Depatman Polis Lekòl Miami-Dade Jwenn Re-Akreditasyon

“The Florida Law Enforcement Accreditation (CFA)” (Komisyon pou Akreditasyon Polis Florid la) te ofisyèlman re-akredite “The Miami-Dade Schools Police Department (MDSPD)” (Depatman Polis Lekòl Miami-Dade) paske li konfòme l totalman avèk tout 178 estanda règleman ki an vigè yo evalye yo. Anpil nan estanda yo esansyèl pou pwoblèm lavi, sante ak sekirite.

Se dezyèm fwa MDSPD satifè kondisyon kalifikasyon pou re-akreditasyon. MDSPD se youn nan sèlman de (2) depatman polis lekòl nan Florid ki resevwa sètifikasyon akredite distenge konplè nan men CFA a. Sètifikasyon MDSPD a valab pou twazan e se yon rekonesans ki gen anpil valè nan ekselans pwofesyonèl lapolis.

Akreditasyon CFA a ogmante kapasite ajans lapolis la pou anpeche ak kontwole krim atravè livrezon sèvis polis ki pi efikas e pi efektif nan kominote a. Li amelyore e ogmante nivo konpreyansyon kominote a sou ajans lapolis la, wòl li nan kominote a, ak bi ak objektif li yo. Li kreye yon fowòm kote lapolis ak sitwayen travay ansanm pou kontwole ak anpeche krim e konprann defi ajans lapolis la fè fas a.

Yo rekonèt CFA kòm premye pwogram akreditasyon pou ajans polis nan peyi a. MDSPD se pi gwo depatman Polis Lekòl Ozetazini. Komisyon Edikasyon Dade County te fonde depatman an nan 1957, Depatman Polis sa a gen prèske 500 ofisye ki pwoteje lavi elèv ak anplwaye Lekòl Leta Miami-Dade County yo.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou Twitter nan @mdcps ak @suptdotres,, sou Instagram nan @miamischools e @suptdotres, sou Facebook nan MiamiSchools.