Pwogram “I Can Do It, You Can Do It” (Mwen Ka Fè L, Ou Ka Fè L) se yon inisyativ Biwo Andikap ki nan Depatman Sante ak Sèvis pou Moun Etazini devlope, ki fè pati yon pwogram bon kondisyon fizik/aktivite ki konekte konseye ak elèv ki gen andikap.  Konseye a ofri fòmasyon ak gidans pou ede timoun vin aktif fizikman pou 30 minit pa jou, 5 jou pa semèn, nan entèval 8 semèn.  Elèv ki gen andikap ki fini pwogram nan resevwa patch ak sètifika Prim Estil Vi Aktif Prezidan an.  Yo te fè pwogram sa a pou adrese pwoblèm obezite ak dyabèt tip II kay timoun ki gen andikap, ki gen plis chans pou yo inaktif.  Evènman sa a asosye avèk Kanpay “Let’s Move” (Annou Bouje) Madan Obama a e Konsil Prezidan an sou Bon Kondisyon Fizik, Espò, ak Nitrisyon sipòte li.