Pwogram pou Pa Peye Taks sou Founiti Klasik pou Ouvèti Lekòl la Ap Kòmanse 25 Jiyè pou Fini 7 Out

Eta Florid pap kolekte taks sou lavant oswa opsyon taks lokal yo pandan peryòd sa a sou vant atik sa yo:

·      Acha rad, soulye, ak sèten akseswa ki vann $100 dola oswa mwens pou chak atik*

·      Sèten founiti klasik ki vann $50 dola oswa mwens pou chak atik

·      Materyèl pou aprantisaj ak jwèt puzzle ki vann pou $30 dola oswa mwens *

·      Òdinatè pèsonèl ak kèk akseswa pou òdinatè ki nan pri $1,500 dola oswa mwens, lè w achte yon òdinatè pou sèvi lakay oswa bezwen pèsonèl ki pa sèvi pou komès.

Pami founiti klasik yo otorize yo gen: klasè, kalkilatris, kreyon koulè, kreyon, plim, papye konstriksyon, bwat pou repa midi, kaye ansanm ak blòk nòt, lakòl, kòl pou papye, papye afich, règ ak sizo.

Men kèk egzanp founiti klasik ki peye taks: plim pou efase; riban adezif; enprimant ak papye pou enprime; agrafez ak agraf.

Klike la a pou w wè atik espesifik e pou w jwenn yon lis an PDF pou tout atik ou pap peye taks sou lavant pou yo.

Pwopozisyon Chèmann Komisyon Konsèy Lekòl Miami-Dade la, Perla Tabares Hantman, pou ankouraje pwomosyon pwogram sa a pou fanmi yo, te jwenn sipò kòlèg li yo nan Komisyon Konsèy Lekòl la nan reyinyon regilye mwa jen 2022 a.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou Twitter nan @mdcps ak @suptdotres, sou Instagram nan @miamischools e @suptdotres, sou Facebook nan MiamiSchools.