Sipèentandan Lekòl yo Alberto M. Carvalho, Majistra Vil Hialeah Julio Robaina, reprezantan vil patnè yo tankou Homestead, Miami ak Miami Gardens, ofisyèl distri lekòl yo, moun ki gen enterè nan kominote a ak sitwayen ki enterese

Lekòl Leta Miami-Dade County (M-DCPS) ak vil Hialeah, Homestead, Miami, ak Miami Gardens mete fòs yo ansanm pou ede lekòl leta Miami-Dade.  Antite yo antre nan yon akò pou yo aplike pou fon federal i3 pou sipòte yon pwogram "Schools of Innovation (SOI)"  (Inovasyon nan Lekòl) nan lekòl yo seleksyone.

"Schools of Innovation" chèche pou amelyore akonplisman elèv, ogmante prezans, redui pousantaj elèv ki kite lekòl e pwomouvwa yon anviwònman ki favorize preparasyon ak gradyasyon dezan oubyen katran kolèj (edikasyon aprè lekòl segondè) pou elèv.  Pwogram nan ap prepare elèv yo pou kolèj ak karyè. 

Lekòl Segondè William H. Turner Arts (Turner Tech) se yon modèl refòm lekòl yo rekonèt nasyonalman. Lekòl la mete sou pye yon lekòl ann antye, kote tout elèv yo suiv modèl Karyè Akademi ki estriktire pou pwogram etid katran ki gen ladan opòtinite pou pran diplòm “College-Ready” (Pare pou Kolèj) ak sètifika endistri.