Nan mitan foto a w ap wè Chèf Polis Lekòl Miami Ivan Silva, Chèmann Komisyon
Konsèy Lekòl la Mari Tere Rojas,
Ofisye Anchèf Operasyon M-DCPS Luis E. Diaz ak administratè M-DCPS, Fentanyl Fathers CEO Greg Swan
ak Direktris Rejyonal Alyans sou Opyòd pou Sid Florid Lisa Keller
Pou asire elèv yo edike sou
danje ki genyen nan dwòg mòtèl 'fentanyl' la, "Miami-Dade County Public Schools
(M-DCPS)" (Lekòl Leta Miami-Dade County) lanse yon Kanpay Sansibilizasyon
Edikasyon sou 'Fentanyl' yè maten, nan tout distri a, kanpay sa a ki pral gen
ladan rasanbleman nan tout 62 lekòl segondè distri yo ki ap kòmanse semèn
pwochèn.
Greg Swan ki se fondatè ak
PDG òganizasyon 'Fentanyl Fathers' la di, "Pèdi yon timoun se pi gwo doulè
yon moun ka janm fè eksperyans. Nou te deside kòm yon fason pou fè terapi
patisipe nan solisyon an." Msye Swan ki te pèdi pitit gason li Drew, ki te
mouri nan yon twòp dozaj 'fentanyl' di, "Mèsi anpil M-DCPS. Ou pran devan paske
ou pa vle sa rive nan lekòl ou yo. Ann asire kanè nòt nou an toujou yon zewo
pafè nan fen inisyativ sa a."
Chèmann Komisyon Konsèy
Lekòl la, Mari Tere Rojas, te entwodui yon atik nan reyinyon Komisyon Konsèy
Lekòl mwa fevriye a ki te mennen nan òganize ak inisye kanpay la.
Chèf Polis Lekòl Miami Ivan
Silva, administratè M-DCPS, ak Lisa Keller, ki se Direktris Rejyonal pou "South
Florida Opioid Alliance" (Alyans sou Opyòd nan Sid
Florid), te asiste evènman an pou montre sipò yo pou nouvo
kanpay la. Fè rasanbleman pou enfòme elèv lekòl segondè sou danje ki genyen nan
dwòg 'fentanyl' la pral prezante yon videyo ki gen enfòmasyon sou dwòg la ak
puisans li, ansanm ak temwayaj paran kèk jèn timoun ki mouri nan twòp dozaj 'fentanyl'.
Dapre "Drug Enforcement
Agency (DEA)" (Ajans pou Kontwòl Dwòg), 'Fentanyl' se sèl dwòg ilegal ki pi mòtèl
e ki pi danjre peyi nou an janm genyen. Dwòg la apeprè 50 fwa pi puisan pase
ewoyin ak 100 fwa pi puisan pase mòfin.
Fentanyl la bon mache, ou
jwenn li fasil, ak nati adiksyon li fè dwòg sa a patikilyèman danjre pou elèv
lekòl segondè yo, ki ka pran yon twòp dozaj paske yo pa konnen yo melanje lòt
dwòg ak 'fentanyl'. Msye Swan te mansyone eta Florid sèlman dezyèm nan lanmò 'fentanyl' apre California nan tout peyi a, avèk 7,800 jèn moun ki mouri chak ane nan twòp
dozaj 'fentanyl'.
Chèmann Komisyon Konsèy Lekòl la Mari Tere Rojas te
itilize fraz "One pill can kill" (Yonsèl grenn ka touye) pou mete aksan sou
enpòtans pou edike elèv yo sou danje 'fentanyl'. Li te note tou chak lekòl
M-DCPS gen 'Narcan' ki disponib, medikaman yo itilize pou anpeche lanmò sibit
nan twòp dozaj dwòg la. Li di M-DCPS gen chans jiska prezan nou pa gen okenn
ensidan ki gen rapò ak dwòg 'fentanyl' la.
# # #
23-VSP/028/AR/SD/RD