De Ekip Elèv nan Lekòl Segondè Alonzo & Tracy Mourning Ranpòte Plizyè Prim nan Konpetisyon Byenfezans FTX Hackathon

GAYAN: Asistan Lekòl Segondè Alonzo and Tracy Mourning Eddie Medina;

Meyè Pwofesè pou Ane 2019 nan e Antrenè Molly Winters Diallo;

Manm ekip yo: Anthony Vega, Lucas Caicedo, Andres Gonzalez ak Michael McKenzie; ak

Ofisye Resous Imèn Dtè. Dawn M. Baglos.

De (2) ekip elèv Lekòl Segondè Alonzo and Tracy Mourning nan "Miami-Dade County Public Schools’ (M-DCPS)" (Lekòl Leta Miami-Dade County) te patisipe nan konpetisyon kont twa lòt ekip – de ki soti nan Konte Broward ak youn ki soti nan Konte Palm Beach County – yo mete meyè ide yo ansanm pou amelyore sante mantal e fizik nan "FTX Charity Hackathon" (Konpetisyon Byenfezans FTX), dimanch dènye.

Se Chèmann Depatman Syans Sosyal e Meyè Pwofesè M-DCPS pou Ane 2019 la, Molly Winters Diallo, ki te antrene toude ekip yo. Li te transfòme konpetisyon an pou fè l tounen yon pwojè pou klas la.

Ekip “Social Seniors” la resevwa vòt jij yo e li genyen premye plas la ansanm ak yon ekip Broward. De ekip yo ranpòte $500,000 pou lanse pwojè a. Prim nan pral ede yo mete ide yo genyen nan  domèn teknoloji pou sante mantal – yon inisyativ ki asosye elèv dènye ane lekòl segondè avèk moun ki aje pou yo ka konekte fòmasyon teknolojik ak sèvis kominotè – sou mache a. Pwogram sa a pral pèmèt patisipan yo kiltive bonjan relasyon, aprann ladrès ki ap ede yo nan lavi, ansanm ak kreye memwa k ap dire lontan e ki ap bon pou sante mantal ak byennèt toude pati yo. Pami manm ekip yo genyen elèv 11èm ane Anthony Vega, Michael McKenzie, Andres Gonzalez, ak Lucas Caicedo.

Ekip “Hear Me Out” la te resevwa vòt piblik la e li te ranpòte prim $50,000 a pou ede yo reyalize pwogram terapi mizikal yo a, ki asosye elèv lekòl segondè avèk elèv lekòl mwayen nan yon pwogram apre lekòl ki fè lyen avèk enstriman ansanm ak aplikasyon mizik dijital. Manm ekip yo, Megan Pierre, Kaley Reinhartz, Alannah Williams, Vallentina Oliveira ak Andres Bonilla, yo tout se elèv 11èm ane lekòl segondè.    

Tout manm ekip ki nan senk premye plas yo te resevwa tou $15,000 pou bousdetid. Panèl selebrite a te gen ladan jij Kevin O’Leary ki soti nan Chèn Televizyon “Shark Tank,” vedèt baskètbòl Miami HEAT Udonis Haslem, ansyen jwè bezbòl premye divizyon David Ortiz ak comedyen Whitney Cummings.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou Twitter nan @mdcps ak @suptdotres, sou Instagram nan @miamischools ak @suptdotres, sou Facebook nan MiamiSchools.