M-DCPS Ap Òganize Evènman Vaksinasyon GRATIS pou Elèv

Paran timoun ki gen laj lekòl yo, ki enskri oubyen ki pral antre nan “Miami-Dade County Public Schools (M-DCPS)” (Lekòl Leta Miami-Dade County) pral gen opòtinite adisyonèl pou yo pran vaksen ki nesesè pou pitit yo nan sant vaksinasyon yo kòmanse samdi 26 septanm, ak lòt dat adisyonèl ki ap suiv yo. Tout evènman sa yo gratis. Li patikilyèman enpòtan pou timoun yo resevwa vaksen woutin pandan pandemi COVID-19 sa a pou pwoteje yo kont maladi ak epidemi nou ka evite.

Sèvis Sante Konpreyansif Elèv M-DCPS ap fasilite sant vaksinasyon nan tout konte a kòmanse Samdi 26 Septanm 2020 ak plizyè opòtinite adisyonèl pandan tout semèn kap vini yo. Silvouplè wè feyè ki tache a pou TOUT dat ak andwaki disponib yo.

Elèv ki prale lekòl nan Miami-Dade County, ki gen ladan sa yo ki chwazi aprantisaj a distans, dwe gen yon sètifika vaksinasyon ki montre yo te pran vaksen kont polyo, “measles-mumps-rubella (MMR)” (lawoujòl-malmouton-ribeyòl), difteri, tetanòs ak tous (koklich) (DTaP), epatit B, ak saranpyon (varisèl). Règ sa a aplike pou elèv ki prale lekòl aktyèlman nan Distri a ak sa ki kalifye pou vini yo.

Men yon lis andwa ki ap ofri vaksinasyon gratis samdi 26 septanm 2020. Randevou nesesè nan tout andwa yo.

Pou dènye enfòmasyon yo, silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou Twitter nan @mdcps ak @miamisup, sou Instagram nan @miamischools ak @miamisup, e sou Facebook nan MiamiSchools ak AlbertoCarvalho