Kòmanse
lòt semèn, ‘Miami-Dade
County Public Schools (M-DCPS)’ (Lekòl Leta Miami-Dade County) pral konsolide distribisyon
repa li yo pou elèv k ap aprann a distans yo yon fwa pa semen. N ap distribye
pwodui alimantè an gwo chak jedi soti 4è aprèmidi pou rive 5:30 nan
aprèmidi, l ap gen ladan l pwodui alimantè an gwo ki egal ak 21 repa pou
chak elèv, chak livrezon - sèt dejne, sèt repa midi ak sèt repa apre lekòl.
Chanje
alokasyon yon fwa pa semèn nan pral pèmèt nou bay plis manje pou chak
elèv/paran, an menm tan pèmèt paran yo ekonomize.
Novanm pase a, “U.S.
Department of Agriculture (USDA)” (Depatman Agrikilti Etazini) te anonse l ap pwolonje
dispans fleksibilite pwogram manje pandan ete a ki pèmèt M-DCPS kontinye sèvi
manje gratis pou tout timoun pandan
tout ane lekòl 2020-2021 an.
USDA mande pou
paran/granmoun yo bay prèv idantifikasyon valab manje a se pou yon timoun ki
gen 18 an oubyen mwens, si timoun nan pa akonpaye yo nan distribisyon an. Idantifikasyon
an kapab yon kat ID elèv la, kanè, oubyen rapò sou pwogrè li. Sa yo se menm
direktiv ki te aplike pandan distribisyon manje M-DCPS te fè pandan ete a.
M-DCPS pa ralanti
nan angajman li pou sipòte elèv ak fanmi yo. Jiska prezan, Distri a distribiye prèske
16 milyon repa gratis bay elèv yo.
Silvouplè
telechaje aplikasyon mobil Dadeschools la sou aparèy iPhone oubyen Android ou. Suiv
nou sou Twitter nan @mdcps
ak @miamisup,
sou Instagram nan @miamischools
ak @miamisup,
e sou Facebook nan MiamiSchools
ak AlbertoCarvalho.
# # #
21-DGD/085/HD/RD/CM