SIPÈENTANDAN LEKÒL YO ALBERTO M. CARVALHO AK MAJISTRA CARLOS A. GIMENEZ, PRAL PREZANTE DEZYÈM DEBA KONJWEN SOU SEKIRITE JÈN AVÈK LIDÈ LOKAL YO

Sipèentandan Lekòl Leta Miami-Dade County Alberto M. Carvalho ak Majistra Miami-Dade County Carlos A. Gimenez pral prezante yon dezyèm deba diskisyon konjwen sou Sekirite Jèn avèk ofisyèl lokal yo vandredi 8 mas 2013 a 3è nan aprèmidi, nan sant medya Lekòl Segondè Miami Senior.  Lekòl la lokalize nan 2450 SW. 1st St. (paking disponib nan kwen nòdès la nan S.W. 24th Ave. ak W. Flagler St.).  (Y AP DISPONIB POU MEDYA A 2:45 NAN APRÈMIDI)

Deba a ap reyini lidè lokal yo, ki gen ladan majistra ak chèf polis nan plizyè minisipalite ak moun ki konsène nan Miami-Dade pou diskite rekòmandasyon ki konsène inisyativ sekirite piblik nan okazyon dènye aksyon vyolans san sans yo.  Deba a pral konsantre sou sekirite jèn nan kominote nou an, lekòl, plas piblik ak vwazinaj yo.  Objektif la se pou pataje pratik ki fè siksè, diskite defi aktyèl yo e defini rekòmandasyon itil akoutèm e alontèm.

Se règ Miami-Dade County pou obeyi avèk tout demand Akò Ameriken pou moun ki gen Andikap. Etablisman an aksesib.  Pou entèprèt lang an siy, aparèy pou moun ki pa tande byen oubyen materyèl nan fòm aksesib, silvouplè telefone 305-375-1545 omwen senk jou alavans.  

###

13-JJS/SD

Retounen sou Nòt pou Laprès