge Sotolongo, Carnell White	Rejyon II 1515-3 N. W. 167 St., #300 Miami, FL 33169 305-624-8802 Sipèentandan Rejyon an:  F. Craig Sturgeon Direktè yo: Margarita Alemany-Moreno, Susan Renick-Blount, Verdell King, Enid Weisman
Rejyon III 1080 LaBaron Drive Miami Springs, FL 33166 305-883-0403 Sipèentandan Rejyon an:  Robert L. Thomas Direktè yo: John Lengomin, Essie Pace, Willa Young, Myra Silverstein	Rejyon IV 2201 S.W. Fourth Street Miami, FL 33135 305-642-7555 Sipèentandan Rejyon an:  Dr. James W. Moye Direktè yo: Dr. Lawrence Feldman, Julia Menendez, Dr. Ruby Poitier, George Suarez
Rejyon V 9040 S.W. 79 Avenue Miami, FL 33156 305-595-7022 Sipèentandan Rejyon an:  Neyda G. Navarro Direktè yo: Gwendolyn Hines, Clarence Jones Jr., Maria Theresa Rojas, Dr. Michael Wagner	Rejyon VI 30910 S.W. 157 Avenue Homestead, FL 33033 305-246-5934 Sipèentandan Rejyon an: Dr. George M. Koonce Jr. Direktè yo: Carolyn Bonner, Kamela Patton, Kenneth Rogers, Clemencia Waddell

Chak biwo rejyon sipèvize "senior high school" ak pwòp lekòl "feeder pattern" yo. Men lis "high school" yo ak nan rejyon yo ye:

01-J022/CF

Anlè

KONTAKTE: Carline M. Faustin
305-995-2192

26 jiyè 2001


Ane sa a 202 lekòl primè leta nan Miami-Dade Count y ap ofri pwogram etid siveye apre lekòl nan jou lekòl yo. Ap gen pwogram etid siveye anvan lekòl nan 120 lekòl primè.

Pwogram apre lekòl yo fèt osito lekòl lage jiska 6 zè diswa. Pwogram anvan lekòl yo kòmanse apeprè inèdtan anvan klas.

Nan pwogram apre lekòl yo, yo bay timoun yo yon ti bagay pou yo pase nan bouch yo, tan pou yo fè devwa yo epi tan pou rekreyasyon ak aktivite. Pwogram anvan lekòl yo ofri timoun yo aktivite trankil ki sou siveyans.

Pri pwogram etid siveye apre lekòl se $30 pa semèn e pwogram etid siveye anvan lekòl koute $15 pa semèn.

Se youn nan kat ajans nou pral site la yo ki ofri piblik la chak pwogram sa yo: lekòl kominotè "Miami-Dade County Public Schools" yo, "YMCA," "YWCA" oubyen "Family Christian Association of America" (FCAA).

Paran ki enterese dwe kontakte direksyon lekòl pitit yo pou yo konnen ki pwogram yo ofri. Ou ka gen plis enfòmasyon lè w rele "Office of School Age ChildCare Programs" ki fè pati sistèm lekòl leta a nan 305-995-1899, oubyen ale sou entenèt www.dade.k12.fl.us/childcare/ pou dènye enfòmasyon.

Pou plis enfòmasyon toujou ou kab rele "YMCA" lan 305-357-4000, eks.126, ekstansyon 26, "YWCA" lan -305-377-9922 ak "Family Christian Association of America" lan 305-493-9113.

01-J0234/CF

Anlè

KONTAKTE: Carline M. Faustin
305-995-2192

26 jiyè 2001


Pou ane eskolè 2000-01 la Lekòl Leta Miami-Dade County egzije pou yon timoun gradye lan lekòl segondè (high school), li dwe pran vennkat (24) kredi anyèl depi 9yèm jiska 12yèm ane (Grade 9-12).

Egzijans pou elèv ki nan 9yèm ane eskolè nan ane 1999-2000 oubyen apresa genyen ladan katran anglè/redaksyon (Language arts), twazan matematik, twazan syans, twazan syans sosyal, yon semès bònmanyè (life-management skills), yon ane pou edikasyon fizik (espò), yon semès atizay pratik, yon semès "performing fine arts" epi 8.5 kredi elèv la ka chwazi pran limenm. Pou elèv ki nan 9yèm ane eskolè anvan ane 1999-2000 yo egzijans la genyen ladan katran anglè/redaksyon (Language arts), twazan matematik, twazan syans, twazan syans sosyal, yon semès bònmanyè (life-management skills), yon ane espò, yon semès atizay pratik, yon semès "performing fine arts" epi nèf kredi elèv la ka chwazi pran limenm.

Chak elèv dwe fè yon pwojè kominotè anvan l gradye.

Pou yon elèv "high school" elijib pou resevwa diplòm regilye a, li dwe demontre li gen konesans debaz sou odinatè e pase egzamen "High School Competency Test" la (HSCT) oubyen resevwa nòt ki kalifye sou (FCAT ) SSS pou 10yèm ane eskolè li an 1998-99 oubyen nan ane 1999-2000, pou elèv nan 12yèm ane eskolè, e resevwa yon pase nan egzamen (HSCT) a. Elèv yo tou dwe kenbe yon mwayèn total ki pa pi ba pase 2.0 sou yon nechèl 4.0.

Pou plis enfòmasyon sou kondisyon oswa egzijans pou yon elèv gradye e kou espesifye ki obligatwa, elèv yo dwe kontakte konseye lekòl yo.

