To gradyasyon lekòl segondè “Miami-Dade County Public
Schools’ (M-DCPS)” (Lekòl Leta Miami-Dade County) pou ane lekòl 2021-2022 a
atenn yon pousantaj enpresyonan 88.2 pousan, ki reprezante yon ogmantasyon 2.6
pwen pousantaj parapò ak to 85.6 pousan nan ane lekòl 2018-2019 la, dènye ane
avan pandemi an. Si nou retire lekòl ‘charter’ yo nan kalkil la, to gradyasyon
pou lekòl tradisyonèl yo ogmante a 91.9 pousan, ki reprezante yon ogmantasyon
2.7 pwen pousantaj de pousantaj 89.2 pousan (san lekòl ‘charters’ yo) pou ane
lekòl 2018-2019 la.
Anba a n ap jwenn kèk pwen enpòtan nan pèfòmans Distri a:
·
An 2022,
M-DCPS te depase to gradyasyon jeneral eta a ki se 88.2 pousan, lè li te
depase lòt distri nan eta a avèk chak nan ti gwoup ki vin apre yo: Ispanik, Blan,
Nwa, Elèv ki Ap Aprann Anglè, Elèv ki Gen Andikap, ak Elèv ki Ekonomikman
Defavorize.
·
Elèv Ispanik yo te ogmante de 2.2
pwen pousantaj konpare ak 2018-19, yo soti nan 86.7 pousan pou rive nan 88.9, e
yo depase to eta a ki se 85.9 pousan.
·
Elèv Blan yo te ogmante de 2.7 pwen
pousantaj konpare ak 2018-19, yo soti nan 91.8 pou rive 94.5 pousan, e yo
depase to eta a ki se 90.6 pousan.
·
Elèv Nwa yo te ogmante de 2.9 pwen
pousantaj konpare ak 2018-19, yo soti nan 79.5 pousan pou rive nan 82.4 pousan,
e yo depase to eta a ki se 82 pousan.
·
To gradyasyon Distri a pou Elèv ki
gen Andikap yo te ogmante de 3.9 pwen pousantaj konpare ak 2018-19, yo soti nan
82.1 pwen pou rive nan 86 pwen, e yo depase to eta a ki se 83.5 pousan.
·
Elèv Ekonomikman Defavorize yo
ogmante de 1.7 pwen pousantaj konpare ak 2018-19, yo soti nan 84.9 pousan pou
rive nan 86.6 pousan, e yo depase to eta a ki se 83.1 pousan.
·
Elèv ki Ap Aprann Anglè yo ogmante
de 0.4 pwen pousantaj konpare ak 2018-19, yo soti nan 74.7 pousan pou rive nan
75.1 pousan, e yo depase to eta a ki se 73 pousan.
“Sipèentandan Lekòl yo Dtè Jose L. Dotres di, “To
gradyasyon sa a se yon temwayaj pou travay di ak rezistans elèv nou yo, fanmi
yo, e sètènman pwofesè yo… malgre fèmti lekòl ak mezi karantèn yo te afekte elèv yo pandan yo te nan 10èm ak 11èm ane, pèseverans yo te pèmèt yo rive nan yon to gradyasyon
ki pi wo pase to 2019 la, dènye klas ki te gradye
san enpak COVID-19.”
Li enpòtan pou nou note, nan ane lekòl 2019-2020
ak 2020-2021, lè to gradyasyon nou yo te 89.6 pousan e 90.1 pousan respektivman,
distri yo te jwenn otorizasyon pou yo retire egzijans evalyasyon pou gradyasyon
yo ann akò avèk Lòd Depatman Edikasyon Florid 2021-EO-02. Sepandan, yo te retounen avèk
egzijans evalyasyon pou gradyasyon yo pou ane lekòl 2021-2022 a.
Pou dènye enfòmasyon yo an
Kreyòl, silvouplè branche sou Radyo Lekòl lendi - vandredi a 9è diswa sou WLRN
91.3 FM, ak mèkredi 10:30 dimaten sou WSRF 1580AM, e 6è diswa sou RCH 23
1610AM.
Silvouplè
telechaje aplikasyon mobil Dadeschools la sou aparèy iPhone oubyen Android ou. Suiv
nou sou Twitter nan @mdcps
ak @suptdotres,
sou Instagram nan @miamischools e
@suptdotres,
sou Facebook nan MiamiSchools.
# # #
23-VSP/053/JC/CM/RD/SD