Nan reyinyon regilye li fè chak mwa a Komisyon Konsèy Lekòl
Miami-Dade la apwouve kontra konstriksyon pou pwojè “General Obligation Bond
(GOB)” (Bon Obligasyon Jeneral) nan lekòl North Miami Beach Senior High ak
Flamingo Elementary ki vo $27.1 milyon.
Votè yo te apwouve GOB a an 2012, yon fason ekstrawòdinè,
pou renove, remodle e ranplase lekòl; ogmante kapasite lekòl yo pou pran plis
elèv; amelyore sekirite; e ofri amelyorasyon teknolojik.
North Miami Beach Senior High School – Se ‘JRT Construction’ ki resevwa kontra pou fè renovasyon atravè kanpous Lekòl Segondè North Miami Beach. Lekòl sa a,
ki te bati an 1971, gen ladan sèt bilding e li gen 2,632 plas pou elèv.
Dimansyon travay la gen ladan nouvo
laboratwa pou òdinatè, klas wobotik ak ‘AP Capstone’; yon nouvo antre avèk yon
ranp akseblite pou ADA, kloti pou pwopriyete a, afich ak siyalizasyon ADA atravè kanpous la.
Renovasyon yo ap gen ladan tou amelyorasyon nan sistèm HVAC ak alam sekirite a,
ranplasman plafon akoustik ak planche kèk kote nou chwazi.
Alokasyon total pou pwojè a - $16.5 milyon Li pwograme pou fini – Out 2024
Patisipasyon Total Soutretans “Small/Micro Business
Enterprise (S/MBE)” (Antrepriz Ti Biznis/Mikwo Biznis): 19.22 pousan
Patisipasyon Total Soutretans “Minority/Women Business
Enterprises (M/WBE)” (Antrepriz Biznis Minoritè/Biznis Fi Posede): 8.33 pousan
Flamingo Elementary School – Se ‘Magnum Construction Management’ ki resevwa kontra pou fè
renovasyon avèk fon ki soti nan Bon Obligasyon Jeneral (GOB) a, nan Lekòl
Elemantè Flamingo ki lokalize nan zòn lès Hialeah. Lekòl sa a, ki te bati an
1957, gen ladan kounye a sèt bilding pèmanan avèk 866 plas pou elèv.
Dimansyon travay la gen ladan demolisyon yon bilding ak yon
klas pòtab. Y ap enstale eleman sa yo: pasaj pou pyeton ki kouvri nan de (2)
bilding, afich ak siyalizasyon; teren jwèt, elevatè podyòm pou ADA, fontèn dlo
wo/ba pou ADA nan kat bilding, ekleraj pou podyòm nan twa bilding, tout HVAC yo
nan kat bilding, yo pral remodle kèk pòsyon nan bilding kat la pou l tounen
salklas Matènèl.
Alokasyon total pou pwojè a - $10.6 million Li pwograme pou fini – Janvye 2025
Patisipasyon Total Soutretans “Small/Micro Business
Enterprise (S/MBE)” (Antrepriz Ti Biznis/Mikwo Biznis): 14.15 pousan
Patisipasyon Total Soutretans “Minority/Women Business
Enterprises (M/WBE)” (Antrepriz Biznis Minoritè/Biznis Fi Posede): 15.56 pousan
Pou dènye enfòmasyon yo an Kreyòl, silvouplè branche sou Radyo Lekòl
lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF
1580AM, e 6è diswa sou RCH 23 1610AM.
Silvouplè telechaje
aplikasyon mobil Dadeschools la sou aparèy iPhone oubyen Android ou. Suiv nou sou Twitter nan @mdcps ak @suptdotres, sou Instagram nan @miamischools e @suptdotres, sou Facebook nan MiamiSchools.
# # #
23-VSP/099/HD/CM/RD