POU DIFIZE IMEDYATMAN
1/31/2023
KONTAK: Simone Degraff
Miami-Dade County Public Schools
305-995-4247
Yo Nonmen Don Clerveaux Meyè Pwofesè M-DCPS pou Ane a, Franquiana Williams se Meyè Pwofesè Debitan pou Ane a
Yo nonmen Don Clerveaux, yon pwofesè 5èm ane eskolè Syans
ak Syans Sosyal nan Lekòl Elemantè Phyllis Ruth Miller, kòm Meyè Pwofesè
Francisco R. Walker nan Miami-Dade County pou Ane 2024 la nan yon seremoni ki
te fèt aprèmidi a nan DoubleTree by Hilton Miami Airport & Convention
Center.
Se elèv Clerveaux
yo, ansyen ak nouvo, ki ba li enspirasyon. Li sèvi avèk vilnerabilite ak
enkyetid yo pou konekte ak yo e ede yo leve anpil defi. Kòm yon enstriktè
syans, li angaje elèv yo nan eksperyans pratik nan Royal Palm Everglades, ki
pèmèt elèv yo wè kijan devwa salklas yo ka vin tounen reyalite lavi. Vizit sa
yo te motive lòt pwofesè parèy li yo pou yo vin sètifye pou mennen elèv pa yo
nan Everglades.
Depi Clerveaux
te rantre ak kantite eksperyans ansèyman sa yo nan Lekòl Leta Miami-Dade County
nèf ane de sa, li te kontinye bay elèv li yo travay pou yo ka vin tounen
jenerasyon k ap ede sove planèt nou an pou lòt jenerasyon k ap vini yo e li gen
konfyans leson klas li yo ap ankouraje elèv li yo pou yo jis fè toutbon.
Moun ki vin an
dezyèm pozisyon an se Monique Bryant Clayton,
COPE Center North.
Yo te
rekonèt tou meyè pwofesè debitan an nan seremoni an. Pwofesè Debitan pou Ane 2023 a se Franquiana
Williams yon pwofesè ki sou dezyèm ane li nan nan Lekòl Elemantè Frederick
Douglass. Li ap anseye
Lekti ak Gramè Redaksyon nan 4èm- ak 5èm ane eskolè.
Williams, yon
gradye ki fyè dèske l soti nan Lekòl Segondè Miami Northwestern, defann valè
sitwayènte ak kominote nan kiltive yon anviwònman kote elèv yo ka kenbe otantisite
pèsonèl yo e selebre divès kilti yo.
Franquiana Williams, Meyè Pwofesè Debitan pou Ane 2023 a
Williams angaje
paran yo nan konvèsasyon enpòtan pou ranfòse koneksyon ant pwofesè-paran, nan benefis
elèv li yo. Li pèsonèlman asire l tou elèv li yo resevwa sipò adisyonèl ak
leson patikilye pou kontinye agrandi pwogrè yo.
Soleil Lobato nan
Hialeah Middle School pran dezyèm plas la.
Enstitisyon ki
patwone evènman an se Univision 23 ak EdFed, Office Depot, United Way of Miami-Dade
ak Kendall Toyota, ki pral prezante gayan prim Meyè Pwofesè pou Ane a kle yon
machin tounèf. Evènman sa a rive fèt grasa ak patenarya Asosyasyon Administratè
Lekòl nan Dade, Konsil PTA/PTSA Miami-Dade County, ak “United Teachers of Dade
(UTD)” (Sendika Pwofesè nan Dade).
Pou
dènye enfòmasyon yo an Kreyòl, silvouplè branche sou Radyo Lekòl lendi -
vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM,
e 6è diswa sou RCH 23 1610AM.
Silvouplè
telechaje aplikasyon mobil Dadeschools la sou aparèy iPhone oubyen Android ou. Suiv
nou sou Twitter nan @mdcps
ak @suptdotres,
sou Instagram nan @miamischools e
@suptdotres,
sou Facebook nan MiamiSchools.
FOTO: Don Clerveaux, Meyè Pwofesè Francisco R. Walker
pou Ane 2024 la
# # #
23-VSP/064/HD/SD/CM