“Miami-Dade County Public Schools (M-DCPS)” (Lekòl Leta Miami-Dade
County) kontinye fè patenarya avèk “University of Miami Health System (UHealth)
Pediatric Mobil Clinic” (Klinik Inite Pedyatrik Mobil Sistèm Sante ‘University
of Miami’) pou ofri vaksen obligatwa pou rantre lekòl, vaksen ak tès nan plizyè
douzèn lekòl atravè Distri a.
Klinik Inite Pedyatrik Mobil UHealth pral ofri tou vaksen obligatwa pou
rantre lekòl nan ane eskolè 2022-2023 a, pou elèv ki pral kòmanse Jadendanfan
ak klas setyèm ane nan otòn k ap vini an, oubyen pou nenpòt elèv ki manke yon
vaksen pou rantre lekòl. Paran yo ka evite ankonbreman pandan ete a nan
vaksinen pitit yo pandan ete a.
UHealth pral ofri tou vaksen COVID-19 la ansanm ak vaksen kont grip la ak
tès COVID-19. Twazyèm dòz vaksen COVID-19 la disponib tou pou elèv ki elijib
yo.
Pou elèv yo elijib pou vaksen COVID-19 la, yo DWE gen laj sis (6) mwa
omwen nan jou y ap resevwa vaksen an. Yo dwe ranpli yon fòm depistaj ak
konsantman pou vaksen COVID-19 la, ki ap disponib nan andwa y ap bay vaksen an.
Randevou pa nesesè pou resevwa vaksen an.
Nou mete feyè nan atachman an ann Anglè, ann Espanyòl ak an Kreyòl ki gen
tout andwa, orè, ak lè ki disponib pandan tout mwa Jiyè a pou kominote a.
Pou dènye enfòmasyon yo an Kreyòl, silvouplè
branche sou Radyo Lekòl lendi - vandredi a 9è diswa sou WLRN 91.3 FM, ak
mèkredi 10:30 dimaten sou WSRF 1580AM, e 6è diswa sou RCH 23 1610AM.
Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou Twitter nan @mdcps ak @suptdotres,, sou Instagram nan @miamischools e @suptdotres, sou Facebook nan MiamiSchools.
Remak Editè a: Nou atache feyè yo
# # #
22-VSP/145/HD/RD/SD