01-J0231/CF

Anlè

KONTAKTE: Carline M. Faustin
305-995-2192

26 jiyè 2001


Lekòl Leta Miami-Dade County (M-DCPS) Sèvi manje ki gen bonjan nitrisyon chak jou.Elèv kab achte repa midi pou $1.25 nan lekòl elemantè e a $1.50 nan lekòl segondè. Yo kab achte dejene pou .60 santim nan lekòl elemantè e .70 santim nan lekòl segondè.

Timoun k ap viv nan kay ki satisfè obligasyon finans federal elijib pou yo swa manje gratis oubyen nan yon pri redui. Tout manje yo dwe satisfè lòd ki etabli daprè Depatman Agrikilt Ozeta Zini.

Chak lekòl ansanm ak "Department of Food and Nutrition" sistèm lekòl la gen kopi plan pwogram manje yo piblik la kab wè. Lekòl Leta Miami-Dade County ap kontinye règleman gouvènman federal la ki pèmèt yo apwouve elèv sètifika dirèk. Dispozisyon an di ke elèv fanmi yo resevwa koupon manje (food stamps) Elèv, yo apwouve pa sètifikasyon dirèk, pa oblije gen yon aplikasyon lan dosye yo.

Lekòl yo voye fòm aplikasyon kay tout moun ak yon lèt bay paran yo oubyen gadyen timoun yo nan kòmansman ane a. Pou aplike pou manje gratis oubyen bon mache, paran elèv ki pat jwenn apwobasyon pou sètifikasyon dirèk dwe ranpli aplikasyon yo e retounen yo bay lekòl la. Gen kopi adisyonèl nan direksyon tout lekòl yo.

Timoun k ap viv nan yon fanmi ki gen yon salè ki piti pase kritè salè kapab kalifye pou manje gratis oubyen manje pou pri redui. Manje midi koute .40 santim pa jou, kidonk, $2 pa semèn; manje maten koute .30 santim pa jou osnon $1.50 pa semèn.

Pou plis enfòmasyon, rele "Department of Food and Nutrition" sistèm lekòl la lan nimewo 305-995-3230.

01-J0235/CF

Anlè

KONTAKTE: Carline M. Faustin
305-995-2192

26 jiyè 2001


Lekòl Leta Miami-Dade County, ak 78 pwogram ki nan 66 andwa, gen youn nan pwogram "magnet" (leman) ki pi gwo e pi enteresan nan peyi a.

Pwogram "magnet" Miami-Dade yo jwenn anpil lwanj nan men edikatè atravè tout peyi a epitou U.S. News & World Report te ekri sou sa nan yon atik e pi resan nan magazinn "Child" ki soti an avril 2001 an.

Yo rele pwogram nan "magnet" (leman) paske li atire elèv ki sot toupatou nan tout kote pou yo vin fè etid nan domèn espesyal, ki genyen ladan tèm Karyè e Pwofesyon, Kominikasyon e "Humanities", Pwogram Don, Edikasyon Entènasyonal, Matematik, Syans e Teknoloji, Montessori, e Ar Teyatral ak Ar Vizyèl.

Men yon lis, nou tache ak fèy sa a, ki gen tout lekòl ki ofri pwogram "magnet" yo ak adrès ak telefòn yo. Pou w genyen plis enfòmasyon ou kab rele biwo pou chwa lekòl nan 305-995-1922 oubyen ou kab vizite sit magnèt sou Entenèt nan http://choice.dade.k12.fl.us.

01J0236CF

Anlè

KONTAKTE: Carline M. Faustin
305-995-2192

26 jiyè 2001


Laplipa lekòl leta Miami-Dade County ap ofri pwogram matènèl "prekindergarten" pou timoun katran ki abite nan zòn lekòl yo, zòn patikilye sistèm lekòl la fikse.

Timoun ki nan pwogram "prekindergarten" yo ap jwenn opòtinite pou yo fè eksperyans pozitif k ap ranfòse pwosesis aprann nan e k ap poze baz pou yon edikasyon dirab.

Pandan kèk pwogram "prekindergarten" deja ranpli oubyen elèv sou lis datant, yon paran, ki enterese gen plis enfòmasyon sou pwogram "prekindergarten" pou pitit li, kab telefone lekòl leta ki nan zòn ni oubyen "Office of Early Childhood Programs" (Biwo Pwogram pou Timoun Piti) nan 305-995-7632.

Pou yon timoun kalifye pou l antre nan yon lekòl leta li dwe gen katran nan dat 1ye septanm 2000, osnon anvan dat la, e li dwe satisfè kritè kalifikasyon pou yon pwogram done. Kondisyon kalifikasyon yo disponib nan tout lekòl ki gen yon pwogram "prekindergarten."

Lekòl Leta nan Miami-Dade yo ofri tou pwogram pou timoun ki gen divès andikap. Paran timoun twa ak katran ki gen yon andikap kab ranje yo pou yo fè evalye pitit yo gratis nan rele 305-274-3501 ki se nimewo "Child Find." Aprè konfimasyon andikap ka yon timoun, ajans sistèm lekòl la rekòmande pou yo plase timoun nan nan yon pwogram "prekindergarten" ki apwopriye.

01-J0237/RL

Anlè

KONTAKTE: Carline M. Faustin
305-995-2192

26 jiyè 2001


Chak ane yo mezire siksè e pwogrè, elèv nan Lekòl Leta Miami-Dade County avèk èd plizyè egzamen ofisyèl distri, eta, e nasyonal.

