Sipèentandan Lekòl yo Alberto M. Carvalho, manm Komisyon Konsèy Lekòl Miami-Dade, administratè distri lekòl ak sitwayen ki enterese
Sipèentandan an Pral Fè Prezantasyon Espesyal pou Rekonèt Manm “M-DCPS Angel Patrol” (Patwouy Zanj M-DCPS)
Mèkredi 9 mas 2016
11è dimaten
School Board Administration Building, Auditorium
1450 N.E. Second Ave.
Miami, FL 33132
Sipèentandan Carvalho pral onore 10 filantwòp lokal – yo rele “Angel Patrol”, paske yo toujou devan pou pran swen elèv ki nan nesesite nan distri a.
· Karen ak Jonathan Fryd – “South Florida Youth Foundation” (Fondasyon Jèn Sid Florid) te bay plizyè milye dola pou ede plizyè santèn elèv ki sanzabri e ki nan nesesite atravè fondasyon an, men ki osi enpòtan, avèk patisipasyon pèsonèl yo.
· Mark ak Honey Revitz – Vista Memorial Park – fè plizyè douzèn fineray ak antèman san touche pou timoun paran yo pa gen mwayen pou peye sèvis yo.
· Paulette Pfeiffer – “Silent Victims of Crime” (Viktim Krim Silansye) – responsabilize timoun paran yo nan prizon atravè konsèy pozitif e arichisman edikasyonèl. Li kolabore avèk prizon lokal pou patwone dans ak evènman papa/pitit fi e evènman ki ini pitit gason ak papa yo.
· Gloria Tucker ak Ekip Magazen Macy’s Miami Beach la ede elèv ki sanzabri rete alamòd avèk likidasyon nan Macy’s ak “fashion shows” (defile mòd) atravè Pwojè “UP-START”.
· Julie Grimes Heafey se yon defansè atravè akademi ospitalite nou yo, e li patisipe dirèkteman nan lekòl yo nan ede elèv yo e avèk “Foundation for Educational Initiatives, Inc.” (Fondasyon pou Inisyativ nan Edikasyon, Enkòpore)
· Melissa Mc Caughan White – Fondasyon Key Biscayne – konekte òganizasyon avèk lekòl leta Miami-Dade yo. Li ede kreye yon inisyativ jimlaj ant Key Biscayne ak Liberty City pou ede finanse pwojè pou tout elèv ka gen menm eksperyans lekòl.
· John Batchelor - Fondasyon Batchelor – finanse yon pwogram ki anseye ladrès patisri pou jèn adilt ki gen bezwen espesyal. Li finanse Pwojè UP-START tou ki sipòte elèv ki sanzabri.
· Matthew Foreman - Himan Brown Charitable Trust (Fon Charitab ‘Himan Brown’) – sipòte lekòl endividyèl atravè konte a e bay fon pou diferan pwojè tankou pwogram aprè lekòl e li se sèl finansè pwogram sansibilizasyon ti jèn nan: “Girl Power” (Pouvwa Fi). Konpayi a fè patenerya tou avèk pwogram ki fè “matching” (matche) “Key to Giving” (Bay se Kle) pou matche 100 pousan donasyon bay 16 òganizasyon.
Diana Venturini, Direktris, Devlopman Fon ak Resous, Biwo Angajman Kominotè, 305-995-1367; DVenturini@dadeschools.net.
