SIPÈENTANDAN CARVALHO PRAL PREZANTE REKÒMANDASYON BIDJÈ A

Sipèentandan Alberto M. Carvalho prezante Komisyon Konsèy Lekòl Miami-Dade County rekòmandasyon bidjè pou ane lekòl ki ap vini an jodi a.  Li etabli bidjè total la pwovizwaman a $4.83 milya, ki reprezante yon ogmantasyon $330 milyon sou Bidjè Komisyon Konsèy Lekòl 2014-15 la, avèk majorite ogmantasyon an soti nan elajisman “Capital funding” (Benefis sou Envestisman).   
 
Carvalho di, “Bidjè a, yon fwa ankò, konsantre sou resous ak pwogram ki enpòtan pou kominote a e li mete resous an rezèv pou l pwoteje mendèv nou an.”

Chèmann Komisyon Konsèy Perla Tabares Hantman ajoute, “Jesyon fiskal responsab e modere pèmèt nou fè bon rezilta, ki gen ladan ogmantasyon frè sou swen sante ki pi ba pase sa nou te espere.

Bidjè a pwoteje moun ki ap peye taks yo nan diminye taks sou pwopriyete de yon ka “mill” (1/10 santim), ki diminye taks yon pwopriyetè kay mwayen ap gen pou peye.  Bidjè Sipèentandan   an pwopoze  a elaji sipò Pwogram Magnet ak Chwa yo, Sèvis Gidans, Sèvis “ESE” ak Sèvis Bileng. Li ogmante depans pou pwoteksyon/sekirite nan lekòl de twa pousan sou nivo li ye kounye a.
 
Adisyonèlman, bidjè a:

• Elaji orè lekòl segondè yo a yon jounen ki gen 8 peryòd nan uit lekòl, sa ki ap ogmante kantite lekòl yo a 34
• Ajoute 16 nouvo pwogram magnet e 30 nouvo pwogram chwa  
• Amelyore teknoloji nan salklas yo
• Pwoteje estabilite ekonomik sistèm lekòl la, e
• Mentni estrateji inovatif pou kontinye diminye ogmantasyon nan frè asirans sante.

Gen yon premye odyans sou bidjè a ki pwograme pou 29 jiyè 2015 ak yon odyans final sou bidjè a  9 septanm 2015.
                                                                                                                     
Nou ka wè mesaj bidjè Sipèentandan an nan www.dadeschools.net.

###

16-DGD/002/JJS/CM

Retounen sou Nòt pou Laprès