|
|
|
|
|
|
|
|
|
|
|
|
|
|
| |
|
|
|
Avèk sezon fèt la ki ap rive sou nou nan mitan yon pandemi global, tan sa a kote jeneralman moun konekte avèk moun yo renmen ap sètènman parèt diferan ane sa a. Poutan, nou dwe met tèt ansanm pou nou rekonèt puisans kolektif nou genyen lè nou ini pou n fè fas ak kriz sante piblik sa a. Ekspè yo prevwa yon ogmantasyon nan ka COVID-19 yo pandan sezon fèt la, men nou ka redui pwopagasyon kontaminasyon an lè nou pran bonjan prekosyon.
“Miami-Dade County Public Schools (M-DCPS)” (Lekòl Leta MiamiDade County) mete ansanm ak Miami-Dade County nan kanpay #WeCanWeWill pou pataje mesaj ijan sa a ansanm, Nou Ka Adapte Nou e N Ap Reyisi leve defi sa a. Kanpay la konsantre sou sansibilizasyon kominotè sou resous sante piblik ak metòd prevansyon COVID-19 la nan pataje mesaj pozitif sou pwoteje youn ak lòt epi pataje istwa rezidan ak biznis nan kominote a ki fè anpil efò pou redui ka COVID-19 yo. Nou envite kominote a rantre nan konvèsasyon an, pataje pwòp mesaj yo nan sèvi avèk hashtag “#WeCanWeWill” (#NouKapabNapRive). An nou pran angajman pou n travay ansanm pou n kenbe kominote nou an an sekirite.
|
| |
|
| |
|
|
|
|
|
| |
|
|
| Keseswa an pèsòn oubyen sou entènèt, li enpòtan pou nou #SHOWUPMDCPS |
| |
|
|
|
Nèf mwa de sa, “Miami-Dade County Public Schools (M-DCPS)” (Lekòl Leta Miami-Dade County) te met ansanm ak plizyè santèn distri lekòl atravè lemond lè li te oblije fèmen etablisman li yo fizikman e fè tranzisyon nan aprantisaj a distans akòz pandemi COVID-19 la. Kantite tan elèv yo fè san pwofesè, san aprantisaj fasafas nan bilding lekòl yo fòse elèv yo fè fas ak gwo presyon, ki pral san dout lakoz yo tonbe nan defisyans akademik. Pou anpil elèv, patikilyèman sa ki pi jèn yo, sa pral debouche sètènman sou agravasyon yon eka nan akonplisman/opòtinite pou elèv. Pou adrese defisyans sa yo, Distri a kontwole e analize avèk atansyon enfòmasyon konsènan elèv yo. Li evidan, prezans se faktè debaz nan siksè elèv. Elèv ki gen reta oubyen absans eksesif nan pwogram ansèyman an ap rete dèyè nan akonplisman akademik yo. Absans eksesif nan lekòl se endikasyon pou move nòt, pèt enterè e sa ka lakoz elèv kite lekòl.
Kòm rezilta, M-DCPS devlope yon varyete inisyativ ak zouti ki fèt pou amelyore prezans elèv yo.
Pwogram nan Lekòl yo pou Sipò Prezans, ki gen ladan apèl pèsonèl lakay la; vizit lakay; konferans paran; referans oswa sèvis; reyinyon komite revizyon prezans lan; reyinyon ak fanmi yo pou devlope yon plan sipò; epi mete an plas ankourajman pou konsantre sou klima lekòl la.
Entèvansyon Lekòl ki Vize avèk Sipò Ekstèn/Kominotè, ki baze sou estrateji ki dekri anwo yo, plan sa a gen ladan sipò pou lekòl yo lokalize ak angaje elèv yo ak fanmi yo; bay elèv yo konsèy; ak sipò Sèvis Sante Mantal Distri a, Polis Lekòl Miami-Dade yo ak Operasyon Lekòl yo, ansanm ak òganizasyon kominotè ki ofri e bay pwogram edikasyon ak sèvis kounye a.
Entèvansyon Entansif nan Lekòl yo ak Kominote yo, ki bay jesyon entansif pou ka kowòdone ak Rejyon, Distri, Lapolis Lekòl la ak òganizasyon kominotè yo. Epitou, nan nivo sa a, ajans piblik yo, tankou otorite lojman piblik yo, minisipalite yo ak Depatman Timoun ak Fanmi yo ap travay pou ede jwenn elèv ki dezenterese yo.
