LEKÒL LETA MIAMI-DADE RESEVWA YON SIPÒ EKLATAN POU REFERANDÒM BON AN NAN MEN MAJISTRA CARLOS GIMENEZ AK KÈK LIDE ENFLIYAN KOMINOTE A

Lekòl Leta Miami-Dade County resevwa sipò solid pou referandòm bon ki pral fèt la nan men   Majistra Miami-Dade County Carlos A. Gimenez ak kèk lidè kominotè enpòtan nan vizit Schools  First (Lekòl an Premye) ki te fèt resamman nan Lekòl Segondè Miami Norland.    
Vizit ki te fèt nan Lekòl Segondè Miami Norland nan te fè pati vizit Schools First “Building for   Tomorrow” (Ann Konstwi pou Demen), ki pèmèt ofisyèl eli ak lidè kominotè vizite lekòl pou yo   ka aksantye sou bezwen pou mete lekòl yo ajou atravè vòt referandòm bon an.  Yo te fè anpil elòj pou vizit sa a nan envite Evèk Victor T. Curry, Manadjè Jeneral estasyon radyo 1490 WMBM pou prezante e difize sipò sa a nan etablisman lekòl la.   

Men moun ki te la:  Chèmann Komisyon Konsèy Lekòl la Perla Tabares Hantman, Manm   Komisyon Konsèy Lekòl Wilbert “Tee” Holloway, Sipèentandan Lekòl yo Alberto M. Carvalho,  Majistra Miami-Dade County Carlos A. Gimenez, Komisyonè Miami-Dade Barbara Jordan, Jean  Monestime, ak Audrey Edmonson ansanm ak Majistra Oliver Gilbert nan Miami Gardens, Myra  Taylor nan Opa-Locka, Majistra Adjwen Miami Gardens Lisa Davis, ak Komisyonè Vil Miami  Michelle Spence-Jones.  Pandan tout vizit la, sipò pou bon an te kontinye grandi avèk vizit: Senatè  Eta Oscar Braynon, II, Reprezantan Eta Daphne Campbell, Dwight Bullard, ak Barbara Watson.    Evèk Victor T. Curry, Prezidan Branch Miami-Dade “National Action Network” (Rezo Aksyon  Nasyonal), andose “Bonds for Better School Initiative” (Bon pou Meyè Inisyativ nan Lekòl.”    

“Building for Tomorrow” se yon komite politik yo te kreye pou ede pase yon Bon Obligasyon  Jeneral $1.2 milya nan ankouraje rezidan Miami-Dade pou sipòte bon an.  Pwofi ki ap soti nan   bon an t ap sèvi pou modènize e konstwi lekòl atravè distri a, e sa gen ladan amelyorasyon  teknoloji nan tout lekòl.  Li esansyèl pou votè yo apwouve Bon GO a pandan Distri a ap chèche  yon solisyon dirab alontèm pou ofri tout elèv Miami-Dade Lekòl 21yèm Syèk la.     

###

12-JJS/502/DF/CM   

Retounen sou Nòt pou Laprès