M-DCPS ap negosye yon kontra plizyè-ane avèk inyon pwofesè yo

MIAMI –– Lekòl Leta Miami-Dade County ak United Teachers of Dade (UTD) dakò pou kòmanse menm kote nan “collective bargaining” machandaj kolektif ki pwograme pou kòmanse pita nan mwa sa a: kisa ki pi bon pou 357,000 elèv Distri a.

Distri a ak UTD ap rantre nan negosyasyon ki vize yon seri enterè komen pou yon nouvo kontra pou pwofesè: pou amelyore siksè elèv, kalite pwofesè ak salè.

Objektif Distri a se rive jwenn yon kontra twazan avèk pwofesè yo pou pèmèt li planifye e fè bidjè avèk plis presizyon. Istorikman, Distri a ak UTD te gen pou re-ouvri negosyasyon anyèlman pou adrese omwen ogmantasyon salè.

Yo te delivre yon “platfòm” sou koze sa yo jodi a bay Komisyon Konsèy Lekòl la ki bay gran liy yo sou enterè inisyal pou kat soukomite k ap negosye yo pousuiv:

Devlope pèsonèl dewot kalite avèk pratik enstriksyonèl ki akonpli
Elaji basen edikatè ki gen ladrès ak eksperyans nan diferan wòl nan sipò salklas
Ofri opòtinite pou avanse nan karyè
Bati yon gwoup pwofesè ki nouvo nan karyè a e ki lwayal a Distri a
Enplemante yon sistèm ki sipòte kalite pwofesè ak evalyasyon
Etabli ak mentni yon anviwonman travay stab ki kondui a reyisit elèv
Refòme edikasyon segondè pou ede elèv jwenn siksè nan mache global la
Ogmante kourikoulòm la pou mande pigwo efò ak defi elèv yo
Sèvi ak kourikoulòm debaz ki baze sou rechèch e estrateji enstriksyonèl pou ogmante itilizasyon tan enstriksyonèl
Konpanse pèsonèl la ak yon salè konpetitif e yon pwogram salè ki senp
Ofri opòtinite pou konpansasyon adisyonèl
Bati ak soutni yon kantite paran k ap grandi nan angajman patisipasyon yo nan lokal lekòl yo e Akademi Paran An
Angaje nan fè desizyon baze sou amelyore edikasyon e transparans ak paran e piblik la.

# # #

06-LJG/171/RL