Lekòl Mwayen Lawton Chiles Devwale Espas pou yon Sant Medya Modèn

Yon seremoni koupe riban te fèt yè maten pou devwale yon sant medya tounèf, ranpli ak teknoliji nan Lekòl Mwayen Lawton Chiles. Jiska dat jodi a, lekòl sa a se dènye etablisman nan “Lekòl Leta Miami-Dade County Public Schools (M-DCPS)” (Lekòl Leta Miami-Dade County) ki ap patisipe nan inisyativ “Middle School Redesign (MSR)” (Redevlopman Lekòl Mwayen), ki modènize espas yo avèk koulè briyan, nouvo mèb konfòtab, ekipman (VR) reyalite vityèl, tablo ‘Promethean’, yon seksyon wobotik ak plis pase yon douzèn estasyon pou òdinatè.

Inisyativ sa a te vin posib gras ak yon patenarya $2 milyon ant M-DCPS, Fondasyon ‘College Football Playoff’ ak “College Football Playoff National Championship Game Host Committee (CFPNCG)” (Komite Akèy Chanpyona Eliminatwa Foutbòl Kolèj Nasyonal) pou ane 2021 an.

Elèv uityèm ane Kennedy Granville, youn nan elèv ki te pale pandan seremoni an, te sèlman eksprime satisfaksyon li pou nouvo sant medya sa a, “Mwen panse fiti ‘Eagles’ yo pral gen yon nouvo espas inovasyon ki konplè pou yo, pou aprann e pou yo fè pratikman tout bagay.”

Sipèentandan Lekòl yo Alberto M. Carvalho, ak Direktris Lekòl Mwayen Lawton Chiles Stephanie M. Tudor te akonpaye avèk Prezidan Eli Komite Orange Bowl la (OBC) Frank Gonzalez, Direktè Jeneral OBC Eric Poms ak Thomas Abraham, Chèmann Fondasyon  Anthony Abraham pou devwale sant medya sa a ofisyèlman.

Pwofesè nan Lekòl Mwayen yo eksprime kontantman yo tou pou nouvo espas modèn sa a. Enstriktè Syans ak Wobotik Patricia Bennett di, “Sa se yon espas eksepsyonèl nou pral byen itilize. Teknoloji se lavni! Elèv mwen yo itilize l pou fè rechèch, gade, aprann e antre nan pwosesis syans jeni an. Chak fwa yo wè yon nouvo bagay ki eksite yo, y al eseye li. Elèv mwen yo se timoun ekstraòdinè e mwen konnen yo pral byen itilize espas sa a.”