YO APWOUVE M-DCPS KÒM YON FOUNISÈ SES
LESON PATIKILYE POU 2010-2011

Kòm rezilta Akò Federal 2001 Okenn Timoun Pap Ret Deyè (NCLB), timoun ka resevwa èd akademik anplis nan sijè tankou lekti, redaksyon/lekti, matematik ak syans. Leson patikilye gratis sa a disponib si yo idantifye lekòl timoun kòm "bezwen amelyorasyon." Elèv ki prale nan lekòl Title I ki elijib yo, e ki resevwa manje gratis oubyen nan pri redui, elijib pou patisipe nan pwogram Leson Patikilye SES la.  Yo bay SES andeyò jounen regilye lekòl (anvan e aprè lekòl oubyen lè wikenn).

Se Founisè Eta Florid la apwouve ki ofri pwogram SES leson patikilye a, gratis pou paran an. Pou ane lekòl 2010-2011 la, yo apwouve Lekòl Leta Miami-Dade (M-DCPS) kòm yon Founisè Sèvis Edikasyonèl Siplemantè (SES) eta a apwouve pou Distri nou an (Kòd Pwogram Founisè SES M-DCPS la se 0349).

Kòm yon Founisè SES eta a apwouve, pwogram Founisè SES M-DCPS la (Kòd Founisè 0349) ap founi leson patikilye gratis, pèsonalize pou elèv ki kalifye ak bonjan benefis sa yo.

• Pwofesè trè kalifye, sètifye
•Leson patikilye an konfòmite ak enstriksyon salklas la
•Plis lè leson patikilye (26)
•Anviwònman baze nan lekòl la ki ansekitire
•Kolasyon apre lekòl

Pou enfòmasyon sou Pwogram Founisè SES M-DCPS la (Kòd Founisè 0349), silvouplè kontakte lekòl pitit ou a, oubyen rele 305-995-7563.

Paran ki enterese enskri pitit yo nan SES dwe ranpli e remèt yon fòm enskripsyon nan lekòl pitit yo, oubyen atravè paj Entènèt “No Child Left Behind” (Okenn Timoun Pat Ret Deyè) a nan http://nclbchoice.dadeschools.net/, anvan 4: 30 nan aprèmidi 17 septanm 2010.  Pou plis enfòmasyon sou SES nan Miami-Dade County, silvouplè kontakte lekòl pitit ou a, oubyen rele NCLB Opsyon Chwa Parantal nan 305-995-4549.

###

10-JS/242/HD/SD

Retounen sou Nòt pou Laprès