M-DCPS, UTD Kolabore Pou Mete Asirans Sante Bon Mache Pou Anplwaye

MIAMI- Nan travay ansanm, “Miami-Dade County Public Schools (M-DCPS)” (Lekòl Leta Miami-Dade County) ak “United Teachers of Dade (UTD)” (Sandika Pwofesè Dade) te devlope yon akò estratejik atravè kreyasyon yon Sou-Komite Tèt Ansanm sou Travay/Jesyon Asirans Sante ki te rive jwenn yon Akò Konseptyèl avèk UTD pou Asirans Sante 2012. Pwovizyon akò an gen ladan:

Kontinye opsyon asirans sante gratis pou anplwaye sèlman.

Akò pou Distri a finanse 100 pousan ogmantasyon nan asirans swen sante pou janvye – mas 2012 pou l bay sou-komite pou asirans sante a tan pou l fè travay li ($16 milyon).

Yon ekonomi $28.3 milyon poutèt chanjman nan fason plan an fèt, ki ap vin an vigè 1ye avril 2012.

Pataje responsablite nan peye ogmantasyon pri asirans sante pou depandan avèk Distri a ki ap sibvansyone frè yo an 2012 pou yon montan anyèl $78 milyon apwoksimativman.

Ogmantasyon kontribisyon Distri apre yo fin jwenn akò $36 milyon ki ap gen ladan ogmantasyon $16 milyon pou janvye – mas 2012 ak $21 milyon anplis nan ogmantasyon frè pou avril – desanm 2012.

Akò pou edike anplwaye yo sou kesyon byennèt sante tankou idantifye risk sante atravè egzamen anyèl e/oubyen depistaj biyometrik ak Evalyasyon Risk Sante sou Entènèt.