Lekòl Leta Miami-Dade County Te Fè yon Seremoni Lansman Pwojè Nan Ernest R Graham K-8 Academy

Sipèentandan Lekòl yo Dtè. Jose L. Dotres, Manb Komisyon Konsèy Lekòl Roberto Alonso, Direktè lekòl Ernest R Graham K-8 Academy Mayra Alfaro, Majistra Hialeah Esteban Bovo, reprezantan lekòl ak Distri, anplwaye lekòl la, ak elèv te rasanble vandredi nan lekòl la pou lanse senbolikman yon nouvo pwojè Bon Obligasyon Jeneral $11.2 milyon.

Lekòl la te pote non Ernest R Graham, yon senatè eta Florid soti 1937 rive 1944, ki te ede elimine “poll tax” (taks ki bay moun dwa pou vote) nan Florid. Graham, te fè efò pou kreye yon inivèsite piblik nan Miami-Dade, e finalman sa te abouti nan etablisman ‘Florida International University.’ Li te pwopriyetè tou youn nan pi gwo fèm pwodui letye nan Miami.

Pitit gason li, Phil Graham, te vin editè nan ‘Washington Post’ e lòt pitit gason li a te eli gouvènè Florid e li te sèvi nan Sena Ameriken an.

Pami amelyorasyon yo pwopoze pou pwojè sa a genyen nouvo pasaj pou pyeton ki kouvri, pou konekte zòn ki la kounye a pou depoze elèv, refè sifas teren jwèt yo, ansanm ak nouvo planche nan twa bilding. Yo pral modènize kabin asansè nan de bilding. Lòt amelyorasyon yo gen ladan ranplase inite kontwòl lè a, chofaj elektrik, yon nouvo sistèm alam dife, ansanm ak yon nouvo ray. Yo pral mete nouvo pòt tou sou deyò lekòl la, repare randuisaj kèk kote, repare kèk kote nan mi an, bouche twou, e mastike mi yo.

Brittny Santaball, yon elèv 13 an ki nan uityèm ane di, "mwen panse amelyorasyon y ap fè kounye a ekstrawòdinè”… Mwen nan lekòl sa a depi m te nan 5èm ane e an jeneral, eksperyans la te vrèman enteresan. Mwen renmen fason yo pral renove lekòl la pou l ka vin bay meyè rannman posib pou kominote a.”

Pwojè bon obligasyon an se rezilta apwobasyon votè yo te bay Bon Obligasyon Jenral $1.2 milya a an 2012. Nou ap itilize bon nan pou modènize e konstwi bilding lekòl atravè Distri a, ogmante kapasite lekòl pou yo pran plis elèv, amelyore sekirite, e ofri amelyorasyon teknolojik nan tout lekòl yo.

Pou de`nye enfo`masyon yo an Kreyo`l, silvouple` branche sou Radyo Leko`l lendi - vandredi a 9e` diswa sou WLRN 91.3FM, ak me`kredi 10:30 dimaten sou WSRF 1580AM, e 6e` diswa sou RCH 23 1610AM.

Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou Twitter nan @mdcps ak @suptdotres, sou Instagram nan @miamischools e @suptdotres, sou Facebook nan MiamiSchools.

Nan mitan foto a: Manb Komisyon Konsèy Lekòl Roberto Alonso, Sipèentandan Lekòl yo Dtè. Jose L. Dotres, Majistra Hialeah Esteban Bovo ak Direktè lekòl Ernest R Graham K-8 Academy Mayra Alfaro, te ansanm ak elèv yo ansanm ak reprezantan lekòl ak Distri a nan lansman divès amelyorasyon nan Ernest R Graham K-8 Academy.