Kanpay Kominikasyon, ki gen ladan mesaj jeneral pou elèv pou ankouraje yo pou #ShowUpMDCPS, se yon estrateji angajman ki ankouraje elèv yo afiche ‘selfies’ (foto) yo nan lekòl lè yo sèvi ak ‘ashtag’ #IWishYouWereHereMDCPS, ansanm ak, enplemantasyon angajman medya kominotè espesifik nan plizyè lang. Nou bezwen sipò kominote a pou asire timoun yo lekòl, keseswa se an pèsòn, oubyen sou entènèt, angaje e aprann. Nou konte sou ou! |
| |
|
|
| |
|
|
|
|
| |
| M-DCPS Ap Kontinye Sèvi Timoun Manje Gratis Jis Rive nan Fen Ane Lekòl 2020-2021 |
| |
|
|
“The U.S. Department of Agriculture (USDA)” (Depatman Agrikilti Etazini) anonse li ap pwolonje dispans pou fleksibilite repa ete yo, ki ap pèmèt “Miami-Dade County Public Schools (M-DCPS)” (Lekòl Leta Miami-Dade County) kontinye sèvi manje gratis pou tout timoun pandan tout ane lekòl 2020-2021 an.
Règleman Elijibilite dispans pou timoun ki anba 18 ane yo enpòtan sitou pou kominote ki gen anpil bezwen yo tankou Miami-Dade County. M-DCPS toujou ofri dejene gratis pou tout elèv, men dispans federal sa a pral pèmèt lekòl yo sèvi dejene gratis ak repa midi bay tout timoun, kèlkeswa kondisyon sosyo ekonomik fanmi yo. Sa ap ede nou asire tout timoun yo jwenn aksè a manje nourisan pandan moman difisil sa a nan kominote nou an.
M-DCPS ap kontinye distribye manje bay elèv nan tout andwa lekòl yo. Distribisyon manje tou pake pou ale lakay ap fèt madi ak jedi, soti 4è nan aprèmidi pou 5:30 nan aprèmidi.
USDA mande pou paran/adilt yo bay prèv idantifikasyon valab pou fè konnen manje yo se pou timoun 18 ane oubyen pi jèn, si timoun nan pa akonpaye yo pandan distribisyon an. Idantifikasyon yo ka sou fòm yon kat ID, kanè, oubyen rapò pwogrè elèv la.
Ensekirite alimantè se yon reyalite nan kominote nou an. Anpil fanmi konte sou manje lekòl yo bay kòm youn nan sèl sous ki konsistan nan manje nourisan pou timoun yo. M-DCPS pa te ezite nan angajman li pou sipòte elèv yo ak fanmi yo, bay plis pase 10 milyon repa depi lekòl yo te fèmen nan mwa mas.
|
| |
|
| |
|
|
|
|
|
|
|
| |
|
|
|
Lekòl Leta Miami-Dade County ofri yon gran varyete chwa inovatif ki gen plis pase 380 pwogram Magnet espesyalize nan plis pase 110 lekòl. Pwogram sa yo ofri kou espesyalize nan etid ki satisfè enterè akademik elèv yo ak objektif aprantisaj obligatwa pandan y ap ankouraje divèsite. Kèk pwogram aksepte tout elèv ki enterese; lòt pwogram gen kritè antre espesifik. Gen Lekòl Magnet/Pwogram pou elèv ki gen kat (4) oubyen pi jèn e pèmèt elèv yo chwazi yon lekòl andeyò limit zòn yo abite a.
Pou aprann plis sou Pwogram Magnet nou yo e pou aplike, fanmi yo dwe vizite sit entènèt “School Choice & Parental Options” (Chwa Lekòl ak Opsyon Paran) nan www.miamimagnets.org Peryòd aplikasyon pou pwochèn ane lekòl 2020-2021 la ap ouvri jiska 15 janvye 2021.
|
| |
|
| |
|
|
|
|
|
| |
| iNtouch |
| |
| Miami-Dade County Public Schools |
1450 NE 2 Avenue
Miami, Florida 33132 |
| 305-995-1000 |
| dadeschools.net |
| |
|
|
|
|
|
|
| |
|
|
| |
| |
 |
Editors |
| |
|
Daisy Gonzalez-Diego
Denise Landman
Jackie Basallo |
| |
|
|
|
|
|
|
 |
Photography & Graphic Design
|
| |
|
Danny Martinez
Arturo Verdecia |
| |
|
|
|
|
| |
|
|
| |
| Copyright © 2020 . All rights reserved. |
|
|
|
|
| |
|
|
