“Miami-Dade County Public Schools (M-DCPS)”
(Lekòl Leta Miami-Dade County) pral agrandi pwogram vaksinasyon volontè
COVID-19 li a pou li ajoute tout timoun ki gen laj 5-11 an. M-DCPS ap fè
patenarya avèk Miami-Dade County (MDC), ‘The Children’s Trust’, ‘Florida
Department of Health (FDOH)’, ‘University of Miami Health System (UHealth)
Pediatric Mobile Clinic’, ‘Jessie Trice Community Health Center (JTCHC)’ ak ‘Community
Health of South Florida (CHI)’ pou ofri vaksen yo nan pllizyè douzèn lekòl
atravè Distri a.
Andwa Klinik Mobil
Pedyatrik UHealth yo pral ofri vaksen COVID-19 ansanm ak vaksen kont grip la,
vaksen obligatwa lekòl yo, ak tès COVID-19. Anplis, Miami-Dade County pral ofri
vaksen COVID-19 bay timoun ak adilt nan kominote nou an nan divès andwa lekòl. Tout
moun ki poko gen 18 ane ki ap pran vaksen dwe akonpaye ak yon paran oswa yon
gadyen. Nou ankouraje ou pran yon randevou davans sou entènèt lè w vizite https://public.domo.com/cards/jR8l5
Ou ap jwenn atachman
feyè yo ann Anglè, Espanyòl ak Kreyòl ki gen lis andwa yo, dat ak lè yo ap bay
vaksen yo pou tout mwa novanm nan ki ap disponib pou kominote an.
Pou elijib pou
vaksen COVID-19 la, elèv yo DWE gen omwen senk ane nan jou yo ap resevwa li a.
Yo dwe deja genyen tou depistaj vaksen COVID-19 la ak fòm konsantman an, ki ap
disponib nan andwa yo. Nou ap akeyi elèv yo san randevou.
Atravè patenarya
avèk FDOH, JTCHC ak CHI, nou ap ofri vaksen pedyatrik COVID-19 tou bay elèv nan
kèk andwa lekòl nou chwazi. Lekòl la ap kontakte elèv ki elijib yo. Paran elèv
ki ap pran vaksen an nan lekòl yo chwazi yo pa bezwen prezan, men yo dwe ranpli
epi retounen depistaj vaksen an ak konsantman yo nan lekòl pitit yo a.
Pou
dènye enfòmasyon yo an Kreyòl, silvouplè branche sou Radyo Lekòl lendi –
vandredi a 9è diswa sou WLRN 91.3FM, ak mèkredi 10:30 dimaten sou WSRF 1580AM,
e 6è diswa sou RCH 23 1610AM.
Silvouplè telechaje aplikasyon
mobil Dadeschools la sou aparèy iPhone oubyen Android ou. Suiv nou sou Twitter
nan @mdcps ak @miamisup, sou Instagram nan @miamischools ak @miamisup, e sou Facebook nan MiamiSchools ak AlbertoCarvalho
Nòt Editè a: Atachman feyè
# # #
21-DGD/054/JC/SD/RD