An me 2002 elèv nan 1mye jiska 11yèm ane eskolè ap pran "Scholastic Reading Inventory (SRI), yon egzamen ofisyèl ki bay chwa kòm repons. Egzamen SRI la mezire siksè elèv yo nan nivo lekti e li ofri nòt "Lexile" ki ede pwofesè a chwazi materyo lekti k apwopriye pou elèv yo.

Egzamen "Stanford Achievement Test, Nevyè Edisyon (SAT-9)," se yon egzamen ki etabli siksè estanda nasyonal ki sèvi pou konpare pèfòmans elèv lokal nan priyorite etid espesifye ak pèfòmans elèv nan nasyon an. An mas 2002 yo ap administre SAT -9 la bay elèv dezyèm ane eskolè pou evalye nivo lekti yo e ladrès yo nan matematik. Anplisdesa an avril 2002, yo administre egzamen SAT-9 Syans bay elèv nan 5yèm, 7yèm ak 9yèm ane eskolè.

An oktòb/novanm 2001, yo ap evalye elèv uityèm ane eskolè yo lan yon pwogram evalyasyon ki rele "EXPLORE." "EXPLORE" evalye pwogrè akademik elèv yo lan anglè, matematik, lekti ak syans/rezonnman syantifik epi li ede elèv yo konprann diferan opòtinite yo genyen pou yo chwazi diferan pwofesyon.

Evalyasyon pèfòmans elèv yo fèt daprè dispozisyon "Florida Statewide Assessment Program" (Pwogram Evalyasyon lan Eta Florid) ki gen ladann evalyasyon sa yo.

Y ap evalye tout elèv jadendanfan yo pandan premye twa semèn ane eskolè 2001-02. Pwofesè yo pral sèvi ak enstriman obsèvasyon an k ap baze sou "Florida's Expectations for School Readiness" k ap detèmine si elèv yo prepare pou lekòl.

Egzamen FCAT Redaksyon an evalye abilite elèv pou òganize e klèman eksprime ide yo atravè ekri. Yo ap bay konponan egzamen eta FCAT la an prentan 2002.

Egzamen FCAT "Sunshine State Standards (SSS)" ki mezire siksè estanda ki rele "SS S" nan lekti ak matematik. Yo ap bay egzamen FCAT SSS la an prentan 2002 pou mezire ladrès nan nivo 3yèm jiska 10yèm ane eskolè. Elèv yo dwe resevwa nòt pase nan dizyèm ane nan egzamen FCAT SSS la pou satisfè estanda pou demande diplòm gradyasyon lekòl segondè. Elèv ki pa pa resevwa nòt pase pou toude posyon Lekti e Matematik nan dizyèm ane eskolè FCAT SSS ap genyen yon lòt opòtinite pou pase egzamen nan 11zyèm ane eskolè e piwo, kòmanse an otòn 2001 an.

Norm -Reference Test (NRT) FCAT la fè konparezon siksè elèv ak pèfòmans nasyonal nan lekti ak matematik. Yo administre FCAT NRT a pou lekti ak matematik bay elèv nan 10yèm ane eskolè nan prentan diran ane 2002 a.

Yo ap administre egzamen "High School Competency Test (HSCT) la nan mwa jiyè, oktòb, janvye, e mas nan ane eskolè 2001- 02 la bay elèv nan12yèm e 13yèm ane eskolè ki pat pran oubyen pat pase HSCT a oubyen ki pat resevwa nòt nan nivo 3 oubyen pi wo nan 10yèm ane eskolè sou FCAT SSS la pou lekti ak matematik. Yo ranplase egzamen ki rele HSCT a ak FCAT SSS la pou elèv 10yèm ane eskolè kòm yon kritè pou resevwa yon diplòm regilye nan lekòl segondè (senior high) pou tout elèv ki te antre nan 9yèm ane eskolè an otòn 1999 la e apre lè sa a.

"Florida College Entry Level Placement Test ki pi koni nan non College Placement Test (CPT), kolèj Egzamen CPT a mezire konpetans debaz nan matematik e kominikasyon e li ofri enfòmasyon pou ede elèv yo jwenn konsèy e nan planifye karyè yo. Elèv nan lekòl segondè ki enterese ap gen opòtinite pou pran egzamen CPT a nan kolèj kominotè yo an oktòb oubyen novanm 2001. Nòt ki akseptab fè pati kritè elijibilite pou prepare pou dipòm kolèje e so andòsman "Florida Gold Seal" la.

Elèv yo gen dwa chwazi pou yo patisipe lan pwogram evalyasyon nasyonal "College Board" ak "ACT" la:

Yo ap administre PSAT "College Board ofria bay elèv 10yèm ak 11 yèm ane eskolè an oktòb 2001 an. Nan eseye pou ranfòse preparasyon pou kolèj e sipòte plis kou elèktif nan niwo wo pami elèv nan lekòl sekondè (high school) nan Florid, eta Florid la fòme yon panè ak "College Board". Patnè nan Florid la ankouraje tout elèv pou patisipe nan PSAT nan peye frè egzamen elèv 10yèm yo.

PSAT ofri pratik anvan y al pran egzamen "Scholastic Assessment Test" la (SAT). Li tou se egzamen ki detèmine si w kalifye pou pwogram "National Merit Scholarship" la ki bay bous detid.

Yo ap administre PLAN ACT Inc. ofi a bay elèv 10yèm ane eskolè ki enterese an vanm 2001. Distri a peyè frzè egzamen an pou elèv yo. PLAN ede elèv nan edikasyon apre lekòl segondè ak planifye karè e prepare elèv yo pou evalyasyon ACT a.

