Sipèentandan Lekòl yo Alberto M. Carvalho, Prezidan Burger King Latin America Jose Tomas, Ofisye Egzekitif Anchèf EverFi, Inc. Tom Davidson, kad nan BankUnited, Espirito Santo, ak Florida Community Bank, administratè M-DCPS, elèv, ak sitwayen ki enterese

Anons yon gwo inisyatif tounèf sou edikasyon e patenarya avèk Burger King, patwonè atravè tout distri a, e patwonè lokal BankUnited, Espirito Santo Bank, ak Florida Community Bank. 

Fakti kat kredi, dèt, ekonomi, ak finansman edikasyon siperyè pa toujou priyorite pou pifò elèv lekòl segondè, sepandan desizyon finansye yo fè jodi a ap afekte lavi yo pou lontan. Konsyantizasyon sou finans ki pa byen fèt mete an danje kapasite adolesan pou yo pwogrese nan anviwònman konplèks ak konpetitif  jodi a. Anons sa a ap vize kesyon sa a.

Konferansye envite yo pral pale ak elèv lekòl segondè e jenerasyon k ap vini yo sou enpòtans edikasyon finansye, enfòmasyon sou kijan inisyativ edikasyon sa a ap transfòme aprantisaj yo nan salklas la, e valè patenarya piblik-prive genyen nan fè tout bagay sa yo fèt. Yo ap rekonèt elèv paske yo fini pwogram nan, e yo ap entwodui demonstrasyon espesyal kourikoulòm enstriksyon finansye debaz nan salklas lekòl segondè yo andirèk sou Entènèt.