Komisyon Konsèy Lekòl la Bay Kontra Konstriksyon pou De Pwojè GOB ki Vo Apeprè $14.5 milyon

Nan reyinyon regilye li fè chak mwa a, Komisyon Konsèy Lekòl Miami-Dade bay de (2)   konpayi kontra konstriksyon pou konplete pwojè “General Obligation Bond (GOB)” (Bon Obligasyon Jeneral) nan Lekòl Segondè J.C. Bermudez Doral ak Sant K-8 Henry E. S. Reeves ki vo apeprè $14.5 milyon dola.

Lekòl Segondè J.C. Bermudez Doral – Se konpayi Burke Construction Group, Inc ki resevwa kontra konstriksyon pou pwojè renovasyon ak teren jwèt nan Lekòl Segondè J.C. Bermudez Doral. Lekòl la ki te bati an 2001, gen ladan de (2) kanpous pèmanan ki chita sou apeprè 18 ekta tè. Etablisman an gen kapasite pou 1,181 plas pou elèv e kantite sa a ap rete menm jan aprè pwojè a fini.

Dimansyon pwojè a gen ladan yon nouvo teren bezbòl, teren sòfbòl ak yon teren futbòl; teren baskètbòl, ban pou piblik la, ban pou jwè, yon espas agrikòl, yon jaden enteryè, ak yon refij pou animal.

Alokasyon total pou Pwojè a – $ 3.4 milyon                               L ap Fini – Novanm 2022

Patisipasyon total soutretans “Small/Micro Business Enterprise (S/MBE)” (Antrepriz Ti Biznis/Mikwo Biznis): 17.39 pousan

Patisipasyon total soutretans “Minority/Women Business Enterprise (M/WBE)” (Antrepriz Minoritè/Antrepriz Fi Posede): 4.55 pousan

Sant K-8 Henry E. S. Reeves – Se Thornton Construction Company, Inc ki resevwa kontra konstriksyon pwojè pou ajoute konvèsyon nan Sant K-8 Henry E. S. Reeves. Kanpous aktyèl lekòl la ki te bati an 1995, gen ladan 7 edifis pèmanan ki chita sou yon pasèl apeprè 13 ekta tè. Etablisman an gen ladan 673 plas pou elèv, ki pral ogmante a 1,138 plas pou elèv lè pwojè a fini.

Dimansyon travay pou pwojè sa a gen ladan konstriksyon yon nouvo bilding pou yon salklas de (2) etaj, ki gen kapasite pou 465 nouvo plas pou elèv, ak salklas, yon espas pou administrasyon, yon kazye pou elèv, yon laboratwa enfòmatik, yon estidyo ar dijital, yon salklas pou travay ann ekip, laboratwa syans, teren baskètbòl, yon kafeterya ak pakin.

Total Alokasyon pou Pwojè a - $11.1 milyon                              L ap Fini – Me 2023

Patisipasyon total soutretans “Small/Micro Business Enterprise (S/MBE)” (Antrepriz Ti Biznis/Mikwo Biznis): 16.85 pousan

Patisipasyon total soutretans “Minority/Women Business Enterprise (M/WBE)” (Antrepriz Minoritè/Antrepriz Fi Posede): 8.68 pousan.

An 2012, votè yo te apwouve an gran nonb pwojè GOB a pou renove, remodle ak ranplase lekòl; ogmante kapasite lekòl yo pou pran plis elèv; amelyore sekirite; epi ofri amelyorasyon teknolojik nan tout lekòl.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou Twitter nan @mdcps ak @supdotres, sou Instagram nan @miamischools ak @suptdotres, e sou Facebook nan MiamiSchools.