|
|
|
|
|
|
|
|
|
|
|
|
| |
| Yon Mesaj Sipèentandan Dotres |
| |
|
|
Se avèk anpil onè ak imilite m ap sèvi kòm nouvo Sipèentandan “Miami-Dade County Public Schools (M-DCPS)” (Lekòl Leta Miami-Dade County). Sistèm lekòl sa a se pa sèlman youn nan meyè distri lekòl; ki gen plis siksè nan peyi a; li se lakay mwen tou. Se la mwen te kòmanse lekòl kòm yon “English Language Learner (ELL)” (Moun K ap Aprann Anglè) nan laj senkan (5) aprè mwen te imigre nan peyi sa a, mwen te gradye nan lekòl segondè, e mwen te kòmanse yon karyè ki long e satisfezan nan sèvi elèv yo, paran, anplwaye ak kominote a anjeneral.
Nan trantan (30) karyè mwen nan M-DCPS, mwen aprann angajman pou ekselans ki chita nan kè manm kominote nou an ansanm ak efò elèv nou yo, paran yo, ak anplwaye yo eksepsyonèl.
Mwen retounen lakay mwen pou m kontinye travay kolektif Distri a avèk yon nouvo angajman ak detèminasyon. San dout M-DCPS rive byen wo e li akonpli anpil siksè. Malgre nou gen anpil bagay pou nou selebre, nou ap navige tou atravè defi san parèy ki mande pou nou gen pasyans, konpreyansyon, kouraj, ak rezistans. Gen anpil travay ki rete pou nou fè pou adrese bezwen aprantisaj ki poko satisfè, kesyon sante mantal e bezwen sosyo-emosyonèl, ansanm ak byennèt e sekirite elèv n ap sèvi yo. Wi, nou gen anpil gwo defi devan nou; men ansanm, n ap leve yo.
Ansanm, n ap kontinye ak metòd pou nou anseye timoun yo ann antye; enspire pwofesè nou yo, lidè, ak anplwaye yo; ankouraje paran nou yo; epi angaje kominote a ak fè patenarya ak li.
Pandan n ap fè efò pou kenbe elan sa a e kontinye avanse, mwen kontan anpil pou posiblite ki ap tann nou alavni. Mwen pa ka tann pou m kòmanse travay avèk ou, Komisyon Konsèy Lekòl nou an ki trè devwe, e avèk anpil lòt moun oswa enstitisyon ki gen enterè nan kominote a pou kontinye ranfòse siksè elèv yo; prepare elèv pou yo reyisi nan kolèj, nan karyè, e nan lavi; vini avèk nouvo lide e ogmante opòtinite pou aprantisaj; rekrite ak kenbe meyè pwofesyonèl yo; devlope yon mendèv ki divèsifye e enklisif; bati etablisman modèn, dènye kri pou bonjan ansèyman ak aprantisaj; ak plis toujou.
Mwen remèsye ou pou tout sa w fè pou elèv nou yo ak kominote n ap sèvi a.
|
| |
|
| |
|
|
|
|
|
|
|
| |
| Sis Lekòl Segondè M-DCPS Pami 100 Meyè Lekòl nan Peyi a Selon U.S. News |
| |
|
|
U.S. News & World Report anonse lis pou Meyè Lekòl Segondè Ozetazini pou 2022, baze sou revizyon prèske 24,000 lekòl segondè nan tout 50 eta ak ‘District of Columbia’.
“Miami-Dade County Public Schools (M-DCPS)” (Lekòl Leta Miami-Dade County) se lidè ankò nan Florid avèk 91 lekòl tradisyonèl ak lekòl magnet sou lis la, ki gen ladan sis lekòl segondè pami 100 meyè lekòl nan peyi a e nèf lekòl pami 20 meyè lekòl nan Florid. Sa gen ladan “School for Advanced Studies (SAS)” (Lekòl pou Etid Avanse), ki se meyè lekòl nan Florid, e katriyèm nan tout peyi a.
Magazin nan itilize yon analiz an sis etap pou analize tout lekòl yo, tankou egzamen “Advanced Placement (AP)” (Plasman Avanse) ak “International Baccalaureate (IB)” (Bakaloreya Entènasyonal), pèfòmans lekòl, metriz nan matematik ak lekti, to gradyasyon ak eka nan akonplisman elèv yo.
