M-DCPS, FOP JWENN YON AKÒ TRAVAY PWOVIZWA

Lekòl Leta Miami-Dade County jwenn yon akò pwovizwa avèk “Fraternal Order of Police (FOP)” (Lòd    Fratènèl Polis), ki kouvri travay anplwaye Polis Lekòl Miami-Dade yo.

Sipèentandan Alberto M. Carvalho di, “Atravè negosyasyon ki fèt avèk respè e ki dinamik, nou rive jwenn yon akò ki akonpli toude, ekite nan salè ak pwoteksyon mendèv trè esansyèl sa a.” 

Gran liy akò a gen ladan:

• Yon ogmantasyon salè ki ap fèt pa etap; mwatye valè ogmantasyon an ap efektif lè akò a ratifye; yo ap peye balans la nan premye chèk jiyè a. 
• Manb inite negosyasyon yo ap absòbe ogmantasyon an nan frè pou asirans sante.
• Daprè klarifikasyon langaj kontra a anplwaye yo dwe travay 260 jou pandan peryòd pwobasyon   an ki ap dire yon ane.

Chèmann Komisyon Konsèy Lekòl Perla Tabares Hantman te prezan nan moman akò a te fèt e li anonse li ap pote yon atik ki jistifye rezon pou apwouve kontra a nan reyinyon 15 avril Komisyon Konsèy Lekòl la. 

Manb FOP yo dwe ratifye kontra, ansuit y ap pote li devan Komisyon Konsèy Lekòl Miami-Dade la pou apwobasyon.  Lè yo ratifye e apwouve kontra a, yo ap adopte kontra pou tout anplwaye M-DCPS ki kouvri anba akò negosyasyon kolektif yo.      

###

15-DGD/238/JJS/CM

Retounen sou Nòt pou Laprès