SAT "College Board" e ACT a yo ofri atravè ACT Inc. la se yon egzamen k òm yon opsyon pou antre nan kolèj kote elèv yo ka pran tès sa yo pandan tout ane a daprè dat ki fikse yo. Elèv ki resevwa nòt ki kalifye fè pati kritè elijib pou diplòm ki endike prepare pou kolèj e andosman so "Florida Gold Seal“ la.

Yo fè elèv yo ak fanmi yo konnen rezilta tès yo lan yon tan rezonab. Se lekòl elèv yo ki voye Paran, ki bezwen èd pou yo entèprete nòt pitit yo fè, ka kontakte pwofesè pitit yo oswa konseye lekòl yo. Elèv k ap pran "SAT" oswa "ACT" la ka mande pou yo voye nòt yo bay inivèsite yo chwazi yo.

01-J0238/CF

Anlè

KONTAKTE: Carline M. Faustin
305-995-2192

26 jiyè 2001


Kòd Konduit pou Elèv Lekòl Leta Miami-Dade County a vin pi fèm ak mezi sou zam mòtèl yo ta jwenn nan lekòl. Sa ede genyen e kenbe yon atmosfè sekirite lan lekòl yo kote travay edikasyon an ka fèt pozitivman e san kè sote.

Yon konsiderasyon enpòtan lan aplikasyon Kòd Konduit pou Elèv la se jwenn pi bon mezi disiplin ki kab pote elèv la amelyore osnon chanje konpòtman li. Se poutèt sa yo divize vyolasyon règleman Kòd Konduit la an sis (6) gwoup ak yon latriye mezi administratif yo ka rekòmande oswa egzije. Mezi sa yo depann de gravite zak endisiplin nan.

Pwofesè, konseye epi administratè yo eseye anpil teknik disiplin pwogresif oubyen teknik pou konseye e oryante anvan, pandan epi aprè yo pran mezi disiplinè fòmèl. Direktè a oswa pwofesè oswa toulède, sou baz pouvwa yo konfye yo, gen otorite pou yo pran lòt mezi disiplinè/sanksyon anplis, si nan opinyon yo, oswa nati move konpòtman osnon move zak endisiplin nan mande sa.

Diferans lan laj ak matirite se kritè ki pèmèt detèmine ki mezi disiplinè oswa sanksyon ki pou pran. Sepandan, pwosedi yo ki lan Kòd la aplikab pou tout elèv ki anba jiridiksyon Lekòl Leta Miami-Dade County. Kòd la anvigè pandan lè regilyè lekòl, pandan bis yo ap mennen elèv yo lekòl lan yon evènman lekòl la ap fè, men ki pa limite lan pwomnad ak lan aktivite espò lekòl la sèlman kote se administratè lekòl ki konsène yo ki gen jiridiksyon sou elèv yo.Direktè yo gen otorite pou yo pran sanksyon kont yon elèv ki gen move konpòtman andeyò lekòl la depi zak elèv la gen yon move efè sou lòt elèv oswa sou fonksyonman nòmal lekòl la. Kalite vyolasyon yo enkli depi move konduit anjeneral k ap twouble lòd rive sou agresyon ak yon zam mòtèl.

Lekòl Leta Miami-Dade County te revize Kòd la pou l te egzije pou yo te met deyò lekòl la imedyatman yon elèv ki vin ak revolvè, ki menase moun ak bonm oubyen ki fè yon move rapò oubyen ki blese yon elèv oswa yon anplwaye lekòl la. Li mande tou pou elèv endisipline sa a ta resevwa pinisyon ki pi sevè lalwa pèmèt. Kòd la prevwa ke posesyon yon zam afe sou pwopriyete lekòl yo ka antrene pinisyon/sanksyon pou krim anplisde sispansyon, ekspilsyon oswa lòt mezi disiplinè lekòl ka pran.

Gen plizyè kalite mezi disiplinè yo ka pran kont yon konpòtman endisipline. Mezi sa yo enkli retni, transfè lan yon lekòl oswa yon pwogram espesyal, sispansyon, ekspilsyon.

Pwogram "work back" la bay elèv yo rekòmande pou ekspilsyon, yon chans pou yo travay pou yo retounen lan klas regilyè pi bonè anvan ekspirasyon tan maksimòm ekspilsyon an eta a fikse. Elèv yo dwe antre lan yon pwogram altènatif, akimile kredi, genyen bon dosye prezans epi kondui yo byen lan lekòl la. Pwogram "work back" la pa pou elèv ki gen akizasyon gwo krim sou tèt yo tankou agresyon ki fèt ak zam afe, zam mòtèl, ak posesyon zam lan lekòl.

Kòd la pale sou dwa ak responsablite elèv ki gen pou wè ak dwa pou elèv aprann; prezans; dosye elèv; nòt; libète pou pale, pou eksprime w, pou reyini epi pou fè jounal/piblikasyon. Li pale tou sou dwa paran yo ki dwe asire yo pitit yo jwenn bon opòtinite pou edikasyon yo.

Elèv osnon paran ki gen pwoblèm pou yo entèprete Kòd la dwe mande direktè lekòl la esplikasyon. Anplis, si w pa jwenn satisfaksyon lan lekòl la, ou kab pale ak biwo rejyon e pakonsekan "Office of Alternative Education Dropout Prevention distri a.

