Yon seremoni
koupe riban te fèt maten an pou devwale yon sant medya tounèf, ranpli ak
teknoliji nan Lekòl Mwayen Miami Beach Nautilus. Jiska dat jodi a, lekòl sa a
se dènye etablisman nan “Miami-Dade County Public Schools (M-DCPS)” (Lekòl Leta
Miami-Dade County) ki ap patisipe nan inisyativ “Middle School Redesign (MSR)”
(Redevlopman Lekòl Mwayen), ki modènize espas yo avèk koulè briyan, nouvo mèb
konfòtab, ekipman (VR) reyalite vityèl, tablo ‘Promethean’, yon seksyon wobotik
ak plis pase yon douzèn estasyon pou òdinatè.
Inisyativ sa a
te vin posib gras ak yon patenarya $2 milyon ant M-DCPS, Fondasyon
‘College Football Playoff’ ak “College Football Playoff National
Championship Game Host Committee (CFPNCG)” (Komite Akèy Chanpyona Eliminatwa
Foutbòl Kolèj Nasyonal) pou ane 2021 an.
Anpil elèv nan
klas wobotik yo te kontan anpil avèk nouvo sant medya a. Simon Paley, yon elèv
uityèm ane di “Nouvo sant modèn sa a ouvri anpil opòtinite pou nou e li pèmèt
nou pratike wobotik isit la. Sèl opsyon nou te genyen anvan sa te yon klib, men
kounye a nou gen yon vrè klas. Nou ka eseye plizyè pratik alafwa pou teste diferan
wobo.”
Sipèentandan Lekòl yo Alberto M. Carvalho, Manm Komisyon Konsèy Lekòl la Lucia Baez-Geller ak Direktris Lekòl Mwayen Miami Beach Nautilus Mary V. Murphy te akonpaye avèk Direktè Jeneral OBC Eric Poms, Manm Komite Orange Bowl la (OBC) Adolfo Henriques, ak Direktè Egzekitif Fondasyon ‘College Football Playoff’ Britton Banowsky, pou devwale sant medya sa a ofisyèlman.
Nan foto a, nan mitan
avèk sizo a: Direktris Lekòl Mwayen Nautilus, Murphy, Manm Komisyon Konsèy Lekòl Baez-Geller ak Sipèentandan Carvalho, te
akonpanye avèk patnè ak anplwaye distri a, pwofesè lekòl la, elèv ak maskòt ‘Orange
Bowl’ “Obie” pou louvri nouvo sant medya a ofisyèlman.
Tessa Lake, yon
elèv uityèm ane, panse sant medya sa a enpòtan pou plizyè rezon. Li di ”Sant la
espesyal paske anpil moun travay byen di pou rive kote nou ye jodi a. Se trè
enpòtan paske sant medya a bèl anpil, li parèt modèn anpil epi koulè yo itilize
yo ekstrawòdinè. Mwen renmen l paske li gen anpil espas epi jan li byen òganize.
Mwen kontan anpil. Ti frè m nan apèn kòmanse 6èm ane nan lekòl mwayen, l ap gen
pou l pase twa (3) ane ak nouvo sant medya sa a, se vrèman enteresan.
Patnè yo pral kontinye
devwale nouvo pwojè pandan tout ane a pou sipòte inisyativ MSR Distri a, ki fèt
pou satisfè bezwen san parèy pwofesè ak elèv yo nan domèn sosyal, emosyonèl, ak
akademik.
Pou de`nye
enfo`masyon yo an Kreyo`l, silvouple` branche sou Radyo Leko`l lendi - vandredi
a 9e` diswa sou WLRN 91.3FM, ak me`kredi 10:30 dimaten sou WSRF 1580AM, e 6e`
diswa sou RCH 23 1610AM.
Silvouplè telechaje aplikasyon mobil Dadeschools la
sou aparèy iPhone oubyen Android ou. Suiv
nou sou Twitter nan @mdcps ak @miamisup, sou Instagram nan @miamischools ak @miamisup, e sou Facebook nan MiamiSchools ak AlbertoCarvalho
# # #
# # #
21-DGD/058/HD/RD/CM