Gen sis lekòl M-DCPS yo rekonèt pami 100 meyè lekòl nan peyi a:
- #4 – School for Advanced Studies (SAS)
- #39 – School for Advanced Studies (SAS) Homestead
- #60 – Young Women’s Preparatory Academy
- #73 – Jose Marti MAST 6-12 Academy
- #99 – iPreparatory Academy (iPrep)
Gen nèf lekòl M-DCPS ki klase pami 20 meyè lekòl nan Florid:
- #1 – School for Advanced Studies (SAS)
- #3 – School for Advanced Studies (SAS) Homestead
- #6 – Young Women’s Preparatory Academy
- #7 – Jose Marti MAST 6-12 Academy
- #8 – Design & Architecture Senior High School (DASH)
- #11 – iPreparatory Academy (iPrep)
- #12 – Marine Academy of Science and Technology (MAST@FIU)
- #18 – International Studies Preparatory Academy
- #19 – Terra Environmental Research Institute
Pou yon lis konplè vizite, www.usnews.com/education/best-high-schools.
|
| |
|
| |
|
|
|
|
|
| |
|
|
| Yo Inisye Sèt Ansyen Elèv Distenge M-DCPS Nan ‘Hall of Fame’ pou Klas 2022 a |
| |
|
|
|
|
Sèt (7) ansyen elèv renome e distenge ki diplome nan Lekòl Leta Miami-Dade County te inisye pou fè pati “Alumni Hall of Fame” (Lis Ansyen Elèv Selèb) “Miami-Dade County Public Schools (M-DCPS)” (Lekòl Leta Miami-Dade County) pou devouman egzanplè yo nan demontre pi bon akonplisman moun ka fè.
Avèk nouvo manm inisye yo ajoute ane sa a, kantite ansyen elèv manm ‘Alumni Hall of Fame’ la monte a 46. Moun sa yo se egzanp talan ekstrawòdinè nou devlope nan lekòl piblik nou yo e ki ap briye kounye a sou yon sèn nasyonal la.
Pami moun ki antre nan lis ansyen elèv distenge ki reflete istwa rich lekòl Miami-Dade yo e ki reprezante klas 2022 a genyen:
- Rodney Adkins – Majè pwomosyon klas 1976 nan Lekòl Segondè Miami Jackson. Li se Chèmann antrepriz Avnet, Inc. e li se Prezidan ‘3RAM Group’. Li te premye ofisye egzekitif orijin Afriken-Ameriken ak ansyen Vis-Prezidan pou devlopman ak fabrikasyon nan antrepriz ‘IBM’. Se li ki te lanse pwogram odinatè mobil pèsonèl ‘IBM ThinkPad’ la.
- Michelle Bernstein – Klas 1986 nan Lekòl Segondè North Miami. Chèf kuizin “James Beard Foundation” (Fondasyon James Beard) ki ranpòte prim, Prezantatris emisyon televize “Check, Please! South Florida” ak pwodiksyon emisyon televize “SoFlo Taste” ki resevwa prim ‘Emmy'.
- Dtè. Vivek Murthy – Majè pwomosyon klas1994 nan Lekòl Segondè Miami Palmetto. Li diplome nan Inivèsite Harvard ak nan Lekòl Medsin Yale. Li se 19èm e 21èm Minis Sante Etazini, li se Fondatè òganizasyon “Doctors for America” (Doktè pou Etazini).
- George Christian Pedersen – Klas 1958 nan Lekòl Segondè South Dade.Li se Ofisyèl Egzekitif Anchèf antrepriz ‘Kimre Clean Air Technology’ Li resevwa diplòm nan Jeni Chimik nan Enstiti Teknoloji Massachusetts.
- Armando Christian Perez – Klas 1999 nan Lekòl Segondè Miami Coral Park. Li se yon mizisyen ‘rapper’ Ameriken yo konnen sou non sèn li “Pitbull” oswa “Mr. Worldwide.” Li gen anpil talan kòm yon chantè, otè-konpozitè, ak pwodiktè mizik; li resevwa prim ‘Grammy’ pou meyè mizisyen e li vann plis pase 100 milyon disk atravè lemond.
- Maribel Perez Wadsworth – Klas 1990 nan Lekòl Segondè Coral Gables. Premye Ofisye Anchèf Estrateji pou piblikasyon kominotè Etazini konpayi Gannett te janm genyen. Li se Prezidant Rezo jounal nasyonal ‘USA Today’, e li se Editris Jounal USA Today e an 2019 li te resevwa Prim “Robert G. McGruder Award for Leadership Diversity” (Robert G. McGruder pou Divèsite nan Gouvènans).
