MIZE MAGNÈT LEKÒL ELEMANTÈ W.J. BRYAN  RESEVWA DON NAN MEN “THE VILLAGERS” (VILAJYE YO), “TOOL BOX FOR EDUCATION” LOWE’S

Lekòl Elemantè W.J. Bryan resevwa don $8,800 nan men the “The Villagers” ak $5,000 nan Pwogram “Tool Box for Education” Lowe’s (Bwat Zouti pou Edikasyon).  Fon yo prale pou restorasyon podyòm ak oditoryòm istorik lekòl la, e tou kreyasyon yon espas pou egzibisyon.

Renovasyon yo ap pèmèt elèv yo fè pèfòmans ak egzibisyon nan gran espas orijinal, achitèk Robertson ak Patterson te desine e ki te acheve nan ane 1928.  Bilding estil Restorasyon Mediterane a gen plafon voute ak koridò ouvè ki antoure yon bèl lakou.

Yo deziyen Lekòl la ki lokalize nan 1201 N .E. 125th St., nan North Miami, kòm yon moniman istorik e yo te prezante li wotman pandan jounen Eritaj Dade yo.  

Efò renovasyon sa a ap ofri elèv yo opòtinite pou obsève konsèp plan orijinal yon estrikti istorik e konprann enpòtans prezèvasyon.  Pwojè sa a vin yon enstriman pou gide fiti generasyon an e ankouraje yon sans inite, entegrite, ak fyète nan kominote nou an.

Mize Magnèt Lekòl yo fòme patenarya solid ak mize lokal nan zòn nan e enstitisyon kiltirèl yo nan Miami-Dade County.  Edikatè mize yo travay kòt-a-kòt avèk pwofesè salklas yo, nan konekte yon kourikoulòm ki baze sou estanda avèk objè e atizay nan mize respektif yo e tou, yo vizite building ak andwa istorik atravè county a.  Kourikoulòm entegre sa a ki vize premyèman, enstriksyon ki baze sou objè-ak-pwojè, aksantye sou rezoud pwoblèm, kominikasyon, eksplorasyon, envansyon ak ankèt atravè vizit kontinyèl nan mize ak enstitisyon kiltirèl yo.

Mize Lekòl Elemantè W.J. Bryan fè patenarya avèk: Fairchild Tropical Botanic Garden; Coral Gables Museum; Dade Heritage Trust; Haitian Heritage Museum History Miami; ak, Museum of Contemporary Art (MOCA).

###

013-JS/045/HD/SD

Retounen sou Nòt pou Laprès