01-J0239/RL

Anlè

KONTAKTE: Carline M. Faustin
305-995-2192

26 jiyè 2001


"Lafanmi" Lekòl Leta Miami-Dade County ap di plis pase 1.500 nouvo pwofesè nan Miami kòmannyo kontan wè yo e l ap prepare yo pou yo fè yon tranzisyon dous, soti lan etid inivèsitè tonbe lan ansèyman, pandan Oryantasyon pou Nouvo Pwofesè nan ane 2001-2002. Akoz shif pou nouvo pwofesè a si tèlman elve, oryantasyon an ap fèt nan twa diferan lokasyon selon rejyon yo. Powgram oryantasyon an ap fèt nan fason k ap swiv yo:

16 out - Oryantasyon pou Nouvo Pwofesè ak Seremoni Repa midi Radisson Mart Centre 711 N.W. 72nd Ave., Miami 7:30 dimaten rive 4:30 nan apremidi	17, 20, 21 out - Rejyon I e II Barbara Goleman Senior High School 14100 NW 89th Ave., Miami Lakes 7:30 dimaten rive 4:30 nan apremidi
17, 20, 21 out - Rejyon III e IV Coral Gables Senior High School 450 Bird Rd., Coral Gables 7:30 dimaten rive 4:30 nan apremidi	17, 20, 21 out - Rejyon V e VI G. Holmes Braddock Senior High School 3601 S.W. 147th Ave., Miami 7:30 dimaten rive 4:30 nan apremidi

Se plizyè biznis lokal k ap patwone repa midi a. Kòm yon pati oryantasyon an, nouvo edikatè yo pral patisipe nan sesyon preparasyon entansif e y ap ofri yo tan pou yo familyarize yo ak anbyans lekòl la e salklas yo nan dat 22 out.

Pou plis enfòmasyon, rele Stephen L. Wolfe, Pwofesè Direktè Bureau of Community Services, nan 305-995-1215.

01J0240RL

Anlè

KONTAKTE: Carline M. Faustin
305-995-2192

26 jiyè 2001


Pandan ane eskolè 2000-2001 la ki peryòd aplikasyon, pou lekòl "Charter" Komisyon Konsèy Lekòl Leta Miami-Dade County Florida, apwouve akò kontra lekòl "charter." Akò kontra pou Pinecrest Preparatory Academy te apwouve diran lane eskolè1999-2000, men yo te modifye pou ranvwaye li pou ouvè jis nan ane eskolè 2001-2002. Twa nouvo lekòl charter sa yo pwograme pou yo ouvè 27 out 2001:

• ASPIRA Eugenio De Hosto Youth Leadership lekòl charter, 3650 N. Miami Ave., Miami, kòmanse 2001-2002 ak klas nivo 6-8 ane lekòl, e ak yon enskripsyon ki pa depase 150 elèv.
  
  
• Doral Academy High School, 11100 NW 27th Street, Miami, kòmanse nan ane 2001-2002 ak nivo 9-10 ane lekòl, e ak enskripsyon ki pa depase 400 elèv; e
  
  
• Pinecrest Preparatory Academy, S.W. 124nd Ave. and 40th Street, Miami, kòmanse nan ane 2001-2002 ak nivo jadendanfan-3yèm ane lekòl, e ak enskripsyon ki pa depase 250 elèv.

Komisyon Konsèy la apwouve aplikasyon pou etabli 22 lekòl chater adisyonèl, 16 nan yo gen pou ouvè pou ane eskolè 2002-2003, e lòt 6 ki rete yo gen pou ouvè ane ki ap suiv yo. 13 lekòl charter an fonksyon yo souliyen yo nan kat ki atache a:

Lekòl "charter" yo fè pati pwogram edikasyon eta a e yo sou patwonay Komisyon Konsèy distri lokal la. Pou plis enfòmasyon, rele sistèm lekòl Division of Schools of Choice nan 305-995-1922.

01-J0241/CF

Anlè

KONTAKTE: Carline M. Faustin
305-995-2192

26 jiyè 2001


Janvye 1998, Komisyon Konsèy Lekòl Miami-Dade County pase youn nan pwogram lekti ak konpreyansyon nan peyi a pou elèv jadendanfan rive sou 12yèm ane eskolè. Se anplwaye ak asistans nan "Ad Hoc Reading Committee" Komite Pou Amelyore Lekti ki te devlope l e y ap kontinye l pou otòn nan.

Kritè pou estrateji pwogram nan genyen ladann konponan sa yo:

• enstriksyon lekti oubyen redaksyon dezèd tan suivan pa jou pou elèv nan klas jadendanfan rive senkyèm ane eskolè.
  
  
• teste ladrès konpreyansyon lekti anyèlman ki suiv yon tès egzaminasyon kote sa endike;
  
  
• estrateji entèvansyon e remedye nan tout nivo ane eskolè pou akselere siksè nan lekti;
  
  
• ranfòse pa jou direksyon presiz pou pwofesè sou enstriksyon "phonetic" nan nivo jadendanfan rive nan twazyèm ane eskolè e;
  
  
• mande pou tout nivo ane eskolè li endepandan, nan toude andan e deyò lekòl.

Eleman kle pwogram nan se devlopman pwofesyonèl entansif pou pwofesè yo nan tout nivo ak e yon apwoch estrikti enstriksyon lekti. Yo ofri yon sèk sistematik sipò konsantre kote yon lidè nan lekti nan chak lekòl e "feeder pattern"( lekòl nan menm katye) ak espesyalis Edikasyonèl nan e yon anplwaye nan distri a senkwonize efektif egzekisyon plan an. Anplidesa, yo ap mete plis ranfòsman sou lekti atravè tout materyèl nan kourikouloum k ap remakab e espektasyon yo defini byen klèman nan tout nivo ane eskolè.

