Komisyon Konsèy Lekòl la Apwouve De Achitèk, Bay Kontra Konstriksyon pou Pwojè GOB ki Vo $23.8 Milyon Dola

Nan reyinyon regilye li fè chak mwa a, Komisyon Konsèy Lekòl Miami-Dade la akòde de fèm achitekti ak yon konpayi konstriksyon pou fini pwojè "General Obligation Bond (GOB)" (Bon Obligasyon Jeneral) nan lekòl Dr. William A. Chapman House, Dr. Frederica S. Wilson/Skyway Elementary (DFWS), ak Silver Bluff Elementary ki vo apeprè $23,857,085.00 milyon dola.

Dr. William A. Chapman House – yo komisyone R.E. Chisholm Architects, Inc., kòm achitèk/enjenyè (A/E) nan dosye bon an finanse pou restorasyon ak renovasyon istorik Chapman House ki te konstwi an 1923. Bilding nan, ki gen detay klasik sou gwo galri a ak fasad devan an, montre egzanp estil achitekti ‘Masonry Vernacular’ ki te genyen nan Dade County nan epòk ane 1920 yo.

Dimansyon travay la gen ladan men li pa limite a, restorasyon ak renovasyon istorik bilding ki deja egziste a, ranplasman twati a, sistèm HVAC la, mi enteryè yo, ray mach eskalye yo, ak planche bwa yo. Yo pral renove sèvis elektrik prensipal la, ekleraj siy ijans yo, ak sistèm ekleraj la. Yo ap mande A/E yo pou yo prezève valè istorik ak karakteristik estriktirèl andwa a. 

Patisipasyon Total Soutretans "Small/Micro Business Enterprise (S/MBE)"

(Antrepriz Ti Biznis/Mikwo Biznis): 14 pousan

Patisipasyon Total Soutretans “Minority/Women Business Enterprises (M/WBE)” (Antrepriz Biznis Minoritè/Biznis Fi Posede): 14 pousan

 Alokasyon total pou pwojè a - $1,504,350.47 milyon                Li pwograme pou fini – Me 2025

Dr. Frederica S. Wilson/Skyway Elementary – yo komisyone Wolfberg Alvarez and Partners, Inc., kòm achitèk/enjenyè (A/E) nan dosye pou ranplasman ak renovasyon pasyèl bon an finanse nan DFWS. Li te konstwi an 1972, DFWS gen senk bilding ki sitiye nan Miami Gardens.

Dimansyon travay sa a gen ladan demolisyon ak ranplasman Bilding 1 avèk premye pwototip Lekòl Leta Miami-Dade County "Net Zero Energy Elementary" (Zewo Netralite Enèji Elemantè). Li gen ladan kreyasyon yon Pwototip ekosistèm/dirab/wo pèfòmans, konponan salklas/administrasyon/sant medya pou loje 322 plas pou elèv. Genyen tou de (2) teren tenis, yon teren pou jwe 'golf', ak sistèm kamera sekirite nan tout kanpous la.

Pwototip Bilding 1 ak Bilding 4 ki egziste deja a dwe efikas nan enèji dirab epi yo dwe pwodui ase enèji nan sous renouvlab sou plas pou fasilite fonksyonman yo pandan yon peryòd 12 mwa.

Patisipasyon Total Soutretans "Small/Micro Business Enterprise (S/MBE)"

(Antrepriz Ti Biznis/Mikwo Biznis): 10 pousan

Patisipasyon Total Soutretans “Minority/Women Business Enterprises (M/WBE)” (Antrepriz Biznis Minoritè/Biznis Fi Posede): 20 pousan

Alokasyon total pou pwojè a - $16,974,031.88 milyon    Li pwograme pou fini – Oktòb 2026

Silver Bluff Elementary – yo komisyone Stonehenge Construction, LLC pou renovasyon pwojè nan Silver Bluff Elementary. Lekòl la ki te konstwi an 1926, gen limit fontyè li sou nò ak Southwest 26th Street ak Southwest 25th Avenue West. Kounye a li gen sis bilding e li gen 629 plas pou elèv.

Dimansyon travay la gen ladan renovasyon nan tout kanpous la, pentire eksteryè lekòl la, ak enstalasyon aparèy alam dife adisyonèl ak siy ijans pou sòti. Pami pwojè yo gen pou ranplase yo gen lakou rekreyasyon an, pòt koulwa yo, HVAC kwizin nan, inite klimatizè fenèt yo, rido sèn teyat la, ak divès kalite renovasyon.

Patisipasyon Total Soutretans "Small/Micro Business Enterprise (S/MBE)"

(Antrepriz Ti Biznis/Mikwo Biznis): 38.55 pousan

Patisipasyon Total Soutretans “Minority/Women Business Enterprises (M/WBE)” (Antrepriz Biznis Minoritè/Biznis Fi Posede): 16.29 pousan

Alokasyon total pou pwojè a - $5,378,702.65 milyon       Li pwograme pou fini – Fevriye 2025

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou X, ki te rele twitter nan @mdcps ak @suptdotres, sou Instagram nan @miamischools e @suptdotres, sou Facebook nan MiamiSchools.