Lekòl Miami-Dade lanse yon plan konpreyansif pou syans

MIAMI – Lekòl Leta Miami-Dade County ap lanse yon plan syans konpreyansif pou ane eskolè Jadendanfan a 12yèm nan ane lekòl sa a ki vize pou inifye kourikoulòm nan atravè Distri a, dapre yon plan Komisyon Konsèy Lekòl la te apwouve mèkredi.

Nouvo plan syans la aliyen ak Refòm Lekòl Segondè Distri a e Plan Alfabetizasyon an. Li sipòte menm kourikoulòm syans la ak estil ansèyman.

Resous pou preparasyon FCAT
Devlopman pwofesyonèl pou pwofesè
Kou Akademi Paran pou paran ak gadyen yo
Aksan espesyal sou ansèyman an blok nan nivo elemantè ki efikas
Pwomouvwa alfabetizasyon ak devlopman vokabilè atravè lis espesyalize nan tèm syans yo
Etid pratik nan enstitisyon lokal
Siveyans dirije pa yon gwoup Distri a vize pou asire pwogrè
Angaje elèv nan sesyon kesyon ak repons pou pwovoke ladrès pou aprann
Echantiyon kesyon sou pati syans FCAT la
Yon lis konpetisyon sou syans ki disponib pou lekòl yo pandan tout ane a

Plan an sipòte “Continuous Improvement Model (CIM)” (Modèl Enstriksyon pou Toujou ap Amelyore), ki sèvi ak rechèch pou detèmine desizyon sou kourikoulòm ak enstriksyon. Y ap enplimante li atravè yon pwogram devlopman pwofesyonèl entansif ki disponib pou pwofesè yo pandan tèm otòn, prentan, ak ete yo.