Se yon lide ki sipòte pa yon gran varyete òganizasyon kominotè, enstitisyon edikasyon ak ajans lokal, inisyatif lekti a tou sipòte konsèp "Greater Miami Chamber of Commerce" "Yon Kominote Yon Bi" kote misyon an se pou agrandi kad devlopman ekonomi kominote a atravè preparasyon pou gen plis travayè ki alfabetize. Sistèm lekòl la pwomote inisyativ la atravè kanpay "JUST READ". Pou Plis enfòmasyon kontakte Barbar Silver 305-995-1907

01-J0242/CF

Anlè 

KONTAKTE: Carline M. Faustin
305-995-2192

26 jiyè 2001


Lekòl Leta Miami-Dade County (M-DCPS) e Biwo Avoka Eta Miami-Dade County se patnè nan pwogram entèvansyon inovatif pou woul (TIP).

TIP konsantre nan redui krim jivenil nan Miami-Dade County epitou fè elèv yo ale lekòl nan yon baz ki konsistan. TIP mete entèvansyon bonè ak pwosekitè ki ranfòse lwa edikasyon nan Florid pafòs ansanm. Entèvansyon bonè ede elimine movèz aksyon ki asosye ak fè woul trè souvan e ki pwouve krisyal nan detèmine siksè nan pwogram nan.

Yo te lanse pwogram nan an 1994 kòm yon esè nan kat lekòl elemantè. Ane pase yo te agrandi l nan tout lekòl elemantè nan lekòl leta Miami-Dade County, e nan 14 lekòl segondè (middle), 2 lekòl segondè (high school), e li genyen siksè nan redui woul e vyolasyon kòd konduit M-DCPS, konsa tou li amelyore siksè akademik, pami prèske 90 pousan timoun yo te vize nan pwogram nan.

Paran e/oubyen gadyen elèv ki nan lekòl ki patisipe nan TIP ap resevwa lèt an otòn nan pou avize responsablite yo pou asire prezans pitit yo lekòl regilyèman e obeyi lwa eta a. TIP se pigwo efò kolaboratif Biwo Avoka Miami-Dade e M-DCPS te antreprann. E se li sèl nan kalite sa a ki egziste nan Florid la.

Pou plis enfòmasyon, rele Depatman Pwogram Espesyal, Telefòn pou Enfòmasyon pou Pwogram Entèvasyon Kont Woul, nan 305-995-2755.

01-J0244/RL

Anlè

KONTAKTE: Carline M. Faustin
305-995-2192

26 jiyè 2001


Lekòl Leta Miami-Dade County genyen 68 kote pou lekòl kominotè ki ofri klas nan prèske tout sijè-- depi kòmanse nan yoga pou rive nan fèmanje pou rive nan lang etranje e fotografi -- swa yo gratis oubyen yo nan yon pri moun nan kab peye. Yo ofri pi fò kou nan apremidi oubyen nan nan aswè.

Pliske 98.000 moun pran avantaj sou opòtinite edikasyonèl sa a, e si yon gwoup vle aprann yon nouvo ladrès, Lekòl Leta Miami-Dade County ap fè aranjman pou yo genyen klas la nan lekòl ki nan katye a.

Lekòl kominotè ofri klas pou nan tout laj, nan tout nivo ladrès, e moun kab pale tout lang. Ladrès travay kab amelyore kay elèv ki enskri nan klas tape oubyen klas òdinatè. Enpe nan kou yo kab menm sèvi pou kredi kolèj. Pou plis enfòmasyon sou avantaj ki genyen nan lekòl kominotè, rele "Bureau of Community Services", nan 305-995-1242.

01-J0245/CF

Anlè

KONTAKTE: Carline M. Faustin
305-995-2192

26 Jiyè 2001


Nan yon efò pou ede elèv Lekòl Leta Miami-Dade County santi yo pi alèz nan repòte krim lekòl, yo etabli liy telefòn pou repòte krim --1-888-432-2424. Liy pou repòte krim sa a ouvè 24 sou 24 pou pèmèt elèv yo repòte aktyèl krim ki fèt oubyen krim ki antisipe sou lekòl anoniman.

Lè elèv yo rele liy gratis pou repòte krim, yon anpwlaye byen prepare pou sa ap reponn pou ede yo e l ap dokimante enfòmasyon yo repòte a pou asire lapolis lekòl oubyen ajans ki ranfòse lalwa kab reponn byen vit. Elèv yo kab rele nimewo gratis la nan nenpòt telefòn san yo pap chaje yo.

Pou plis enfòmasyon silvouplè rele Depatman Polis Lekòl Leta Miami-Dade County nan 305-757-0514.

01-J0246/RL

Anlè

KONTAKTE: Carline M. Faustin
305-995-2192

26 jiyè 2001


Pou jèn yo ak paran yo nan Lekòl Leta Miami-Dade County, èd avèk devwa tou pre menm jan ak yon telefòn, yon "mouse" konpitè, oubyen yon televizyon.

"Dial-A-Teacher" nan nimewo 305-995-1600, ofri èd avèk devwa pa telefòn nan men pwofesè ki sètifye apati de 5:30 rive 8:30 diswa nan jou ki gen lekòl, lendi rive jedi. N ap jwenn èd nan lang espayòl oubyen kreyòl.

Pou rantre an kominikasyon avèk "web site" "Dial-A-Teacher" a, ale nan www.dial-a-teacher.com. Elèv ak paran ka voye devwa ak kesyon yo mande souvan yo nan "database".