- Dtè. Robert Sackstein – Klas 1973 nan Lekòl Segondè Southwest Miami. Li se yon doktè ak chèchè byomedikal ki renome nan lemonr e ki espesyalize nan transplantasyon mwèl zo; li diplome e anseye nan Lekòl Medsin Harvard. Li sèvi kòm Vis-Prezidan Anchèf antrepriz ‘Global Medical Affairs’ e li se Pwofesè Medsin Translasyonèl nan Inivèsite Entènasyonal Florid (FIU).
Si ou te nan Lekol Leta Miami-Dade County, rete konekte avèk dènye enfòmasyon, ak evènman ki ap fèt nan M-DCPS, e pou w ka patisipe tou lè w vizite https://www.engagemiamidade.net/alumni-connect.
|
| |
|
|
| |
|
|
|
|
| |
| “2022 Summer Youth Internship Program (SYIP)” (Pwogram Estaj Ete 2022 pou Jèn yo) Lanse Yon Apèl pou Elèv ak Biznis Lokal yo Pran Aksyon |
| |
|
|
“The Summer Youth Internship Program (SYIP)” (Pwogram Estaj Ete pou Jèn yo) – yon patenarya ant “Miami-Dade County Public Schools (M-DCPS)” (Lekòl Leta Miami Dade County), CareerSource South Florida, The Children’s Trust, Miami-Dade County, The ‘EdFed’ Educational Federal Credit Union ak “The Foundation for New Education Initiatives (FNIE)” (Fondasyon pou Nouvo Inisyativ nan Edikasyon) – ofisyèlman kòmanse pou ane 2022 a. Pwogram ‘SYIP’ la ki ap antre nan setyèm ane konsekitif li, konekte elèv M-DCPS nan klas 10èm a 12èm ane eskolè (ki gen laj 15-18 ane) avèk antrepriz nan kominote a pou yon eksperyans mendèv ki ap benefisye elèv ak antrepriz yo, ki ap fèt soti jiyè 2022 rive out 2022.
Nou ankouraje elèv ki elijib pou pwogram nan pou enskri nan MiamiInterns.org kòmanse 30 mas; antrepriz ki enterese yo ka vizite menm sit entènèt la tou kounye a oswa rele nimewo 305.693.3005 pou yo enskri.
Sipèentandan Lekòl Leta Miami-Dade County yo, Jose L. Dotres di: “Ane sa a pwogram Estaj Ete pou Jèn yo retounen ak tout fòs li pou asire elèv nou yo benefisye de eksperyans aprantisaj nan andwa travay yo. Elèv 10èm, 11èm, ak 12èm ane eskolè yo pral benefisye anpil de eksperyans sa a pandan yo ap eksplore chemen karyè yo alavni nan Miami-Dade e kominote nou an pral benefisye jèn talan sa yo ki gen potansyèl pou grandi e pwospere lokalman.”
Ann Stith ki se Direktris Anchèf Fondasyon pou Nouvo Inisyativ nan Edikasyon di: “Pwogram Estaj Ete pou Jèn yo ofri yon opòtinite enpòtan pou elèv Miami-Dade yo pou aprann bonjan ladrès, eksperyans e resevwa yon peman pandan yo lekòl toujou. Elèv yo travay di e yo bay vrè sipò reyèl nan konpayi ki anboche yo a.”
Anplwayè yo pa gen okenn responsablite paske tout estajyè SYIP yo gen asirans aksidan pou elèv; elèv estajyè yo travay 30 èdtan pandan senk semèn youn apre lòt e se SYIP ki peye yo, se pa anplwayè yo. Estajyè potansyèl yo dwe apwouve avan yo antre nan pwogram nan, e anplwayè ki ap patisipe yo fè yo pase yon entèvyou e deside kiyès y ap bay travay.
Majistra Miami-Dade County Daniella Levine Cava di, “Miami-Dade County ap sipòte Pwogram Estaj Ete pou Jèn yo depi yo te lanse li e mwen kontan dèske mwen kenbe angajman sa a e m ap kontinye envesti nan jèn yo… Atravè opòtinite tankou SYIP, elèv nou yo devlope ladrès e yo resevwa fòmasyon pratik ki ap ede yo vin lidè nan nan Miami-Dade County nan lavni. Nou ankouraje jèn nou yo pou yo pwofite bèl opòtinite sa a pou yo ka devlope eksperyans, ekspètiz ak koneksyon yo.”
