|
ELÈV TWAZYÈM ANE ESKOLÈ MIAMI-DADE PWOGRESE PI VIT PASE MWAYÈN ETA A NAN LEKTI, MATEMATIK MIAMI – Elèv twazyèm ane eskolè Lekòl Leta Miami-Dade County (M-DCPS) depase oubyen egal ak chak gwo distri nan eta a nan pwogrè ki afiche nan pousantaj nòt ki wo nan Lekti ak Matematik nan “Florida Comprehensive Assessment Test” (Egzamen Evalyasyon Konpreyansif Florid) ane sa a, daprè estatistik demografik Depatman Edikasyon Florid pibliye jodi a. Anplis, nivo ogmantasyon elèv twazyèm ane eskolè M-DCPS nan toude Lekti ak Matematik depase pa eta a. Sipèentandan Lekòl yo Alberto M. Carvalho di, "Sa se yon istwa enkontestab yon distri lekòl ki ap mache nan bon direksyon. Elèv, pwofesè, paran, ak volontè nou yo antre nan jwèt la e yo fè yon gòl. Nan matematik, pousantaj elèv twazyèm ane eskolè M-DCPS ki fè nòt nan nivo 3 oubyen pi wo ogmante de pwen kòmanse 2009 rive 2010, pandan eta a rete menmjan an. Se premye fwa pèfòmans elèv twazyèm ane eskolè M-DCPS yo egal ak eta a. Nan lekti, elèv twazyèm ane eskolè M-DCPS afiche pi gwo ogmantasyon pousantaj nòt nan nivo 3 e pi wo, e pi gwo diminisyon nan pousantaj nòt nan nivo 1. Pousantaj elèv twazyèm ane eskolè M-DCPS ki fè nòt nan nivo 3 oubyen pi wo nan Lekti ogmante twa pwen kòmanse 2009 rive 2010, pandan eta a ogmante yon pwen sèlman. Anplis, M-DCPS redui pousantaj elèv klas 3yèm Ane Eskolè ki fè nòt nan Nivo 1 nan Lekti a sou de pwen, pandan eta a afiche yon diminisyon yon pwen sèlman. Nou ka jwenn aksè sou rapò konplè a sou paj Entènèt Distri a nan http://oada.dadeschools.net/FCAT/FCAT.asp.
### 10/JS/172/HD/SD
|
