Nan reyinyon mansyèl regilye li a, Komisyon Konsèy Lekòl
Miami-Dade la bay JCI International, Inc. yon kontra pou konplete yon pwojè “General
Obligation Bond (GOB)” (Bon Obligasyon Jeneral) nan Ernest R. Graham K-8 Center
ki evalye a apeprè $11.2 milyon.
Lekòl la ki te konstwi nan nòdwès Hialeah an 1994, te
pote non Ernest "Cap" Graham, ki te sèvi kòm senatè eta a nan fen ane
1930 yo, ki te bati youn nan pi gwo fèm letye nan Florid, epi ki te ede devlope
zòn Miami Lakes la. Pitit Graham yo gen ladan pitit gason li, Phil, ki te editè
nan Washington Post ak Bob ki te sèvi kòm gouvènè Florid ak kòm Senatè Etazini.
Kounye a lekòl la gen 10 bilding, ki chita sou yon teren
ki gen apeprè 21 ekta. Etablisman an gen 1,654 plas pou elèv.
Dimansyon
travay yo pwopoze pou pwojè sa a gen ladan amelyorasyon nan tout kanpous lekòl
la tankou inite èkondisyone yo, chofaj elektrik, nouvo sistèm alam detektè dife,
ranplasman ray pwotèksyon yo, ranplasman pòt eksteryè, reparasyon selektif miray
yo, bouche twou, randuisaj, ak kofraj miray yo. Pwojè sa a gen ladan tou konstriksyon
nouvo pasaj pyeton kouvri pou konekte ak zòn pou depoze e vin chèche elèv ki deja
egziste yo, retrase teren espò ak zòn rekreyasyon yo, ak refè beton atè nan twa
bilding. Yo pral modènize tou bwat asansè nan de (2) bilding.
Patisipasyon total sou-konsiltan “S/MBE”
(Antrepriz Ti Biznis/Biznis Minoritè):19.64 pousan
Patisipasyon total sou-konsiltan “M/WBE”
(Antrepriz Minoritè/Biznis Fi Posede):7.19 pousan
Pou dènye enfòmasyon yo an Kreyòl, silvouplè branche
sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30
dimaten sou WSRF 1580AM, e 6è diswa sou RCH 23 1610AM.
Silvouplè
telechaje aplikasyon mobil Dadeschools la sou aparèy iPhone oubyen Android ou. Suiv nou sou Twitter
nan @mdcps ak @suptdotres, sou Instagram nan @miamischools e @suptdotres, sou Facebook nan MiamiSchools.
# # #
23-VSP/55/HD/SD/RD