“Magnet Schools Assistance Program (MSAP)” (Pwogram Asistans Lekòl
Magnet) ki fè pati “U.S. Department of Education’s (ED)” (Depatman Edikasyon
Etazini) bay “Miami-Dade County Public Schools (M-DCPS)” (Lekòl Leta Miami-Dade
County) yon sibvansyon $15 milyon. Objektif prensipal sibvansyon MSAP a se pou elimine,
diminye, oswa anpeche izolasyon gwoup minoritè yo nan lekòl elemantè ak segondè
pandan y ap ranfòse siksè akademik elèv yo. Yo chwazi M-DCPS kòm youn nan 19
benefisyè nan yon pwosesis konpetitif pou finanse twa nouvo pwogram magnet nan
tout lekòl K-8 ki pral ofri yon pwogram etid totalman enklizif.
Biwo Chwa Lekòl ak Opsyon Paran pral re-imajine de (2) sant K-8 ki
egziste deja, Thomas Jefferson Biscayne Gardens K-8 Academy ak Bowman Foster
Ashe/Doolin K-8 Academy, epi re-imajine Lekòl Elemantè Citrus Grove ak Lekòl
Mwayen Citrus Grove pou tounen yon nouvo sant K-8.
Chak Pwojè lekòl K-8 STArts2 yo pral angaje elèv yo nan Syans, Teknoloji,
ak Ar avèk yon konsantrasyon sou Eksplorasyon ak Inovasyon Pwodiksyon Mizik
Digital. Yo kreye pwojè sa a pou ogmante rijidite akademik, enspire enterè nan
karyè STEAM yo, ak pwomote pi gwo siksè akademik nan kreye yon lekòl magnet ki totalman
enklizif nan tout lekòl la ki pral sèvi tout elèv ki aplike nan limit lekòl la
ak elèv ki aplike pou lekòl magnet nan klas K-8 san distenksyon. Pwogram rijid STArts2
yo etabli yon seri kourikoulòm STEAM K-8 pou elèv ka jwenn aksè jeneral, avanse,
ak pwen aksè nan kourikoulòm STEAM yo.
Pwojè STArts2, ki se premye nan kalite sa a, fè listwa nan M-DCPS nan fasilite
ouvètman aksè ak sipò akademik endividyèl pou elèv ki nan Edikasyon Elèv
Eksepsyonèl ak elèv k ap aprann lang Anglè pou yo pwospere nan yon lekòl yo
chwazi. Atravè pwogram sa a ki pa gen okenn kritè elijibilite, tout elèv ap elijib
pou patisipe nan aprantisaj Magnet STEAM kèlkeswa kapasite oswa konpetans yo.
Pwojè STArts2 a pral ankouraje kreyativite ak devlopman ladrès 21èm syèk
atravè entèraksyon nan salklas, kolaborasyon aprantisaj a distans ak/oswa yon
fason ki melanje, ansanm ak opòtinite aprantisaj pou jwenn eksperyans pratik
nan andwa aprantisaj la. Yo pral fasilite aprantisaj otantik ak kolaborasyon nan
aplike pratik ansèyman ki baze sou rechèch ki angaje elèv yo nan aprantisaj
pratik nan lokal patnè nou yo ap ofri, pou anrichi valè edikasyon STEAM pou
elèv yo e ankouraje yon fondasyon ak yon enterè byen bonè lakay elèv yo nan karyè
STEAM yo. Patnè pwojè yo se Fairchild Tropical Botanic Gardens, Florida
International University, Amazon Web Services; International Process Service (konsiltan
pwodiksyon mizik), ak Discovery Education.
Pou dènye enfòmasyon yo an Kreyòl, silvouplè branche sou Radyo Lekòl
lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF
1580AM, e 6è diswa sou RCH 23 1610AM.
Silvouplè telechaje
aplikasyon mobil Dadeschools la sou aparèy iPhone oubyen Android ou. Suiv
nou sou Twitter nan @mdcps
ak @suptdotres,
sou Instagram nan @miamischools e
@suptdotres,
sou Facebook nan MiamiSchools.
# # #
# # #
22-VSP/032/JC/SD/CM