Komisyon Konsèy Lekòl la apwouve travay sipèentandan an vize

Meyè nòt nan FCAT, pi piti kantite elèv ki pa pase 3yèm ane eskolè, pwogram ki pi fò pou elèv ki gen don e yon plan pou ogmante salè pwofesè, tout sa fè pati pèfòmans Komisyon Konsèy Lekòl la te apwouve pou evalyasyon anyèl travay Sipt. Rudolph F. “Rudy” Crew.

Doktè Crew, ki manaje avèk siksè katriyèm pi gwo sistèm lekòl peyi a pou dezan, te pwopoze yon lis 31 objektif mezirab ki gen ladan pou elimine lekòl ki pèfòme ba yo ogmante akonplisman akademik nan tout lekòl yo, e amelyore pratik biznis, konstriksyon ak mentnans.

Komisyon Konsèy Lekòl la pral itilize objektif sa yo ane pwochen pou detèmine kantite avantaj pou salè Sipèentandan an.

Doktè Crew te di “Pwosesis la sou pye depi dezan kounye a e li gen bon rezilta,” Li te di toujou “Nou wè kokenn chenn benefis pou elèv yo akoz yo te rann anplwaye m yo ak mwen menm responsab pou pèfòmans.”

Ogmante pousantaj elèv ki fèt nòt 3 e plis nan FCAT la;
Diminye kantite elèv ki pa pase 3yèm ak 8yèm ane eskolè;
Enplemante tout rekòmandasyon Pwogram Elèv ki Gen Don Komisyon Konsèy la apwouve;
Ogmante anwolman elèv nan nivo kou ki avanse nan ane eskolè 9-12, espesyalman pou elèv nwa ak Espayòl;
Refè Pwogram Edikasyon Altènatif Distri a e avèk pèmisyon Komisyon Konsèy la, enplemante li;
Diminye kantite elèv ki kite lekòl;
Diminye separasyon ki gen ant gwoup etnik yo, jan yo mezire li nan diferans nan pousantaj elèv ki fè nòt nan nivo 3 oubyen plis nan pati Lekti FCAT la
Fini objektif premye ane plan Refòm Lekòl Segondè katran an.
Bay bourad pou finisman kou Akademi Paran an;
Ogmante kantite edikasyon konpak ant minisipalite yo ak Distri a, nan bay detay espesifik, mezire kantite moun ki ale nan chak konpak;
Satisfè tout objektif pou dezyèm ane nan Plan Kapital senkan an
Fè yon plan pou ogmante kòmansman salè pwofesè a $40,000, anmenmtan tou rekrite pwofesè nan twazan k ap vini yo.

Doktè Crew te di objektif yo pratik e yo kab reyalize. Se twazyèm fwa sipèentandan an ak Komisyon Konsèy Lekòl la te dakò sou objektif yo kòm yon pati kontra li a. Pita nan ete a, Komisyon Konsèy la pral rankontre pou revize pwogrè Doktè Crew fè nan satisfè objektif dezyèm ane yo.

Yo kab wè yon kopi bi ak objektif Sipèentandan an nan Sant Enfòmasyon Sitwayen Distri a, Chanm 158 Bilding Administrasyon Komisyon Konsèy Lekòl la, 1450 NE Second Ave. Pou plis enfòmasyon rele Biwo Relasyon Piblik Distri a nan 305-995-1126.