Pwogram Dial-A-Teacher pwodui tou yon pwogram televizyon entè-aktif vivan de 5è a 6è diswa, lendi rive jedi. Pwogram nan liste nan orè kab lokal televizyon.

Se "Office Public Relations and the Division of Community Schools" an kolaborasyon avèk "United Teacher of Dade" ki pwodui Pwogram "Dial-A-Teacher". Pou plis enfòmasyon, kontakte Pwofesè-Direktè John C. Moffi nan 305-995-1822.

01-J0247/RL

Anlè

KONTAKTE: Carline M. Faustin
305-995-2192

26 jiyè 2001


Lekòl Leta Miami-Dade County ofri plis pase 100 pwogram nan edikasyon adilt e pwofesyonèl. Plis pase 60,000 elèv patisipe nan klas lajounen e le swa nan 27 sant pou adilt atravè konte a.

Pwogram yo ofri yo genyen ladan agribiznis, biznis teknoloji, syans fanmi e syans konsomatè, syans sante, pwomosyon, sèvis piblik, edikasyon pwofesyonèl epi yon nouvo "Virtual Adult Registration Center" Sant Enskripsyon Vityèl pou Adilt, ki ofri edikasyon sou konpitè. Pwogram Alfabetizasyon Debaz pou Adilt ki ofri enstriksyon ki chita sou evalyasyon endividyèl sou nivo ladrès yo genyen ak abilite yo nan chak sijè. Klas anglè pou moun ki pale lòt lang (ESOL) ede elèv ak ladrès langaj enpòtan pou chak jou. Epitou, elèv kab chwazi pou yo genyen diplòm "high school" atravè pwogram pou fini lekòl segondè (high school) epi kou preparasyon GED.

Klas yo ap kòmanse 27 out. Pou enfòmasyon sou kou yo, kontakte "Ed Works" Edikasyon pou Travay nan nimewo 305-995-2500, oubyen vizite paj "Edworks" la nan, www.edworks.org.

01-J0227/RL

Anlè

KONTAKTE: Carline M. Faustin
305-995-2192

26 jiyè 2001


Yo deziye vensèt Lekòl Leta Miami-Dade kòm lekòl sèvis total. Yo entegre edikasyon, medikal e/oubyen sèvis sosyal e imen sou teren lekòl oubyen nan lokasyon ki aksesib pou satisfè plizyè bezwen timoun ak fanmi yo.

Inisyatif Komisyon Lekòl Sèvis Total Miami-Dade vize pou ofri ensantif pou lekòl, distri lekòl e pou ajans sèvis sante e imen eta a, lokal piblik e prive pou yo devlope relasyon kolaboratif k ap amelyore aksè sèvis pou timoun ak fanmi yo. Epitou, inisyatif la vize pou koòdone sèvis yo ofri, elimine diplikasyon sèvis ki pa nesesè atravè ajans yo, e sipòte pèfòmans timoun yo nan lekòl .

Pou plis enfòmasyon, kontakte biwo Doktè Fred Rodgers, Administratif Direktè pou Fonksyon Lekòl, nan 305-995-4749.

01-J0230/RL

Anlè

KONTAKTE: Carline M. Faustin
305-995-2192

26 jiyè 2001


An mas 2000, Komisyon Lekòl Miami-Dade County pase yon plan konpreyansif pou matematik ak syans pou motive elèv pou vin enterese nan sijè sa yo e pou amelyore pèfòmans akademik. Faz nouvo plan an ap dire plis pase twa zan kòmanse otòn sa a e l ap bay elèv yo konesans sou matematik ak syans ki nesesè pou siksè nan edikasyon apre lekòl segondè e kòm anplwaye nan mache travay la.

Devlopman plan an ak ogmantasyon sou demand akademik la vini nan reponn yon pwojeksyon Miami-Dade Chamber of Commerce fè ki prevwa 120,000 travay nan domèn matematik, syans ak teknoloji ap rete ouvè paske anplwaye lekòl yo pa prepare.

Bi pwogram nan e demand lan genyen ladan konponan sa yo:

• chak elèv ki gradye nan lekòl Leta Miami-Dade County (M-DCPS) dwe fini pran yon minimòm aljèb I, jeometri (oubyen matyè ki ekivalan), e yon lòt nivo kou matematik ki pi wo, e l ap kapab ititlize prensip matematik pou rezoud pwoblèm nan kontèks lavi reyèl; e
  
  
• chak elèv ki gradye nan M-DCPS dwe fini pran yon minimòm Syans Espas/Latè, Biyoloji ak chimi (oubyen Syans Fizik) e l ap kab itilize prensip syans nan kontèks lavi reyèl.

Sa ki kle pou siksè nouvo inisyatif la se yon apwòch strikti pou amelyore kapasite pwofesè pou anseye matematik ak syans pou transfòme pratik ansèyman pou vize sou yon konsèp enfòmasyon e rezoud pwoblèm.

Depi 1994, sistèm lekòl la ap travay pou amelyore siksè elèv nan syans ak matematik anba Pwogram Sistemik Iben (USP) ki resevwa fon anba Fondasyon Syans Nasyonal, ki vize ranfòsman kontni akademik e enstriktif e an menmtan reyisi nan enskri nan kou pou fi kòm gason ak diferan etnisite e jwenn rezilta nan pèfòmans. Yo konstamman ap enplemante yon kourikouloum ki baze sou estanda pou satisfè bezwen elèv yo e bi pwogram nan.

