Sipèentandan Lekòl Yo Alberto M. Carvalho Pwopoze Yon Lwa Anti-Fwod

MIAMI – Sipèentandan Lekòl Miami-Dade Alberto M. Carvalho pral pwopoze yon lwa anti-fwod jodi a nan reyinyon regilye Komisyon Konsèy Lekòl Miami-Dade County, Florid.

Sipèentandan Carvalho di, “Apre nou fin obsève konpòtman malonèt flagran kèk endividi nan gwo konpayi e nan “Wall Street” (Mache Finansye Ameriken), menmjan ak konpòtman kèk endividi nan lòt antite gouvènman, li enpòtan pou nou mete l klè pou anplwaye nou yo ak moun nou fè biznis avèk yo, nou pap tolere fwod, sou kelkeswa fòm li fèt la.”

Malgre gen plizyè lwa Komisyon Konsèy Lekòl la ki touche kesyon fwod, pa gen okenn lwa ki adrese li espesifikman. Règleman yo pwopoze a pral aplike pou nenpòt fwod, oubyen fwod yo sispèk, ki enplike ofisyèl eli, anplwaye, konsiltan, vandè, kontraktè, ajan eksteryè ak anplwaye ajans sa yo e nenpòt lòt gwoup ki gen yon relasyon biznis avèk Distri a.

falsifikasyon dokiman;
detounen fon, materyèl oubyen lòt byen Distri a;
jesyon enkòrèk tranzaksyon finansye;
devwale enfòmasyon konfidansyèl e prive pou benefis pèsonèl;
devwale aktivite acha ak òf pou fasilite yon avantaj ki enjis;
lakoz Distri a peye pri oubyen frè eksesif san jistifikasyon ki dokimante;
aksepte oubyen ofri kòb anba, kado oubyen lòt favè pou enfliyanse yon desizyon;
retire dosye oubyen pwopriyete pou benefis pèsonèl;
sèvi avèk fon lokal, Eta oubyen Federal pou bagay ki diferan de objektif yo te apwouve fon an;
itilize ekipman Distri a oubyen lè travay la pou aktivite biznis prive andeyò travay la

Lwa a bay pwoteksyon espesyal pou endividi ki rapòte aktivite malonèt yo sispèk.