Sipèentandan Lekòl Leta Miami-Dade County, anplwaye, elèv, paran ak manm kominotè ki enterese

Defi 5K Sipèentandan an – Yon Kous pou Edikasyon

Samdi 4 Mas 2023

6è dimaten – Midi

Kous la ap kòmanse a 7:30 dimaten

Dan Paul Plaza

400 N.E. 8th St., Miami, FL 33130

Dirèkteman dèyè do Miami Dade Arena a (kote Miami HEAT) konn jwe a.

The "Foundation for New Education Initiatives (FNEI)" (Fondasyon pou Nouvo Inisyativ nan Edikasyon) ap prezante 8èm edisyon Kous Anyèl pou Edikasyon pou benefisye lekòl piblik lokal yo. FNEI ap bay lekòl ki patisipe yo yon pousantaj nan benefis kous yo daprè kantite oubyen patisipan chak ekip lekòl enskri.

Pou w enskri vizite: runsignup.com/Race/FL/Miami/Super5KRaceForEducation

Kous 5K (3.1 'miles') la ap kòmanse e fini nan Dan Paul Plaza, ki dèyè do Miami Dade Arena (kote ekip baskètbòl Miami HEAT konn jwe a) e ki sou kote Biscayne Bay a. Wout la ap kòmanse a lès nan N.E. 8th St., li ap vire nò sou Biscayne Blvd., epi tounen a lès sou MacArthur Causeway, epi fè yon wonn sou Watson Island anvan li retounen ale nan Plaza a.

Adilt ka enskri kòm yon Kourè/Machè avèk yon frè enskripsyon $30.00 + $2.80.

Elèv gen twa opsyon pou yo chwazi: Kous 5K, Kous 1-'mile' (apeprè yon kilomèt), e Kous pou Timoun ant 2-9 an. Enskripsyon pou chak opsyon timoun se $10.00 + $1.60 frè enskripsyon. Patisipan yo ka enskri poukont yo oubyen jwenn avèk yon ekip ki deja egziste.

Pri a ap ogmante apre samdi 18 fevriye 2023, aprè 11:59 diswa.

Pou nenpòt kesyon oswa konsèn, tanpri imèl: superintendent5k@gmail.com