Rick Beasley, direktè egzekitif CareerSource South Florida di, “Nan pwogram sa a se tout moun ki genyen… Biznis lokal yo ka ogmante kantite anplwaye yo san okenn depans, pandan elèv yo ap resevwa ladrès ak konesans pratik. E, an jeneral, kominote nou an genyen tou lè yo antre nan nivo anplwa debaz nan sa ki konsène fòme bonjan mendèv pou Miami.”
James Haj, prezidan e Direktè Jeneral ‘The Children’s Trust’ di, “Lè patnè SYIP yo te reyini pou planifye repetisyon pou pwogram ane sa a, nou te mande tèt nou kijan nou ka ogmante sansibilizasyon sou inisyativ sa a plis toujou… Lè nou travay avèk moun ki gen enfliyans sou kominote lokal la sa ap ede nou ogmante posiblite pou n gen plis elèv ak biznis. Lè gen plis moun ki okouran de opòtinite sa a pou elèv nou yo, li pi bon pou Miami, jodi a e nan lavni.”
|
| |
|
| |
|
|
|
|
|
| |
|
|
|
| |
| iNspiration |
| |
| Nicole Torres, School for Advanced Studies South, Fondatris ‘Learn to Express’ |
| |
Nicole Torres se yon elèv premye jenerasyon Ameriken orijin Espanyòl, ki nan katriyèm ane lekòl segondè pou Etid Avanse Sid. Paran li yo te imigre soti nan peyi Perou, e li gen yon ti sè ki gen laj 13 an. Li kontan anpil pou viv nan yon peyi ki bay demokrasi ak edikasyon anpil enpòtans e l ap pwofite de tout resous ki disponib pou ede l devlope ladrès e kiryozite li. Nicole te enskri nan inivèsite Harvard pou pran kou ak kredi inivisitè e li te patisipe nan yon varyete pwogram ete tankou “Hispanic Scholaship Fund Youth Leadership Institute” (Bous Etid Fon Espayòl pou Enstiti Jèn Lidè) ak pwogram “LEDA Aspects of Leadership” (LEDA Aspè Pwogram pou Vin Lidè). Nicole se youn nan meyè elèv nan pwomosyon klas li, li klase nan premye 3% elèv pwomosyon klas li avèk yon (‘GPA’ (Mwayèn Jeneral) 5.46 ak plis pase 1,500 èdtan sèvis kominotè. Anvan jen 2022, Nicole ap deja satisfè kondisyon pou toude yon diplòm lekòl segondè ak yon diplòm inivèsitè “Associate of Arts “ (Ansèyman Jeneral).
Nicole angaje anpil nan aktivite lekòl li yo kòm prezidan klib “National English Honor Society” (Sosyete Nasyonal Onè Anglè), Manb Fondatris e Vis-Prezidan ‘Key Club’ ak Anchaj Pwogram Fotografi pou albòm klas pwomosyon an. Andeyò lekòl la, Nicole sèvi kominote li a nan diferan kapasite kòm yon volontè nan Sant Refij pou Animal Domestik nan Doral, manb Konsèy Konsiltatif Jèn pou the Children’s Trust, e li pataje tan ak talan li nan evenman kominotè tankou koleksyon don avèk Dtè. Lubby Navarro e Majistra Daniella Levine Cava. Komisyonè Kionne McGhee chwazi Nicole pou sèvi kòm Komisyonè Jèn yo pou Distri 9 nan Miami-Dade County, pou etidye bezwen kominote a e konvoke reyinyon sou bezwen yo, aktivite, ak enkyetid jèn yo.
