LEKÒL LETA MIAMI-DADE COUNTY AP FÈ EKSPOZISYON CHEMEN KARYÈ 2010 POU ELÈV AK ADILT

MIAMI - Lekòl Leta Miami-Dade County, ak Kolèj Miami Dade ap fè EKSPOZISYON Chemen Karyè 2010 pou Elèv ak Adilt nan samdi 13 novanm 2010 kòmanse a 10è dimaten pou rive a 3è nan aprèmidi nan Sant Edikasyonèl Robert Morgan, 18180 SW 122 Avenue, Miami, FL 33177.

Yo ankouraje paran ak elèv nan sizyèm rive 12yèm ane eskolè e tou elèv ak adilt nan post lekòl segondè, pou ale nan evènman gratis sa a pou aprann plis sou pwogram Edikasyon Karyè ak sèvis yo ofri nan Lekòl Leta Miami-Dade County ak nan Kolèj Miami Dade.

EKSPOZISYON gratis la ap p èmèt patisipan yo aprann sou pwogram akademi karyè tankou Achitekti, Konstriksyon, Enfòmasyon Teknoloji, Ospitalite ak Touris, Syans Agrikòl, Edikasyon, Syans Sante/Medikal e plis toujou.  EKSPOZISYON an se yon opòtinite pou ede elèv chwazi chemen karyè pou avni an.  Elèv Lekòl Leta Miami-Dade County ki akonpaye ak paran yo ka pran avantaj sou transpòtasyon gratis pou ale e retounen sot nan EKSPOZISYON an nan lekòl Miami-Dade County yo chwazi.

Pou plis enfòmasyon rele 305-693-3030 oubyen vizite http://dcte.dadeschools.net.

###

10-JJS/280/DF/CF

Retounen sou Nòt pou Laprès