Sipèentandan Lekòl Alberto M. Carvalho, Vis Chèmann Komisyon Konsèy Lekòl Dtè. Lawrence Feldman, administratè distri, pwofesè yo onore, manm sektè biznis ak sitwayen ki enterese

Seremoni Rekonesans Peman Daprè Pèfòmans

Sipèentandan Lekòl Miami-Dade Alberto M. Carvalho pral distribye fon bay pwofesè anba plan peman daprè pèfòmans yo te anonse pi bonè nan ane a, ki bay edikatè Miami-Dade potansyèl pou yo resevwa otanke $100,000 oubyen plis. Finansman pou plan peman daprè pòfòmans la, ki jiska $14 milyon ane sa a, ap soti nan yon don “Race to the Top” (Kous pou Antèt) ki soti nan Depatman Edikasyon Etazini.

Carvalho te preside Gwoup Travay Gouvènè a ki te devlope yon memo konpreyansyon ak yon bonjan aplikasyon ki te pèmèt Florid resevwa plis pase $700 milyon nan fon “Race to the Top”, ki te egal a $350 milyon pou distri lekòl atravè eta a. Travay odasye sa a jwennn sipò Komisyon Konsèy Lekòl Miami-Dade County, ki fèmeman te kenbe angajman li pou salklas lokal yo.