Pwogram nan ranfòse kontni akademik e amelyore enstriksyon. Anplisdesa, li ogmante siksè elèv sou egzamen estanda nan matematik, li ogmante enskripsyon nan nivo kou nan matematik e syans, li ogmante nonb elèv ki gradye e li ogmante patisipasyon paran ak patisipasyon kominote a.

Patnè kominotè yo, ki gen ladan inivèsite lekòl yo, bibliyotèk, gouvènman minisipalite pou ede konekte enstriksyon matematik ak syans nan sitiyasyon lavi reyèl e karyè. Anplisdesa, yo ap deziye pwogram yo ak University of Miami ak Florida International University pou pwodui 350 pwofesè matematik ak syans nan lekòl segondè diran 5 kan k ap vini an.

An me yo te eli Sipèentandan Lekòl Roger C. Cuevas kòm asistan chè "co-chairperson" pou Pwogram Sistemik Iben Koralisyon Sipèentandan pou solidifye wòl lidè distri yo nan amelyore edikasyon matematik ak syans.

Pou plis enfòmasyon, silvouplè rele Ms. Constance Thornton, Direktè Egzekitif, Divizyon Matematik ak Syans, nan 305-995-2341.

01-J0232/RL

Anlè

KONTAKTE: Carline M. Faustin
305-995-2192

26 jiyè 2001


Lekòl Leta Miami-Dade County ofri elèv li yo ak fanmi yo plizyè sèvis. Divizyon Sèvis Elèv mete yon ekip pwofesyonèl ansanm pou adrese bezwen pèsonèl, sosyal, edikasyonèl epi devlopman karyè pou tout elèv ki enskri nan klas pre-Matènèl jisrive nan edikasyon adilt. Konseye, sikològ, travayè sosyal, pwogram Konsèy pou Asistans Kolèj, espesyalis pou plasman pwofesyonèl, e espesyalis "TRUST"(Konseye kont abi nan itilizasyon dwòg) ap ofri konsèy akademik, evalyasyon konduit, planifikasyon karyè apre lekòl segondè, manajman nan kriz, konsèy, atelye pou paran, prevansyon ak entèvansyon kont itilizasyon dwòg.

Bonjan bi pwogram nan se pou elèv yo gradye ak ladrès nesesè pou yo kab dirije tèt yo, pran desizyon pou lavi reyèl e kontribye ak siksè nan sosyete a.

Pou plis enfòmasyon, kontakte konseye a oubyen "Student Services Department" Depatman Sèvis Elèv, nan lekòl pitit ou oubyen rele "Division of Student Services" Divizyon Sèvis Elèv nan 305-995-7338. Ou kab vizite paj "web" yo a tou nan, www.dade.k12.fl.us/stservices.

01-J0229/RL

Anlè

KONTAKTE: Carline M. Faustin
305-995-2192

26 jiyè 2001

United Way ap met sou pye kanpay 2001 "Fund-raising" pou elèv ak anplwaye Lekòl Leta Miami-Dade County otòn pwochen. Kanpay United Way pou Elèv Lekòl Leta Miami-Dade County ap kòmanse 20 septanm pou rive 2 novanm e kanpay elèv sa a se li menm ki nimewo en (1) nan tout peyi a pou plizyè ane. Kanpay pou anplwaye a ap kòmanse 19 oktòb e li se nimewo en (1) nan moun k ap kontribye nan United Way nan mitan tout sistèm lekòl leta nan peyi a kote li depase mak $2 milyon dola ane dènye.

Pou plis enfòmasyon, kontakte Diana Venturini, sipèvizè, Biwo Sèvis Kominotè, nan nimewo 305-995-1215.

01-J0233/RL

Anlè

KONTAKTE: Carline M. Faustin
305-995-2192

26 jiyè 2001


"Pake Enfòmasyon pou Ouvèti Lekòl" nan ane 2001-2002 nan Lekòl Leta Miami-Dade County, disponib sou entènèt nan distri lekòl la sou paj "website" Biwo Relasyon Piblik la, [www.dadeschoolsnews.net].

Pake a dekri pwogram yo, règleman yo, demand akademik yo ak dat enpòtan pou evenman ki gen pou fèt pou ane k ap vini an, k ap kòmanse lendi 27 out. Li ap ofri tou enfòmasyon pou paran ak lòt sitwayen nan fason pou yo patisipe nan edikasyon leta a, tankou fè volontè, etabli yon biznis/patnè ak lekòl la oubyen vini nan yon reyinyon Komisyon Lekòl la.

01J0248CF

Anlè

KONTAKTE: Carline M. Faustin
305-995-2192

26 jiyè 2001


Lekòl Leta Miami-Dade County kòm inisyatif Yon Kominote Yon Bi mete soupye 20 "akademi ki vize endistri" nan 16 lekòl segondè (senior). Modèl kourikouloum inovantif sa a, nan senk endistri prensipal yo vize matyè film,ak amizman, biomedikal, vizitè, sèvis finansyèl, ak enfòmasyon teknoloji/telekominikasyon, ki devlope daprè bi nimewo en sipèentandan an: Lekòl a Karyè.

Yon Kominote Yon Karyè* yon komite Greater Miami Chamber of Commerce (Chanm Komès) te etabli pou kreye travay nan endistri k ap pwofite sa yo, travay byen pwòch ak sistèm lekòl la sou strateji devlopman mendèv. Pou plis enfòmasyon kontakte Pat Vegnani, nan 305-603-0667.

01-J0210/CF

Anlè