YON PWOFESÈ M-DCPS RESEVWA PRIM VOLONTÈ EKSELAN NAN KONFERANS SÈVIS NASYONAL

Miami ­ Kòporasyon pou Sèvis Nasyonal ak Kominotè te onore Janis Klein-Young, yon pwofesè ar siperyè nan Akademi Jèn Gason nan MacArthur South avèk “Spirit of Service Award” (“Prim Espri Sèvis”) nan Konferans Nasyonal sou Volontarya ak Sèvis li a yè nan Radio City Music Hall nan New York.  Yo bay prim yo chak ane a moun ki reprezante chak nan twa pwogram sèvis nasyonal kòporasyon an ­ AmeriCorps, Senior Corps, ak Learn and Serve America ­ ki te bay sèvis egzanplè nan kominote yo.
 
Klein-Young, yo te onore anba kategori “Learn and Serve America” (Aprann e Sèvi Amerik), anseye ar siperyè pandan 35 an nan Lekòl Leta Miami-Dade County.  Avèk fon ki soti nan “Florida Learn & Serve,” Klein-Young te kreye e egzekite yon pwojè aprantisaj sèvis ki baze sou ar nan MacArthur South an 2002, ki te devlope e tounen yon pwogram e modèl yo rekonèt nasyonalman.

Kòm yon eleman nan pwogram nan, elèv travay chak semèn nan aprann teknik atizana lokal tankou penti, eskilti, seramik, òneman ak travay bwa atis lokal fè nan ArtSouth nan Kominote Homestead la.  Elèv yo fè tou aktivite kominotè, kiltirèl ak atistik nan Homestead; ofri vizit ArtSouth; e kreye penti miray piblik.
 
Kòporasyon pou Sèvis Nasyonal ak Kominotè ansanm ak “Points of Light and Hands On Network” konvoke Konferans Nasyonal sou Volontarya ak Sèvis ki se pi gwo rasanbleman anyèl lidè volontè ak sèvis nan monn an. Pou plis enfòmasyon, vizite www.volunteeringandservice.org.

###

10-JS/198/GC/RL

Retounen sou Nòt pou Laprès