Youn nan pi gwo akonplisman Nicole se lè l te kreye yon òganizasyon sèvis kominotè ki rele "Learn to Express." Òganizasyon li a ap opere plizyè pwogram edikasyonèl sou entènèt ki ofri klas pou elèv lekòl elemantè ak lekòl mwayen nan matyè debaz tankou lekti, matematik ak syans ansanm ak ar – chante, danse, jwe pyano, ak atik atizanal. Òganizasyon li a rive nan apeprè kat san timoun avèk sipò volontè nan lekòl segondè ak kolèj ki soti tout kote nan lemond – Arabi Sawoudit, Kanada, Almay, End, e toupatou nan Amerik la. Li te resevwa rekonesans nan men ansyen Sipèentandan M-DCPS Carvalho, ki te ba li Prim “Most Outstanding Youth Volunteer of the Year “ (Jèn Volontè ki Pi Ekstrawòdinè ) pou Ane 2021 an. Depatman Polis Miami-Dade County te rekonèt li kòm youn nan 10 Meyè Gayan Mansyèl pou Desanm 2020 nan Prim “Do The Right Thing Award” (Fè Sa ki Byen). Nicole te resevwa rekonesans tou nan men ‘Today Show’, Fondasyon Bousetid Miami Heat, estasyon radyo ‘Hits 97.3’ ak lòt estasyon nan Amerik Latin nan. Akonplisman akademik Nicole ak travay kominotè li fè te pèmèt li jwenn nominasyon pou prim ‘Silver Knight Business’, kote li te reprezante lekòl li nan konpetisyon ‘The Miami Herald’ te òganize atravè konte a. Aktyèlman, Nicole ap fè estaj nan biwo distri Lekòl Leta Miami-Dade County, kote li patisipe nan seminè sou entènèt avèk manm nan kominote a, administrasyon lekòl ansanm ak elèv, e li sèvi nan ekip travay ki ap seleksyone Meyè Direktè Lekòl ak Asistan Direktè pou Ane a.
Nicole swete pou l kontinye rete yon ajan chanjman e pou li reprezante kominote Espanyòl la lè l vin Direktris Jeneral pwòp konpayi li. Eksperyans Nicole kòm yon lidè, moun k ap defann dwa moun e kòm yon moun ki gen espri ekip enspire li pou l pousuiv etid li nan ekonomi ak politik piblik apre lekòl segondè. Yo aksepte Nicole nan 16 gran inivèsite, tankou Princeton, Johns Hopkins, Duke, Cornell, UC Berkley, UCLA, USC, Vanderbilt, ak University of Pennsylvania: Wharton School.
Nicole gen yon pasyon pou edikasyon, anbisyon pou pèsevere ansanm ak yon lanmou pou sèvi lòt moun. Nou swete l siksè nan tout sa l ap antreprann alavni.
|
| |
|
| |
|
|
|
| |
|
|
| |
|
|
|
| |
|
iNspiration
|
| |
Jesus Lopez, gadyen anchèf nan ‘English Center’, ki se youn nan Sant Edikasyon Adilt M-DCPS yo, nonmen Meyè Anplwaye Sipò AFSCME pou Ane 2022 a. |
| |
|
Jesus Lopez bay plis pase 28 ane sèvis nan M-DCPS. Yo konsidere li kòm yon manb enpòtan nan fonksyònman English Center a epi yo wè li kòm yon espesyalis nan travay li.
Mesye Jesus Lopez te montre devouman li depi moman li te vin fè pati English Center a nan ane 1994 e yo rekonèt li pou pèsonalite li, entegrite ak bon kalite travay ak fason li byen jere ekip gadyen li a. Li montre yon abilite eksepsyonèl nan pwoteje enfrastrikti bilding nan ak nan fason li jere woutin regilye jounen li yo, ki gen ladan reparasyon senp nan machin distribitè yo, ranplase anpoul, pentire ak reparasyon senp nan mozayik ki leve ak lòt ti domaj nan bilding nan.
Mesye Jesus Lopez se premye moun yo rele pou nenpòt bezwen ijan oswa nenpòt pwoblèm ki rive nan English Center a. Li toujou alavangad aprè tout tanpèt twopikal, domaj move tan ak siklòn ki te devaste diferan pati nan achitekti ak teren lakou bilding nan. Li gide ekip li yo avèk anpil ladrès ak entèlijans pandan chak ensidan nan fason li angaje nan jesyon resous ak materyèl yo, li chèche lòt sous pou materyèl travay atravè yon rezo ekip anplwaye gadyen nan kèk lekòl ki travay ansanm.
Mesye Jesus Lopez se yon vrè lidè e yon iNspiration nan M-DCPS.
|
| |
|
| |
|
|
|
| |
|
|
| |
| iNtouch |
| |
| Miami-Dade County Public Schools |
1450 NE 2 Avenue
Miami, Florida 33132 |
| 305-995-1000 |
| dadeschools.net |
| |
|
|
|
|
|
|
| |
|
|
| |
| |
 |
Editors |
| |
|
Denise Landman
Jackie Basallo |
| |
|
|
|
|
|
|
 |
Photography & Graphic Design
|
| |
|
Ruben Gomez
Brandon Cintron Gerena
Arturo Verdecia |
| |
|
|
|
|
| |
|
|
| |
| Copyright © 2021. All rights reserved. |
|
|
|
|
| |
|
|
